திருவண்ணாமலை, ஜூலை 13–
முன்னாள் அமைச்சர் எ.வ. வேலு அவர்களைப்பற்றி முகநூலில் அவதூறு பரப்புவோர் மீது, திருவண்ணாமலை மாவட்ட காவல்துறை கண்காணிப்பாளரிடம், கழக வழக்கறிஞர்கள், மாவட்ட அமைப்பாளர் இரா.கார்த்திகேயன் தலைமையில் தகவல் தொழில்நுட்ப சட்டத்தின்படி
வழக்குப்பதிவு செய்து தக்க நடவடிக்கை எடுக்க புகார் மனு அளித்துள்ளனர்.
இதுகுறித்து திருவண்ணா மலை மாவட்ட காவல் கண்கணிப்பாளரிடம் கழக வழக்கறிஞர்கள் அளித்துள்ள புகார் மனு வருமாறு:–
கடந்த 08.07.2026 அன்று சொர்க்க பூமி திருவண்ணாமலை” என்ற முகநூல் பதிவில் மேற்சொன்ன எங்களது மாவட்டச் செயலாளர் எ.வ.வேலு அவர்களையும், திராவிட முன்னேற்ற கழகத்தின் மீதும் நற்பெயருக்கும், புகழுக்கும் களங்கம் விளைவிக்க வேண்டும் என்ற நோக்கத்தில் பல பொய்யான கருத்துக்களை பதிவு செய்து இருப்பதை நான் இன்று (09.07.2026) கைப்பேசி மூலம் முகநூல் படித்து பார்த்து மிகுந்த அதிர்ச்சி அடைந்தேன். மேலும் அதனுடைய பதிவிட்ட சங்கதிகளை பதிவிறக்கம் செய்து இத்துடன் இணைத்துள்ளேன். அதில் பொய்யான சங்கதிகள் புனையப்பட்டு, கழகத்தையும், எ.வ.வேலு அர்களையும் அவமானப் படுத்தும் வகையில் இருந்து வருகிறது. மேற்படி செயல் பொது மக்களிடையே எ.வ.வேலு அவர்களின் நற்பெயருக்கு களங்கம் விளைவிக்கும் வகையில் அரசியல் காழ்புணர்ச்சி காரணமாக திட்டமிட்டு, பொய் பரப்புரை செய்யும் செயலாகும். இதனால் உலகம் முழுவதும் இருக்கும் தமிழர்களும், இந்தியர்களும் குற்ற உணர்வோடு அவரை பார்க்கும் நிலைமை ஏற்படுகிறது.
பொது அமைதியை குலைக்கவோ, பொது கொந்தளிப்பை
ஏற்படுத்தவோ அல்லது விரோதப்போக்கை தூண்டவோ கூடிய இத்தகைய தூண்டல் ஊடங்கள் வெறுப்பு பேச்சு கையாளப்பட்ட ஊடங்கள் மற்றும் தவறான
தகவல்களைப் பரப்புபவரை
பேச்சு மற்றும் சுதந்திர போர்வையில் அனுமதிக்க முடியாது என்று உச்ச நீதிமன்றம் பலமுறை வலியுறுத்தியுள்ளது, என்று தெரிவித்துக் கொள்கிறேன். எனவே தற்போதைய புகாரானது உடனடியாக F.I.R. பதிவு செய்யப்படவும் மின்னனு ஆதாரங்களை பாதுகாக்கவும் மற்றும் சட்டத்தின் படி முறையான விசாரணை நடத்தவும் கேட்டுக் கொள்ளப்படுகிறது. விசாரணையின்போது மேற்சொன்ன விபரங்களுக்கு ஆதாரங்கள் அனைத்தையும் நான் தாக்கல் செய்கிறேன்.
