நெல்லை, ஜூலை 12–
தி.மு.க. அறிவித்த மக்கள் நல திட்டங்கள் முடக்கப்படுகிறது.யூடியூப், இன்ஸ்டாகிராம், எக்ஸ்தளம் மூலம் ‘ரீல்ஸ்’ போட்டுமக்களை ஏமாற்றும்த.வெ.க.அரசு ‘அல்காரிதம்’ஆட்சி தமிழகத்தில் நடைபெறுகிறது. என்றும் மேகதாது அணை விவகாரம், கன்னியாகுமரியில் அணுக்கனிம சுரங்கங்களுக்கு அனுமதி அளித்தது, சிறுபான்மையினருக்கான 3.5சதவீத இடஒதுக்கீடு மற்றும்தேவாலயம்/மசூதி கட்ட அனுமதிப்பதில் உள்ள சிக்கல்கள் உள்ளிட்ட பிரச்சனைக்களில் தமிழக மக்களுக்கு எதிராகவே த.வெ.க. அரசு செயல்படுகிறது.என நெல்லையில் முன்னாள் சட்டபேரவை தலைவர் மு.அப்பாவு தெரிவித்தார்.
நெல்லை மாவட்டம் இராதாபுரம் சட்டமன்ற தொகுதியில் தி.மு.க. ஆட்சியில் தொடங்கப்பட்ட மாவட்ட தலைமை மருத்துவமனைக்கு நிரந்தர பணியாளர்களை நியமிக்க வேண்டுவது, சர்வதேச விளையாட்டு மைதானம் உள்ளிட்ட திட்டபணி களை விரைந்து முடிக்க வலியுறுத்தி முன்னாள் பேரவை தலைவர் மு.அப்பாவு நெல்லை மாவட்ட ஆட்சியர் ஆனந்த மோகனை நேரில் சந்தித்து மனு அளித்தார்.
பின்னர் முன்னாள் பேரவை தலைவர் மு.அப்பாவு செய்தியாளர்களிடம் கூறியதாவது :–
நெல்லை மாவட்டம் வள்ளியூரில் முந்தைய தி.மு.க.ஆட்சிக்காலத்தில், முதல்வர் மு.க.ஸ்டாலின் அவர்களால் நிதி ஒதுக்கப்பட்டு, 200 படுக்கை வசதிகளுடன் கட்டப்பட்ட மாவட்ட தலைமை மருத்துவமனை முன்னாள் துணை முதல்வர் உதயநிதி ஸ்டாலின் அவர்களால் திறந்து வைக்கப்பட்ட இந்த மருத்துவமனையில் தற்போது வரை நிரந்தர பணியாளர்கள் நியமிக்கப் படவில்லை, சுமார் 90 செவிலியர்கள்,50-க்கும் மேற்பட்ட மருத்துவர்கள் மற்றும் 100-க்கும் மேற்பட்ட தொழில்நுட்ப வல்லுநர்கள் தேவைப்படும் நிலையில்,தற்காலிக பணியாளர்களைக் கொண்டு இயங்குவதால் மாவட்டத்தின் பிற மருத்துவமனைகளும் பாதிக்கப்படுகிறது. உடனடியாக நிரந்தர பணியாளர்களை நியமிக்க வேண்டும்.
மேலும் இராதாபுரம் அருகே விஜயாபதி கிராமத்தில் 15 கோடி ரூபாய் மதிப்பீட்டில் தொடங்கப்பட்ட சர்வதேச தரத்திலான விளையாட்டு மைதானப் பணிகள், சண்முகபுரம் உயர்நிலைப் பள்ளியில் 49 லட்சம் ரூபாய் மதிப்பீட்டில் வகுப்பறைகள் கட்டும் பணி மற்றும் வள்ளியூரில் ‘ஒன் ஸ்டாப் சென்டர்’ பணிகள் ஆகியவை தற்போதைய ஆட்சியில் சுணக்கம் கண்டுள்ளது.
இதுகுறித்து ஆட்சியரிடம் மனு அளித்துள்ளோம் இந்த கோரிக்கைகள் குறித்து விரைந்து நடவடிக்கை எடுக்காவிட்டால் மக்களை திரட்டி போராட்டம் நடத்தப்படும். தற்போது தமிழகத்தில் நடக்கும் ஆட்சிஅல்காரிதம் ஆட்சி யூடியூப்,இன்ஸ்டாகிராம் போன்ற சமூக வலைதளங்கள் மூலம் ‘ரீல்ஸ்’ போட்டு மக்களை நம்ப வைக்கும் ஆட்சி.
முன்னாள் அமைச்சர் உதயகுமார் அவர்கள் கூறியது போல,டாஸ்மாக்கில் 800 கோடி ரூபாய் முறைகேடு நடந்துள்ள தாகவும், நிர்ணயிக்கப்பட்டவிலையை விட கூடுதல் விலைக்குமது விற்பனை செய்யப்படுவதாகவும் தெரிவித்துள்ளார், அந்தகுற்றச்சாட்டை நானும் வழிமொழிகிறேன். வழக்கறிஞர்கள் நியமனத்தில் ஊடல்நடந்துள்ளதாக த.வெ.க. வினரே கூறுகின்றனர்.
பல்கலைக்கழகங்களில்துணைவேந்தர்களை நியமிப்பதற்கான தேடுதல் குழுவில், யுஜிசி உறுப்பினர்களைச் சேர்ப்பது மாநில உரிமைகளைப் பறிக்கும் செயல், 2014- – 16 முதல் ஒன்றிய அரசு யுஜிசி நிதியை முறையாக வழங்க வில்லை.அதற்குப் பதிலாக ஆர்.எஸ்.எஸ். சித்தாந்தத் தைப் புகுத்த ஒன்றிய அரசு முயற்சித்து வருகிறது.துணைவேந்தர் நியமனத்தில்யுஜிசிஉறுப்பினர்களை சேர்க்க ஒப்புதல் அளித்துள்ளதாக உயர்கல்விதுறை அமைச்சர் கூறியுள்ளார். இதுபோன்று ஒன்றிய அரசுக்கு பயந்து மாநில அரசு மேகதாது அணை விவகாரம், கன்னியாகுமரியில் அணுக்கனிம சுரங்கங் களுக்கு அனுமதி அளித்தது, சிறுபான்மையின
ருக்கான 3.5 சதவீதம் இடஒதுக்கீடு மற்றும் தேவாலயம்/மசூதி கட்ட அனுமதிப்பதில் உள்ள சிக்கல்கள் உள்ளிட்ட பிரச்சினை
களில் தமிழக மக்களுக்கு எதிராகவே த.வெ.க. அரசு செயல்படுகிறது.
அதானி போன்ற கார்ப்பரேட் நிறுவனங்களுக்கு விமான நிலையங்கள் மற்றும் துறைமுகங்களை ஒன்றிய அரசு தாரை வார்ப்பதுபோல் பல்கலைக் கழகங் களும் தனியாரிடம் ஒப்படைப்பதற்கான முயற்சி நடக்கிறது . கடந்த 59 நாட்களில் இந்த அரசு மக்கள் நலனைப் புறக்கணித்து, ஒன்றிய அரசின் நிழல் அரசாகச் செயல்படுகிறது. அனைத்துக் கட்சிகளும் ஒன்றிணைந்து எதிர்க்க வேண்டும்.
இவ்வாறு முன்னாள் பேரவை தலைவர் மு.அப்பாவு கூறினார்.
அப்போது ஒன்றிய செயலாளர்கள் ஜோசப்பெல்சி, பி.சி.ராஜன் ஆகியோர் உடன் இருந்தனர்.