சேலம். ஜூலல 12–
சேலம் மாநகராட்சியில் குடிநீர் விநியோகப் பணியை தனியாருக்கு வழங்கக் கூடாது என்று மாநகராட்சி மன்றத்தில் தீர்மானம் நிறை வேற்றப்பட்டி ருந்தும், அந்த தீர்மானத்தை முற்றிலும் புறக்கணித்து மீண்டும் தனியாருக்கு தண்ணீர் விநியோக ஒப்பந்தத்தை வழங்கியிருப்பது மக்கள் விரோத நடவடிக்கையாகும்.
மக்களால் தேர்ந்தெடுக்கப்பட்ட மாநகராட்சி மன்றத்தின் தீர்மானத்திற்கே மதிப்பளிக்காமல் செயல்படுவது ஜனநாயகத்தின் அடிப்படை நெறிமுறைகளுக்கு எதிரானது. பொதுமக்களின் கருத்தையும், உள்ளாட்சி அமைப்பின் அதி காரத்தையும் அலட்சியப்படுத்தி தனியாருக்கு ஆதரவாக செயல்படுவது கடுமையாகக் கண்டிக்கத்தக்கது.
குடிநீர் என்பது வணிகப் பொருள் அல்ல; அது மக்களின் அடிப்படை உரிமை. அந்த அத்தியாவசிய சேவையை தனியாரிடம் ஒப்படைப்பது மக்களின் நலனைக் காட்டிலும் தனியார் நிறுவனங்களின் நலனுக்கு முன்னுரிமை அளிப்பதாகவே பார்க்கப்படு கிறது.
எனவே, சேலம் மாநகராட்சி நிறைவேற்றிய தீர்மானத்திற்கு உரிய மரியா தை அளித்து, தனியாருக்கு வழங்கப்பட்டுள்ள இந்த ஒப்பந்தத்தை உடனடியாக ரத்து செய்து, குடிநீர் விநியோகத்தை முழுமையாக பொதுத்துறை மூலமே மேற்கொள்ள வேண்டும் என்று வலியுறுத்துகிறேன்.
இல்லையெனில், மக்களின் நலனைக் காக்க ஜனநாயக வழியில் நடைபெறும் அனைத்து போராட்டங்களுக்கும் முழு பொறுப்பும் அரசுக்கே உரியது என்பதை தெரிவித்துக்கொள்கிறேன்.