மேற்படி திருவண்ணாமலை சட்டமன்றத் தொகுதியின் சட்டமன்ற உறுப்பினர் எ.வ.வேலு அவர்கள் செய்த சேவைகள் குறித்து சுருக்கம் பின்வருமாறு:–
அவர் திருவண்ணாமலை மாவட்டம், தண்டராம்பட்டு வட்டம், சே.கூடலூர் என்ற கிராமத்தைச் சேர்ந்தவர் ஆவார். விவசாய குடும்பத்தில் பிறந்தவர் ஆரம்ப காலம் முதலே திராவிட இயக்கத்தில் தன்னை ஈடுபடுத்தி கொண்டவர், சிறு வயது முதலே படிப்பை முடித்து கடினமாக உழைத்து உழைப்பால் உயர்ந்தவர் ஆவார். முதல் முதலாக சட்டமன்றத் தொகுதியில் போட்டியிட்டு வெற்றி பெற்றவர் அந்த தொகுதிக்கு நல்ல சேவை புரிந்து பேரும் புகழும் பெற்றவர். அதன் பிறகு திருவண்ணாமலை சட்டமன்றத் தொகுதியில் தொடர்ச்சி யாக தேர்தலில் 5 முறை வெற்றி பெற்றவர் அதில் 2006 ம் ஆண்டு உணவுத்துறை அமைச்சராக பொறுப்பேற்று திறம்பட செயலாற்றியவர். அவரது காலத்தில் பொது வினியோக திட்டத்தில் எந்தவித குறைபாடுகள் இல்லை என்றும் சிறப்பாக இருக்கிறது என்றும் உச்ச நீதிமன்றமே பாராட்டியது தொலைக்காட்சியிலும், தினசரி நாளேடுகளிலும் வந்துள்ளது. 2021ம் ஆண்டு தமிழ்நாடு பொதுப்பணித்துறை அமைச்சராக இருந்த போது நல்ல கட்டமைப்புகளையும் நெடுஞ்சாலைதுறையில் சாலை வசதிகளையும் ஏற்படுத்தியவர் குறிப்பாக திருவண்ணாமலை தொகுதிக்கும் திருவண்ணாமலை மாவட்டத்திற்கும் பல வளர்ச்சி பணிகளை செய்தவர் .
திருவண்ணாமலை மாநகரில் தூய்மை அருணை என்ற இயக்கத்தினைஅரசியலுக்கு அப்பாற்பட்டு ஒன்றிணைத்து வாரம் தோறும், தினந்தோறும் தூய்மை பணிகளை திருவண்ணாமலை கோவில் சுற்றும் பாதையிலும், கிரிவலம் பாதையிலும் சுத்தம் சுகாதாரத்தை பேணுபவர் அவரே ஞாயிற்றுக்கிழமைகளில் தூய்மை அருணை சீருடையில் குப்பைகளை அகற்றியும் சாக்கடைகளை சுத்தம் செய்தும் அகற்றியும் பணிகளை தன்னுடைய அறக்கட்டளையின் அலுவலகத்தை உண்டாக்கி குறைகளை கேட்டு தீர்த்து வைப்பவர்.
மக்கள் தொண்டே மகேசன் தொண்டு என்ற அடிப்படையில் பொதுமக்களுக்கும், தமிழ்நாட்டிற்கும் சேவை செய்து வருபவர்,
திருவண்ணாமலை மாவட்ட மக்களின் நன் மதிப்பை பெற்றவர் மேலும் சரஸ்வதி அம்மாள் அறக்கட்டளை மூலம் திருவண்ணா மலை மாவட்டம் சு.வாளவெட்டி கிராமத்தில் மாணவர்களுக்கு விடுதி கட்டுவதற்கு இடம் வாங்கி கொடுத்தவர் அவரது சொந்த ஊரில் ஆரம்ப சுகாதார நிலையம் கட்டுவதற்கு இடம் வாங்கி கொடுத்தவர் தண்டராம்பட்டு கிராமத்தில் கூட்டுறவு நிலவள வங்கிக்கு நிலம் வாங்கி கொடுத்தவர் அப்படி பொதுவாக மக்கள் பயன்பாட்டிற்கு பணத்தை பொருட்படுத்தாமல் சேவை புரிந்து வருபவர்.
