நெல்லை, ஜூலை 13 –
நெல்லை டவுன் பகுதியில், பிளம்பிங் தொழிலாளி மர்ம கும்பலால் வெட்டிக் கொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது.
நெல்லை டவுன் அருகே உள்ள பாறையடியைச் சேர்ந்த 38 வயதான ஆவுடையப்பன், பிளம்பிங் தொழில் செய்து வந்தார். அவருக்கு திருமணமாகி, ஒரு மகனும், மகளும் உள்ளனர்.
இந்நிலையில், கோட்டையடி ஊய்காட்டு சுடலை மாடன் கோவில் அருகே நடந்து சென்று கொண்டிருந்த ஆவுடையப்பனை, இருசக்கர வாகனத்தில் வந்த மர்ம நபர்கள் அரிவாளால் சரமாரியாக வெட்டிவிட்டு தப்பிச் சென்றனர். படுகாய மடைந்த ஆவுடையப்பன் சம்பவ இடத்திலேயே உயிரிழந்தார்.
தகவலறிந்து வந்த தச்சநல்லூர் காவல்நிலைய போலீசார், உடலை மீட்டு பிரேத பரிசோதனைக்கு அனுப்ப முயன்றனர். ஆனால்,
குற்றவாளிகளை கைது செய்யும் வரை உடலை எடுக்க அனுமதிக்க முடியாது எனக் கூறி, குடும்பத்தின ரும், உறவினர்களும் போராட்டத்தில் ஈடுபட்டனர். உரிய நடவடிக்கை எடுப்பதாக போலீசார் உறுதியளித்ததை தொடர்ந்து, போராட்டம் கைவிடப்பட்டது. பின்னர், ஆவுடையப்பன் உடலை மீட்ட போலீசார், திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைத்தனர். முன்விரோதம் காரணமாக, இந்த படுகொலை நடைபெற்றதாக கூறப்படுகிறது. த.வெ.க. ஆட்சியில் அதிகரிக்கும் சட்டம் ஒழுங்கு
சீர்குலைவால் மக்கள் பீதியடைந் துள்ளனர்.
பொன்னேரி
பொன்னேரியை அடுத்த குன்னமஞ்சேரி பகுதியை சேர்ந்த 27 வயதான சுனில், அப்பகுதியில் உள்ள தனியார் தொழிற்சாலையில் வெல்டராக பணியாற்றி வந்தார். நேற்றிரவு வீட்டிலிருந்து வெளியே சென்ற சுனில், அதன்பிறகு வீடு திரும்பவில்லை. இந்நிலையில், ஆரணியாற்றல், முகம் சிதைந்த நிலையில், இளைஞர் ஒருவரின் சடலம் கிடப்பதாக போலீசாருக்கு தகவல் கிடைத்தது. சம்பவ இடத்திற்கு சென்ற போலீசார், உடலை மீட்டு விசாரணை மேற்கொண்டபோது, கொல்லப்பட்டது, குன்னமஞ்சேரியை சேர்ந்த சுனில் என்பதை உறுதிப்படுத்தினர். தொடர்ந்து நடத்தப்பட்ட விசாரணையில், கடந்த ஆண்டு சின்னக்காவ னம் பகுதியில், தீபன் என்பவரின் நண்பர்களை, சுனில் அரிவாளால் வெட்டியதாக கூறப்படுகிறது.
இதற்கு பழிக்குப் பழியாக நேற்றிரவு சுனிலுக்கு மது வாங்கிக் கொடுத்த தீபன், பீர் பாட்டிலால் தாக்கி, முகத்தை சிதைத்து கொலை செய்துவிட்டு தப்பியோடியது தெரியவந்தது. இந்த கொடூர சம்பவம் தொடர்பாக, 2 பேரை போலீசார் காவல்நிலையத்திற்கு அழைத்துச் சென்று விசாரணை நடத்தி வருகின்றனர். தப்பியோடிய தீபனை போலீசார் தேடி வருகின்றனர்.