#Title

கருத்துகளைப் பகிர்வதற்காகப் பொதுமக்களைக் கைது செய்து சிறையில் அடைப்பது தேவையற்றது! கழக Genz செயற்பாட்டாளர் அன்பானந்தனுக்கு ஜாமீன்! நீதிமன்றம் அதிரடி உத்தரவு

தேவக்கோட்தடை, ஜூலை 11–

முதலமைச்சர் குறித்து இன்ஸ்டாகிராம் பக்கத்தில் விமர்சனம் செய்ததாகக் கூறி கழக Genz செயல்பாட்டாளர் அன்பானந்தம் காவல்துறையால் கைது செய்யப்பட்டார். மேலும் அவரை காவலில் வைக்கக் கோரி காவல் துறை தாக்கல் செய்த மனுவை நிராகரித்த தேன்கனிக்கோட்டை நீதிமன்றம், அவருக்கு நிபந்தனை ஜாமீன் வழங்கி உத்தரவிட்டுள்ளது.

தேன்கனிக்கோட்டை மாவட்ட முன்சீப் மற்றும் நீதித்துறை நடுவர் நீதிமன்ற மாண்பமை நீதிபதி ஜே. தினேஷ் குமரன் அவர்கள் முன்னிலையில் விசாரணைக்கு வந்தது. வழக்கு விசாரணையின் போது, காவல் துறை பல்வேறு பிரிவுகளின் கீழ் வழக்குப்பதிவு செய்திருந்தாலும், முதற்கட்டமாக தகவல் தொழில்நுட்ப சட்டத்தின் பிரிவு 67 மட்டுமே இந்த வழக்கிற்குப் பொருந்துகிறது. இரு பிரிவினரிடையே பகைமையை வளர்த்தல் அல்லது பொது அமைதிக்குக் குந்தகம் விளைவித்தல் போன்ற இதர குற்றச்சாட்டு களுக் கான ஆதாரங்கள் இதில் இல்லை என்று நீதிபதி சுட்டிக்காட்டினார்.

மேலும் வெறும் கருத்துக்களைப் பகிர்வதற்காகப் பொதுமக்களைக் கைது செய்து சிறையில் அடைப்பது தேவையற்றது என்றும், சட்டம் ஒழுங்கு பாதிப்பு அல்லது வன்முறை தூண்டப்படாத பட்சத்தில் நீதிமன்றக் காவல் தேவையில்லை என்றும் குறிப்பிட்டுவிசாரணையின் பெரும்பகுதி முடிந்துவிட்டதாலும், மேலும் காவல் விசாரணை தேவையில்லை என்பதாலும் அன்பானந்தத்திற்கு நிபந்தனைகளுடன் ஜாமீன் வழங்கி உத்தரவிட்டார்.