திருவண்ணாமலை மாநகரில் அருணை தமிழ் சங்கம் என்ற பெயரில் கடந்த 15 ஆண்டுகளுக்கு மேலாக தமிழர் திருநாளில் ஒவ்வொரு ஆண்டும் தமிழுக்கு தொண்டாற்றிய 5 பேரை தேர்வு செய்து கௌரவித்து பணமுடிப்பு வழங்கி பாரட்டு சான்றிதழ் வழங்கி கட்சி பாகுபாடு இன்றி தமிழை வளர்த்து வருபவர்.
கடந்த 2011 ம் ஆண்டு அவர் மீது திருவண்ணாமலை DV Act மூலம் வருமானத்திற்கு அதிகமாக சொத்து சேர்த்ததாக ஒரு வழக்கு பதிவு செய்து அவ்வழக்கு திருவண்ணாமலை CJM நீதிமன்றத் தில் நடைபெற்றது எ.வ.வேலு அவர்கள் வருமானத்திற்கு அதிகமாக சொத்து எதுவும் சேர்க்கவில்லை என்று டிஸ்சார்ஜ் செய்துவிட்டது. அதன் பேரில் சென்னை உயர்நீதிமன்றத்தில் அரசாங்கம் செய்த மேல்முறையீட்டை தள்ளுபடி செய்து விட்டார்கள். அதன் பிறகு உச்சநீதிமன்றத்தில் மேல்முறையீடு தாக்கல் செய்த போது முதல் ஏற்பிலேயே தள்ளுபடி செய்து விட்டார்கள்.
அவர் தவறு செய்து இருந்தால் நீதிமன்றம் சுட்டி காட்டி இருக்கும் அவ்வாறாக சட்டமன்ற உறுப்பினர் எ.வ.வேலு அவர்கள் குற்றம் செய்யாத அளவுக்கு நன்மதிப்பை பெற்றவர் அவர் தொடர்ந்து 5 முறை திருவண்ணாமலை தொகுதியிலேயே சட்டமன்ற உறுப்பினராக வருவதற்கு பொதுமக்கள் ஆதரவும் அவர் செய்த சேவைகளும் தான் காரணம் மேற்படி நபர் சில அரசியல் காழ்ப்புணர்ச்சியில் பொய்யான சங்கதிகளை சமூக வலைதளங்களில் பரப்பி வருவது உண்மைக்கு புறம்பானது பொய்யானது சோடிக்கப்பட்டது அரசியல் காழ்ப்புணர்ச்சி கொண்டது.
எனவே மேலே குறிப்பிட்ட சமூக ஊடகக் கணக்கை இயக்கும் நபருக்கு எதிராக உடனடியாக குற்ற வழக்கு பதிவு செய்யப்படவேண்டும் என்றும் அனைத்து மின்னனு ஆதாரங்களும் பாதுகாக்கப்பட்டு உறுதி செய்யப்பட வேண்டும் என்றும் ஆட்சேபனைக்குரிய ஊடகத்தை உருவாக்குவதற்கும் பரப்புவதற்கும் காரணமான நபரின் அடையாளம் கண்டறியப்பட வேண்டும் என்றும் அத்துமீறல் பதிவுகள் நீக்கப்பட்டு மேலும் புழகத்தில் விடாமல் தடுக்கபட வேண்டும் என்றும் முகநூல் கணக்கு முடக்கப்பட வேண்டும் என்றும் நான் கேட்டுக்கொள்கிறேன்.
இவ்வாறு புகார் மனுவில் கூறப்பட்டுள்ளது.
மாவட்ட வழக்கறிஞர் அணி அமைப்பாளர் இரா.கார்த்திகேயனுடன் வழக்கறிஞர்கள் அ.அருள்குமரன், ந.முரளி, ஜெ.வெங்கடேசன், எஸ்.கார்த்திகேயன், இரா.பச்சையப்பன், கார்த்தி, அமிர்தராஜ், விக்னேஷ், சதிஷ்குமார், மோகன்ராஜ், பிரகாஷ், ஸ்ரீராம், விக்னேஷ், அன்பு, முனியன் ஆகியோர் உடன் இருந்தனர்.