#Title

தி.மு.க. இளைஞரணி அறக்கட்டளை சார்பில் பூவிருந்தவல்லி கிழக்கு ஒன்றிய இளைஞருக்கு ரூ.25 ஆயிரம் மதிப்பிலான மருத்துவ உதவித் தொகைக்கான காசோலை! மாவட்ட கழகச் செயலாளர் ஆவடி சா.மு.நாசர் வழங்கினார்!

திருவள்ளூர், ஜூலை 14–

கழகத் தலைவர் அவர்களின் ஆலோசனைப்படி கழக இளைஞர் அணி செயலாளர் எதிர்க்கட்சித் தலைவருமான உதயநிதி ஸ்டாலின் அவர்களின் அறிவிப்புக்கிணங்க தி.மு.க. இளைஞரணி அறக்கட்டளை சார்பில் பொருளாதார ரீதியாக நலிவுற்று மருத்துவ சிகிச்சை பெற்று வரும் மக்களுக்கு தொடர்ந்து மருத்துவ உதவித் தொகை வழங்கப்பட்டு வருகிறது. அதன் தொடர்ச்சியாக, திருவள்ளூர் மத்திய மாவட்டம், பூந்தமல்லி கிழக்கு ஒன்றியத்தைச் சேர்ந்த விக்னேஷுக்கு ரூ.25 ஆயிரம் மதிப்பிலான மருத்துவ உதவித் தொகைக்கான காசோலை வழங்கும் நிகழ்ச்சி ஆவடியில் நடைபெற்றது.

இந்த நிகழ்ச்சியில் திருவள்ளூர் மத்திய மாவட்ட கழகச் செயலாளரும், முன்னாள் அமைச்சருமான ஆவடி சா.மு.நாசர் கலந்து கொண்டு, மாவட்ட இளைஞரணி அமைப்பாளர் கே. சுரேஷ்குமார் முன்னிலையில், பயனாளி விக்னேஷுக்கு ரூ.25 ஆயிரம் மதிப்பிலான மருத்துவ உதவித் தொகைக்கான காசோலையை வழங்கினார்.

அப்போதுபேசிய முன்னாள் அமைச்சர் , சமூகநலப் பணிகளுக்கு எப்போதும் முன்னுரிமை அளித்து வரும் தி.மு.க. இளைஞரணி அறக்கட்டளை, ஏழை மற்றும் எளிய மக்களின் மருத்துவச் சுமையை குறைக்கும் நோக்கில் பல்வேறு உதவித் திட்டங்களை தொடர்ந்து செயல்படுத்தி வருவதாகவும், பொதுமக்களின் நலனே கழகத்தின் முக்கிய இலக்காக இருப்பதாகவும் தெரிவித்தனர்.

இந்த நிகழ்ச்சியில் பூவிருந்தவல்லி கிழக்கு ஒன்றிய கழகச் செயலாளர் ப.ச.கமலேஷ், மாவட்ட இளைஞரணி துணை அமைப்பாளர்கள் ஆர்.செந்தாமரை, ஜி.சி.சி.கருணாநிதி, வி.ஜெ.உமா மகேஸ்வரன், டி.பிரியகுமார், சதீஷ்குமார், ஆவடி மாநகர இளைஞரணி நிர்வாகிகள் ஜி.துர்கா பிரசாத், இள.ஸ்ரீதர், புவனேஷ், மகேஷ் ரங்கநாதன், ஒன்றிய இளைஞரணி அமைப்பாளர் க.பரிமேலழகன், ஒன்றிய இளைஞர் அணி ஞானமூர்த்தி, டி.துரைமுருகன், லிங்கேஷ்குமார், எம்.கே.பி.பாபு, உள்ளிட்ட பல்வேறுகழக நிர்வாகிகள் மற்றும் இளைஞரணி பொறுப்பாளர்கள் கலந்து கொண்டனர்

நிகழ்ச்சி நிறைவில், மருத்துவ உதவித் தொகை யை பெற்றுக் கொண்ட பயனாளி விக்னேஷ், தி.மு.க. இளைஞரணி அறக்கட்டளைக்கும், கழகத் தலைவரும் எதிர்க்கட்சித் தலைவருமான உதயநிதி ஸ்டாலின் அவர்களுக்கும், மாவட்டக் கழகச் செயலாளரும் முன்னாள் அமைச்சருமான ஆவடி சா.மு.நாசர் உள்ளிட்ட கழக நிர்வாகிகளுக்கும் மனமார்ந்த நன்றியைத் தெரிவித்துக் கொண்டார். பொதுமக்களின் நலனில் அக்கறை கொண்டு தொடர்ந்து மனிதநேயப் பணிகளை மேற்கொண்டு வரும் தி.மு.க. இளைஞரணி அறக்கட்டளையின் இந்த உதவி தமக்கு மிகுந்த ஆறுதலாக அமைந்துள்ளதாகவும் அவர் தெரிவித்தார்.