மதுரை, ஜூலை 13–

மதுரை மாநகர் மாவட்டக் கழகத் தோழர் ச.தாமோதரனின் தந்தை யும் கழக மூத்த முன்னோடி யுமான வெ. சண்முகம் (வயது 95) வயது மூப்பின் காரணமாக நேற்று முன்தினம் மதுரையிலுள்ள தமது இல்லத்தில் இயற்கை எய்தினார் என்பதை அறிவிக்க வருந்துகிறோம்.

மாநகர் மாவட்டக் கழக முன்னோடி மறைந்த வெ. சண்முகம் அவர்கள் நீண்ட கால கழகத் தோழர் ஆவார். மறைந்த முன்னாள் கழக அமைப்புச் செயலாளர் எஸ்.எஸ்.தென்னரசு அவர்க ளின் வாகன ஓட்டுனராக பணி புரிந்தவர்.

மேலும் முன்னாள் மேயர் எஸ்.முத்து, முன்னாள் அமைச்சர்கள் பொன் முத்து ராமலிங்கம், வே. தங்க பாண்டியன், தா. கிருட்டினன் மற்றும் காதர்பாட்சா (எ) வெள்ளைச்சாமி, எம்.எஸ்.கே.சத்தியேந்திரன் உள்ளிட்ட கழக முன்னணி யினரிடம் நெருங்கிய நட்பு கொண்டவர்.

மேலும் கழக அறிவித்த பல்வேறு போராட்டங் களிலும் பங்கேற்று சிறை சென்றவர். இவர் மதுரை பொன்மேனி மெயின் ரோட்டிலுள்ள காளிமுத்து நகர், காந்திஜி தெருவிலுள்ள தமது புதல்வர் தாமோதரன் இல்லத்தில் வசித்து வந்தார்.

இந்நிலையில் நேற்று முன்தினம் இரவு உடல் நலக்குறைவின் காரணமாக இயற்கை எய்தினார்.

இச்செய்தியறிந்ததும் மதுரை மாநகர் மாவட்டக் கழகத் தோழர்கள் அன்னா ரது இல்லம் சென்று சண் முகம் உடலுக்கு மலரஞ்சலி செலுத்தி மரியாதை செய்தனர்.

அன்னாரது இறுதிச் சடங்குகள் நேற்று மதியம் 1 மணியளவில் பொன்மேனி யில் நடைபெற்றது.