சென்னை, ஜூலை 12 –

விஜ­யின் முதுகு தான் கரூர் மக்­க­ளின் நினை­வுச்­சின்­னம். இன்று போல அன்­றும் நேரத்­திற்கு வந்­தி­ருந்தால் உயி­ரி­ழப்பே நடந்­தி­ருக்­காது. ஜன­நா­ய­கன் பட இசை வெளி­யீட்டு விழா­வில் மகிழ்ச்­சி­யோடு நட­னம் ஆடி­விட்டு.. வலி வேத­னையா.? நீங்க ரொம்ப “டீ ஆத்­து­றீங்­கன்னு” மக்­க­ளுக்கு தெரி­யும் என்று கரூ­ரில் முதல்­வர் விஜய் பேசிய பேச்­சிற்கு தி.மு.க. முன்­னாள் அமைச்­சர் சா.சி.சிவ­சங்­கர் பதி­லடி கொடுத்­துள்­ளார்.

அவ­ரது பேட்டி வரு­மாறு:

இன்று கரூ­ருக்கு சென்று பேசி உள்­ளார் முதல்­வர் விஜய். சில நாட்­கள் முன்பு இடைத்­தேர்­தல் பிரச்­சா­ரத்­திற்­காக திருச்சி கிழக்­கிற்கு சென்­றி­ருந்­தார் முதல்­வர் விஜய். இன்று திருச்­சி­யில் இருந்து கரூர் சென்­றதை போல அன்றே கரூர் சென்­றி­ருக்­க­லாம். ஆனால் அப்­போது போக­வில்லை. அதற்கு கார­ணம் ஷோபா மாடல் கட்­சி­யில் கரூர் எம்.ஆர். விஜ­ய­பாஸ்­கர் இணை­யட்­டும் எம்.எல்.ஏ பத­வியை ராஜி­னாமா செய்­யட்­டும். அதன் பின் இடைத்­தேர்­தல் பிரச்­சா­ரத்­திற்கு செல்­ல­லாம் என விஜய் காத்­தி­ருந்­தார்.

அன்று திருச்­சிக்கு போன­திற்கு கார­ணம் இடைத்­தேர்­தல் இன்று கரூர் சென்­ற­தற்கு கார­ணம் இடைத்­தேர்­தல். அந்த இடைத்­தேர்­தல் பிரச்­சா­ரத்­தில் எம்.ஆர் விஜய பாஸ்­கரை அரு­கில் வைத்து கொண்டு ஊழல் பற்றி எல்­லாம் பேசு­கி­றார். 100 கோடி ரூபாய் மதிப்­புள்ள நில அப­க­ரிப்பு வழக்­கில் தலை­ம­றை­வாக இருந்து கைது செய்­யப்­பட்­ட­வர் தான் இந்த விஜ­ய­பாஸ்­கர். விரா­லி­மலை முன்­னாள் சட்­ட­மன்ற உறுப்­பி­னர் விஜ­ய­பாஸ்­கரை குட்கா வழக்கு விசா­ர­ணைக்கு வர சொல்லி உள்­ளது நீதி­மன்­றம். இவர்­களை அரு­கில் வைத்­துக்­கொண்டு ஊழலை ஒழிப்­பேன் என்று பேசு­கி­றார்.

மீண்­டும் மீண்­டும்அவர் சொல்ல வரும் நரேட்­டிவ் திரா­விட முன்­னேற்ற கழ­கம் தான் எல்­லா­வற்­றிற்­கும் கார­ணம் என்­பது.அதே­போல கரூர்ல நடந்த சம்­ப­வத்­திற்கு திரா­விட முன்­னேற்ற கழ­கம் தான் கார­ணம் என்று சொல்­லி­யி­ருக்­கி­றார்.

அவர் பேசும் போது தெரிந்தோ தெரி­யா­மலோ அவ­ரு­டைய ஸ்கிரிப்ட் ரைட்­டர் கொடுத்­ததை அப்­ப­டியே பேசி­யி­ருக்­கி­றார். ஒரு முத­ல­மைச்­ச­ராக பதவி ஏற்­றி­ருக்­கி­றோம் என்ற எண்­ணம் இன்­னும் அவ­ருக்கு இல்லை. தற்­போது தான் ஒரு முத­ல­மைச்­சர் என்ற நினைவே இன்றி பேசி இருக்­கி­றார்.

முதல்­வ­ரா­கிய அவ­ருக்கு கீழ் இருக்­கும் காவல்­து­றையை இன்­றைக்கு அவரே குற்­றம் சாட்டி பேசி­யி­ருக்­கி­றார். காவல்­துறை என்­பது ஒரு இன்ஸ்­டி­டி­யூ­ஷன், அது எப்­போ­தும் இருக்­கும், யார் ஆட்­சிக்கு வந்­தா­லும் இருக்­கும்.

கரூ­ரி­லி­ருந்து சென்­னைக்கு

ஓடி வந்­தது யார்?

அமைச்­சர் ஆதவ் அர்­ஜூனா ஆதா­ர­மில்­லா­மல் காவல்­து­றையை பற்றி பேச­லாம், ஏன் என்­றால் அவர் ஏற்­க­னவே ‘புரட்சி வெடிக்­கும், ஜென்சி புரட்சி வெடிக்­கும்’ என்று பதிவு போட்­டு­விட்டு அதற்கு ஜாமீன் கேட்டு கோர்ட்­டுக்கு போகும்­போது தன்னை பற்றி ஒரு தக­வலை நீதி­மன்­றத்­தில் கூறி இருப்­பார். ஆகவே அதே தக­வலை இப்­போ­தும் கூறி தப்­பித்­துக் கொள்­வார்.