பழநி, ஜூலை 13 –

உச்ச நீதி­மன்­றம் மற்­றும் உயர் நீதி­மன்ற உத்­த­ர­வு­களை மீறி, பழநி தண்­ட­பாணி சுவா­மி­கள் மடத்­துக்கு சொந்­த­மான ரூ.100கோடி மதிப்­பி­லான 1.40 ஏக்­கர் நிலம், தனி­ந­பர்­க­ளுக்கு அண்­மை­யில் சட்­ட­வி­ரோ­த­மாக பத்­தி­ரப்­ப­திவு செய்­யப்­பட்­டுள்ள விவ­கா­ரம் பக்­தர்­கள், தேவஸ்­தான அதி­கா­ரி­களை அதிர்ச்சி அடை­யச் செய்­துள்­ளது.

திண்­டுக்­கல் மாவட்­டம் பழநி அடி­வா­ரம் பூங்கா சாலை­யில் தண்­ட­பாணி சுவா­மி­கள் மடத்­துக்கு சொந்­த­மான நிலம் உள்­ளது. பழநி முரு­கன் கோயி­லுக்கு வரும் பக்­தர்­கள் இந்த நிலத்­தில் தங்கி இளைப்­பா­ற­வும், அன்­ன­தா­னம் வழங்­க­வும் பயன்­ப­டுத்­தப்­பட்டு வந்­தது. இந்த நிலத்­தின் மூலம் கிடைக்­கும் வரு­வாய் கோயில் கட்­ட­ளைக்கு பயன்­ப­டுத்­தப்­பட்டுவந்த நிலை­யில், காலப்­போக்­கில் இந்த நிலத்தை தனி­யார் சிலர் ஆக்­கி­ர­மித்­த­னர்.

இது­தொ­டர்­பாக, பழநி தேவஸ்­தா­னம் சார்­பில் உயர் நீதி­மன்­றம், உச்ச நீதி­ மன்­றத்­தில் வழக்கு தொட­ரப்­பட்­டது. வழக்கை விசா­ரித்த நீதி­மன்­றங்­கள், தண்ட­ பாணி சுவா­மி­கள் மடத்­துக்கு, பழநி தண்­டா­யு­த­பாணி சுவாமி கோயில் இணைஆணை­யரை தக்­கா­ராக நிய­மித்­த­து­டன் இந்த நிலத்தை தேவஸ்­தா­னத்­து­டன் இணைத்­தும் உத்­த­ர­விட்­டன.

இதை­ய­டுத்து, தண்­ட­பாணி சுவா­மி­கள் மடத்­துக்கு சொந்­த­மான 1.40 ஏக்­கர் நிலம், தக்­கார் மற்­றும் பழநி கோயில் இணை ஆணை­ய­ரு­மான மாரி­முத்து தலை­மை­யில் 60ஆண்­டுக்கு பிறகு கடந்த 2025 செப்.12-ம் தேதி மீட்­கப்­பட்­டது.இந்த நிலத்­தின் தற்­போ­தைய மதிப்பு ரூ.100 கோடி ஆகும். தற்­போது அந்த நிலத்­தில் பழநி முரு­கன் கோயி­லுக்கு வரும் பக்­தர்­களின் வச­திக்­காக இல­வச வாகன நிறுத்­தம் அமைத்து, பயன்­பாட்­டில் உள்­ளது.

இதற்­கி­டையே, பழநி இணை சார் பதி­வா­ளர் கடந்த 2-ம் தேதி பணி மாறு­த­லில் சென்ற நிலை­யில், கூடு­தல் பொறுப்­பாக கவ­னித்து வந்த மற்­றொருஇணை சார் பதி­வா­ளர் மூலம் 6-ம் தேதி தண்­ட­பாணி சுவா­மி­கள் மடத்­துக்கு சொந்­த­மான நிலம் சட்­ட­வி­ரோ­த­மாக தனி­ந­பர்­க­ளுக்கு பத்­தி­ரப்­ப­திவு செய்­யப்­பட்­டுள்­ளது. இது பக்­தர்­கள், தேவஸ்­தான அதி­காரி­ கள் மத்­தி­யில் அதிர்ச்­சியை ஏற்­ப­டுத்­தி­யுள்­ளது.