சென்னை, ஜூலை 11–

கடந்த தி.மு.க. ஆட்­சி­யின்­போது 2025—26ஆம் கல்­வி­யாண்­டில் பள்­ளிக் கல்­வி­யின் பல்­வேறு முக்­கி­யக் குறி­யீ­டு­க­ளில் தமிழ்­நாடு முன்­ன­ணி­யில் உள்­ளது என ஒன்­றிய கல்வி அமைச்­ச­கம் வெளி­யிட்­டுள்ள அறிக்­கை­யில் கூறப்­பட்­டுள்­ளது. ஒன்­றிய கல்வி அமைச்­ச­கம் வெளி­யிட்ட 2025—26ஆம் கல்­வி­யாண்­டுக்­கான கல்­விக்­கான ஒருங்­கி­ணைந்த மாவட்ட தக­வல் அமைப்­பின் அறிக்­கை­யின் அடிப்­ப­டை­யில், கடந்த திமுக ஆட்­சிக் காலத்­தில் தமிழ்­நாடு பள்­ளிக் கல்­வித்­துறை பல்­வேறு முக்­கிய குறி­யீ­டு­க­ளில் தமிழ்­நாடு முன்­னணி மாநி­ல­மாக திகழ்ந்­தது தெரி­ய­வந்­துள்­ளது.

இது­தொ­டர்­பாக, தமிழ்­நாடு பள்­ளிக் கல்­வித்­துறை வெளி­யிட்­டுள்ள அறிக்­கை­யில் கூறி­யுள்­ள­தா­வது:

இந்­திய அர­சின் கல்வி அமைச்­ச­கத்­தால் வெளி­யி­டப்­பட்ட கல்­விக்­கான ஒருங்­கி­ணைந்த மாவட்ட தக­வல் அமைப்­பின் (UDISE+ 2025–-26) அறிக்­கை­யில், பள்­ளிக் கல்­வி­யின் பல்­வேறு முக்­கிய குறி­யீ­டு­க­ளில் தமிழ்­நாடு தொடர்ந்து முன்­னணி மாநி­ல­மாக திகழ்­வது உறுதி செய்­யப்­பட்­டுள்­ளது. மாண­வர் சேர்க்கை, இடை நிற்­றல் குறைவு, ஆசி­ரி­யர் எண்­ணிக்கை, கல்வி உள்­கட்­ட­ மைப்­பின் பய­னுள்ள பயன்­பாடு மற்­றும் பத்­தாம் வகுப்­பிற்கு பிந்­தைய கல்­வித் தொடர்ச்சி உள்­ளிட்ட பல்­வேறு துறை­க­ளில் தமிழ்­நாடு தேசிய அள­வில் சிறப்­பான முன்­னேற்­றத்­தைப் பதிவு செய்­துள்­ளது.

UDISE+ 2025-–26 அறிக்­கை­யின்­படி தமிழ்­நாட்­டில் 57,566 பள்­ளி­கள், 1,24,02,872 மாண­வர்­கள் மற்­றும் 5,69,909 ஆசி­ரி­யர்­கள் உள்­ள­னர். மாநி­லத்­தின் மாண­வர் ஆசி­ரி­யர் விகி­தம் 22:1ஆக உள்­ளது. இது, தேசிய சரா­ச­ரி­யான 24:1ஐ விடச் சிறப்­பாக உள்­ளது. மேலும், ஒரு பள்­ளிக்கு சரா­ச­ரி­யாக 215 மாண­வர்­கள் மற்­றும் 10 ஆசி­ரி­யர்­கள் இருப்­பது கல்வி உள்­கட்­ட­மைப்பு திற­மை­யா­கப் பயன்­ப­டுத்­தப்­பட்டு வரு­வதை எடுத்­துக்­காட்­டு­கி­றது. மாண­வர் இடை நிற்­றல் விகி­தத்­தில் தமிழ்­நாடு குறிப்­பி­டத்­தக்க சாத­னை­யைப் படைத்­துள்­ளது.

தொடக்­க­நிலை மற்­றும்நடு நிலைப்­பள்­ளி­கள் இடைநிற்­றல் 0.0 சத­வீ­த­மாக பதி­வா­கி­யுள்­ளது. இடை­நி­லைக் கல்­வி­யில் இடை நிற்­றல் விகி­தம் 6.2 சத­வீ­தம்மட்­டுமே ஆகும். இது தேசியசரா­ச­ரி­யான 9.5 சத­வீ­தத்தை விடக் குறிப்­பி­டத்­தக்க அள­வில் குறை­வா­கும். மொத்த சேர்க்கை விகி­தத்­தி­லும் தமிழ்­நாடு தேசிய அள­வில் முன்­ன­ணி­யில் உள்­ளது. தொடக்­க­நி­லை­யில் 92.2, நடு நிலைப்­பள்­ளி­கள் 95.2, இடை­நி­லை­யில் 97.4, மேல்­நி­லை­யில் 85.1 என பதி­வா­கி­யுள்­ளது.

