சென்னை, ஜூலை 13–
தி.மு.க. ஐ.டி.விங் முதலமைச்சர் விஜய்க்கு விடுத்துள்ள பதிலடி வருமாறு :-
மாண்பு இல்லாத முதல்வர்! நாவடக்கத்தை மறந்தால் மக்கள் அடக்கத் தயங்க மாட்டார்கள்!
மாநிலத்தின் முதலமைச்சர் என்ற பொறுப்புக்கும், அந்த இருக்கையின் கண்ணியத்திற்கும் துளியும் சம்பந்தமில்லாமல், மூன்றாந்தர வீதிப் பேச்சாளரைப் போலத் தரம் தாழ்ந்து பேசுவதை முதலமைச்சர் விஜய் நிறுத்திக்கொள்ள வேண்டும்!
‘ஓடு.. ஓடு..’, ‘கொளத்தூரில் கொத்து பரோட்டா’, ‘வெளுத்து விடுங்க’ என உங்கள் வாயிலிருந்து வரும் ஒவ்வொரு வார்த்தையும், இந்த மாநிலத்தின் நிர்வாகத்தையே கேலிக்கூத்தாக்கும் துர்நாற்றம் வீசும் வார்த்தைகளாகவே இருக்கின்றன.
நீங்கள் பின்பற்றும் கொள்கைத்
தலைவர்களின் பெயர்களைக் வெறும் அடையாள அரசியலுக்காக மட்டும் பயன்
படுத்தாமல், குறைந்தபட்சம் அவர்களின் பண்பையாவது உங்கள் பேச்சில் வெளிப்படுத்துங்கள்.
‘வாய் இருக்கிறது என்பதற்காக என்ன வேண்டுமானாலும் பேசுவேன்’ என்ற உங்கள் திமிர் பிடித்த பேச்சு, ஒரு முதலமைச்ச ருக்கு அறவே அழகல்ல.
நாவடக்கம் என்பது உங்களுக்கு மிக மிக அவசியமான ஒன்று! பொறுப்புணர்ந்து பேசக் கற்றுக்கொள்ளுங்கள்; இல்லையெனில், மக்களின் கோபத்தால் அந்த நாக்கு நிச்சயம் அடக்கப்படும்!
கனிமொழி கருணாநிதி எம்.பி.யை
காவல்துறை அவமதிப்பதா?
செய்தியாளர்களைப் பார்த்தால் பயம், எதிர்கட்சிகள் பேசினால் பயம், அவர்களின் திட்டங்களின் பெயரைக் கேட்டால் பயம், தங்கள் கட்சி அமைச்சர்களின் சர்ச்கைகளால் பயமென, பயத்திலேயே திரியும் த.வெ.க அரசு, தற்போது எதிர்கட்சியினர் வெளியே வந்தாலே பயத்தில் நடுங்க
ஆரம்பித்துள்ளது.
நேற்று, தூத்துக்குடி மாவட்டத்தில் மாவீரன் அழகுமுத்துக்கோன் பிறந்தநாள் விழாவை முன்னிட்டு அவரது நினைவிடத் தில் மலர் மாலை அணிவித்து மரியாதை செலுத்த வந்த தி.மு.கழக துணைப் பொதுச் செயலாளரும், நாடாளுமன்ற திமுக குழுத் தலைவருமான கனிமொழி கருணாநிதி எம்.பி.யை த.வெ.க அரசின் காவல்துறையினர் பாதி வழியிலேயே தடுத்து நிறுத்தி யுள்ளனர். பின்னர் அவர் காரில் இருந்து இறங்கி அங்கிருந்து நடந்தே சென்று மாலை அணிவித்து மரியாதை செலுத்தியுள்ளார்.
ஆட்சிக்கு வந்தநாள் முதல் பொய், பித்தலாட்டம், அராஜகம், களவாணித்தனம் செய்வதையும், அடக்குமுறைகளை ஏவிவிடுவதை மட்டுமே வாடிக்கையாகக் கொண்டி ருக்கும் இந்தக் கூட்டத்திற்கு காலம் தக்க பாடத்தை புகட்டும்!
இவ்வாறு ஐ.டி. விங் எச்சரித்துள்ளது!