புதுடெல்லி, ஜூலை. 14–

பண வீக்க குறி­யீட்­டுக்கு ஏற்ப மின்­சார கட்­ட­ணங்­களை உயர்த்த ஒன்­றிய அரசு திட்­ட­மிட்­டுள்­ள ­தாக தக­வல் வெளி­யா­கி­யுள்­ளது. மானி­யங்­களை குறைக்­கும் வகை­யில் புதிய மின்­சார கொள்­கையை வெளி­யி­ட­வும் திட்­ட­மி­டப்பட்­டுள்­ளது.

2005 ஆம் ஆண்டு மின்­சாரகொள்­கையை முற்­றி­லு­மாக மாற்­றி­ய­மைக்க ஒன்­றிய அரசு திட்­ட­மிட்­டுள்­ளது. இதற்­கான புதிய வரைவு கொள்கை தயா­ரிக்­கப்­பட்­டுள்­ளது.

அதன்­படி, தற்­போது, மாநில மின்­சார ஒழுங்­கு­முறை ஆணை­யங்­கள் மின்­கட்­டண உயர்வு குறித்த பரிந்­து­ரையை வழங்கி வரு­கி­றது. இதனை மாநில அர­சு­கள் செயல்­ப­டுத்­து­கின்­றன. மின்­சார ஒழுங்கு முறை ஆணை­யம் உரிய நேரத்­தில்கட்­டண உயர்வை அறி­விக்­கா­மல் இருந்­தால், ஆண்­டு­தோ­றும் தானா­கவே கட்­டண உயர்வை மேற்­கொள்ள வழி­செய்­யும் திட்­டம் புதிய வரைவு கொள்­கை­யில் இடம் பெற்­றுள்­ளது.

இதே­போல், மின் கட்­ட­ணங்­களை பண­வீக்­கக் குறி­யீட்­டு­டன் இணைக்க வேண்­டும் என்­றும் வரைவு அறிக்­கை­யில் கூறப் பட்­டுள்­ளது. செலவு கட்­ட­ணங்­களை வசூ­லிக்க புதிய நடை­முறை, மின்­சார மானி­யங்­களை குறைப்­ப­தற்­கான திட்­டங்­கள் ஆகி­ய­வை­யும் வரைவு அறிக்­கை­யில் சேர்க்­கப்­பட்­டுள்­ளது. இந்த புதிய மின் கொள்­கைக்கு ஒன்­றிய அமைச்­ச­ரவை அடுத்த மாதம் ஒப்­பு­தல் அளிக்க திட்­ட­ மிட்­டுள்­ள­தாக தக­வல்­கள் வெளி­யா­கி­யுள்­ளன.

இந்தக் கொள்கை நடை­மு­றைக்கு வந்­தால் மின் கட்­ட­ணங்­கள் அதிக அள­வுக்கு உய­ரும் என்­ப­து­டன், மானி­யங்­கள் குறைக்­கப் ப­டும் நிலை ஏற்­ப­டும் என்று கூறப்­ப­டு­கி­றது.

சென்னை, ஜூன். 14–

கழகத் தலைவர் மு.க.ஸ்டாலின் அவர்களின் இரங்கல் செய்தி வருமாறு:–

தலைவர் கலைஞர் அவர்களின் ஆருயிர் நண்பரும் திருவாரூர் நகர் மன்ற முன்னாள் தலைவருமான கு.தென்னன் அவர்களின் மகன் கு.தெ.முத்து அவர்கள் மறைந்த செய்தியறிந்து மிகுந்த வேதனை யடைந்தேன்.

சிறந்த பேச்சாளரான கு.தெ.முத்து அவர்கள் திருவாரூர் நகர இளைஞரணி அமைப்பாளர், திருவாரூர் நகர தி.மு.க. செயலாளர், மாநில தி.மு.க. பொதுக்குழு உறுப்பினர் எனக் கழகத்தில் பல்வேறு பொறுப்புகளில் பணியாற்றியுள்ளார். 1996-2001-இல் திருவாரூர் நகர் மன்ற துணைத் தலைவராக மக்கள் பணியிலும் திறம்பட செயல்பட்டிருக்கிறார்.

தன் தந்தையைப் போலவே கழகத்தின் மீதும் எங்கள் குடும்பத்தின் மீதும் அளவுகடந்த பற்று கொண்டவராக முத்து அவர்கள் திகழ்ந்தார். கழகம் அறிவித்த போராட்டங்களில் கலந்துகொண்டு பல முறை சிறை சென்றுள்ளார்.

அன்னாரை இழந்து தவிக்கும் குடும்பத்தினருக்கும் திருவாரூர் மாவட்டக் கழக உடன்பிறப்புகளுக்கும் எனது ஆழ்ந்த இரங்கலையும் ஆறுதலையும் தெரிவித்துக் கொள்கின்றேன்.

இவ்வாறு கழகத் தலைவர் மு.க.ஸ்டாலின் அவர்கள் தமது இரங்கல் செய்தியில் குறிப்பிட்டுள்ளார்.