குறிப்­பாக இடை­நிலை மற்­றும் மேல்­நி­லைக் கல்­வி­யில் தேசிய சரா­ச­ரியை விட மிக­வும் உயர்ந்த சேர்க்கை விகி­தத்தை தமிழ்­நாடு பெற்­றுள்­ளது. பத்­தாம் வகுப்­பிற்கு பிந்­தைய கல்­வித் தொடர்ச்­சி­யி­லும் மாநி­லம் சிறப்­பாக செயல்­பட்டு வரு­கி­றது. மேல்­நி­லைக் கல்­வி­யில் மாநி­லத்­தின் மொத்த சேர்க்கை விகி­தம் 85.1 ஆக உள்­ளது. இத­னு­டன், 2025-–26 கல்­வி­யாண்­டில் 83,600 மாண­வர்­கள் பாலி­டெக்­னிக் கல்­வி­யி­லும், 60,355 மாண­வர்­கள் தொழிற்­ப­யிற்சி நிலை­யங்­க­ளி­லும் சேர்ந்­துள்­ள­னர்.

மொத்­த­மாக 1,43,955 மாண­வர்­கள் தொழில்­நுட்ப மற்­றும் தொழிற்­கல்வி பாதையை தேர்ந்­தெ­டுத்­துள்­ள­னர். இது மாண­வர்­க­ளின் திறன், விருப்­பம் மற்­றும் வேலை­வாய்ப்பு நோக்­கங்­களை கருத்­தில் கொண்டு பல்­வேறு கல்­விப் பாதை­களை தமிழ்­நாடு வெற்­றி­க­ர­மாக உரு­வாக்­கி­யி­ருப்­பதை வெளிப்­ப­டுத்­து­கி­றது. கல்வி உள்­கட்­ட­மைப்­பின் பயன்­பாட்­டி­லும் தமிழ்­நாடு சிறப்­பா­கத் திகழ்­கி­றது. தேசிய அள­வில் ஒரு பள்­ளிக்கு சரா­ச­ரி­யாக 169 மாண­வர்­கள் உள்ள நிலை­யில், தமிழ்­நாட்­டில் ஒரு பள்­ளிக்கு 215 மாண­வர்­கள் உள்­ள­னர்.

இது பள்­ளிக் கல்வி வளங்­கள் பய­னுள்ள முறை­யில் பயன்­ப­டுத்­தப்­ப­டு­வ­தை­யும், கல்வி நிறு­வ­னங்­கள் கல்­வி­யி­யல் ரீதி­யாக வலு­வாக செயல்­ப­டு­வ­தை­யும் காட்­டு­கி­றது. மேலும், தமிழ்­நாட்­டில் பள்­ளி­க­ளின் கட்­ட­மைப்­பும் சம­நி­லை­யு­டன் அமைந்­துள்­ளது. மாநி­லத்­தில் உள்ள பள்­ளி­க­ளில் 59.05 சத­வீ­தம் தொடக்­கப் பள்­ளி­கள், 15.87 சத­வீ­தம் நடு நிலைப்­பள்­ளி­கள், 9.42 சத­வீ­தம் உயர்­நி­லைப் பள்­ளி­கள் மற்­றும் 15.66 சத­வீ­தம் மேல்­நி­லைப் பள்­ளி­கள் ஆக உள்­ளன. இந்த சம­நி­லை­யான அமைப்பு மாண­வர்­கள் இடை­யூறு இன்றி அடுத்­த­டுத்த கல்வி நிலை­க­ளுக்கு முன்­னேற உத­வு­கிறது.

மாண­வர்­க­ளின் முழு­மை­யான வளர்ச்­சியை நோக்­க­மா­கக் கொண்டு தர­மான கல்வி, டிஜிட்­டல் கல்வி உள்­கட்­ட­மைப்பு, உள்­ள­டக்­கிய கல்வி, தொழில்­நுட்­பத் திறன் மேம்­பாடு மற்­றும் எதிர்­கால தேவை­க­ளுக்­கேற்ற கற்­றல் சூழலை உரு­வாக்­கும் பணி­க­ளில் தமிழ்­நாடு அரசு தொடர்ந்து முன்­னெ­டுத்து வரும் முயற்­சி­க­ளுக்கு இந்த அறிக்கை வலு­வான அங்­கீ­கா­ர­மாக அமைந்­துள்­ளது.

இவ்­வாறு அதில் கூறப்­பட்­டுள்­ளது.