#Title

சொத்துத் தகராறு: சமரசத் தீர்வு மையத்தில் அமைச்சர் மரியவில்சன் ஜூலை 13 அன்று ஆஜராக வேண்டும்! உயர்நீதிமன்றம் உத்தரவு!

சென்னை, ஜூலை 11–

சொத்து தகராறில் சகோதரரை தாக்கிய வழக்கில், அமைச்சர் மரிய வில்சன் ஜூலை 13ம் தேதி நேரில் ஆஜராக சென்னை உயர் நீதிமன்றம் உத்தரவிட்டுள்ளது.

தமிழ்நாடு நிதி அமைச்சர் மரிய வில்சன், கடந்த2022ஆம் ஆண்டு ஆகஸ்ட்8 ஆம் தேதி புதுச்சேரி, எழில் நகரில் வசித்து வரும் அவரது சகோதரர் மரிய குலோத் வீட்டின்கதவை உடைத்து, உள்ளேபுகுந்து, மரிய குலோத், அவரது மனைவி கரோலின் ஆகியோரை தாக்கிய வீடியோ காட்சிகள் வைரலாகின. சம்பவம் குறித்த புகாரின் பேரில் லாஸ்பேட்டை போலீசார்வழக்கு பதிவு செய்திருந்தனர்.

புதுச்சேரி முதலாவது குற்றவியல் நீதி மன்றத்தில் விசாரணையில் உள்ள இந்த வழக்கில், ஆஜராக உத்தரவிட்ட போதும், மரிய வில்சன் தொடர்ந்து ஆஜராகாமல் இருந்து வந்தார். இதனால் ஜூலை 10ஆம் தேதி கட்டாயமாக ஆஜராக மரிய வில்சனுக்குஉத்தரவிடப்பட்டிருந்தது.

இந்நிலையில் இந்த வழக்கை ரத்து செய்யக் கோரியும், இன்று நீதிமன்றத்தில் நேரில் ஆஜராவதில் இருந்து விலக்களிக்கக் கோரியும் மரியவில்சன் தரப்பில் சென்னைஉயர்நீதிமன்றத்தில் மனுத்தாக்கல் செய்யப்பட்டிருந்தது.

இந்த மனு நீதிபதி இளந்திரையன் முன் விசாரணைக்கு வந்தபோது, மரிய வில்ச னுக்கு எதிரான வழக்கை ரத்து செய்யக்கூடாது என புதுச்சேரி அரசு வழக்கறிஞர் ஜெயராணி ஆஜராகி கடும் எதிர்ப்பு தெரிவித்தார்.

இதையடுத்து, உயர்நீதிமன்ற சமரச தீர்வு மையத்துக்கு வழக்கை அனுப்பி வைத்த நீதிபதி, ஜூலை 13ஆம் தேதி அமைச்சர் மரியவில்சன், அவரது தந்தை மற்றும் சகோதரர், சகோதரரின் மனைவி ஆகியோரை சமரச தீர்வு மையத்தில் ஆஜராக உத்தரவிட்டார்.