தூத்­துக்­குடி, ஜூலை 12–

த.வெ.க. ஆட்சி எதை நோக்கி போய்க் கொ ண்­டி­ருக்­கி­றது என்ற கேள்வி எல்­லார் மன­தி­லும் எழு­கி­றது? என்று கனி­மொழி கரு­ணா­நிதி எம்.பி. செய்­தி­யா­ளர்­க­ளுக்கு பேட்­டி­ய­ளிக்­கை­யில் குறிப்­பிட்­டார்.

தூத்­துக்­கு­டி­யில்நேற்று முன்தினம் (10–07–2026)தி.மு.க. துணைப் பொதுச் செய­லா­ள­ரும், நாடா­ளு­மன்ற தி.மு.க. குழுத் தலை­வ­ரு­மான கனி­மொழி கரு­ணா­நிதி செய்­தி­யா­ளர்­களைச் சந்­தித்­தார், அப்­போது பேசிய அவர், ‘‘இந்த ஆட்­சி­யில் இருக்­கக்­கூ­டிய சட்­ட­மன்ற உறுப்­பி­னர்­கள், அமைச்­சர்­கள், எந்த இடத்­திற்குபோகக்­கூ­டாதோ அந்த இடத்­திற்கே தொடர்ந்து சென்று அங்­கி­ருக்­கக்­கூ­டிய மக்­க­ளுக்கு சிக்­கல்களை உரு­வாக்­கிக் கொண்டு இருக்­கி­றார்­கள். குறிப்­பாக பள்­ளிக்­கூ­டங்­க­ளுக்குச் சென்று அங்கே இருக்­கக்­கூ­டிய குழந்­தை­க­ளின் மன­நி­லையை பாதிக்­கக்­கூ­டிய அள­விற்­கும், அவர்­க­ளுக்கு மன உளைச்­சலை தரக்­கூ­டிய அள­விற்­கும் நடந்து கொண்­டி­ருக்­கி­றார்­கள்.

இதை­யெல்­லாம் தாண்டி முத­ல­மைச்­ச­ரும் அதைச் செய்­யும் பொழுது, இந்த ஆட்சி எதை நோக்கி போய்க்­கொண்­டி­ருக்­கி­றது என்ற கேள்விஎல்­லோர் மன­தி­லும் எழு­கி­றது. முத­ல­மைச்­சர்தொடங்கி அமைச்­சர்கள் வரை அனை­வ­ரும் அவர்­க­ளுக்­கென பொறுப்­பு­கள் இருக்­கி­றது என்­பதைப் புரிந்­து­கொள்ள வேண்­டும். நான் கரூர் துய­ரம் பற்றி அதி­க­மாகப் பேச விரும்­ப­வில்லை. ஏனென்­றால், இது போன்ற துயர சம்­ப­வம் குறித்துப் பேசு­வதை பொறுப்­பு­ணர்­வு­டன் தவிர்ப்­பதே நல்­லது.

ஏனெ­னில் விசா­ர­ணை­யில் இருக்­கக்­கூ­டிய விஷ­யம் குறித்துப் பேச வேண்­டாம் என்ற பொறுப்­பு­ணர்வு எனக்கு இருப்­ப­த­னால் கரூர் துயர சம்­ப­வம் பற்றி நான் பேசா­மல் இருப்­ப­து­தான் சரி­யாக இருக்­கும் என்று நினைக்­கி­றேன். ஆனால், கரூர் துய­ரத்­தின்­போது மக்­க­ளோடு நின்­ற­வர்­கள் யார், அவர்­க­ளுக்கு உதவி செய்­த­வர்­கள் யார், மக்­களைத் தவிக்க விட்­டு­விட்டு அங்­கி­ருந்துஓடிப்­போ­ன­வர்­கள் யார் என்று மக்­க­ளுக்கு நன்­றா­கவே தெரி­யும்’’ என்று தெரி­வித்­தார்.