திரு­வா­ரூர், ஜூலை -15–

முத்­த­மி­ழ­றி­ஞர் கலை­ஞர் அவர்­க­ளின் நெருங்­கிய நண்­ப­ரும், திரு­வா­ரூர் நகர் மன்ற முன்­னாள் தலை­வ­ரு­மான கு.தென்­னன் அவர்­க­ளின் மகன் கு.தெ.முத்து அவர்­கள் உட­ல்­ந­லக்­கு­றை­வால் மறைவெய்­தி­னார் என் பதை அறி­விக்க வருந்­து­கி­றோம். அவ­ருக்கு வயது 68.

மறைந்த கு.தெ.முத்து அவர்­க­ளுக்கு உஷா என்­கிற மனை­வி­யும், கண்­மணி என்­கிற மக­ளும், கலை­மணி என்­கிற மக­ளும் உள்­ள­னர். இவ­ரது சகோ­த­ரர் கு.தெ.சம்­பத் திரு­வா­ரூர் நகர்­மன்ற நிய­மன உறுப்­பி­னர் ஆவார்.

சிறந்த கழக கொள்கை விளக்­கப் பேச்­சா­ள­ரான கு.தெ.முத்து அவர்­கள் திரு­வா­ரூர் நகர இளை­ஞ­ரணி அமைப்­பா­ள­ரா­க­வும், திரு­வா­ரூர் நகர திமுக அமைப்­பா­ள­ரா­க­வும், மாநில திமுக பொதுக்­குழு உறுப்­பி­ன­ரா­க­வும், 1996-–-2001ல் திரு­வா­ரூர் நகர் மன்ற துணைத் தலை­வ­ரா­க­வும் பொறுப்­பேற்று திறம்­பட செயல்­பட்­ட­வர். தற்­போது மாநில விவ­சாய தொழி­லா­ளர் அணி துணை­செ­ய­லா­ள­ராக பொறுப்­பினை வகித்து வந்­த­வர். கழ­கம் அறி­வித்த போரா ட்­டங்­க­ளில் கலந்து கொண்டு பலமுறை சிறை சென்­ற­வர்.

கு.தெ.முத்து அவர்­க­ளின் மறை­வின் தக­வல் அறிந்த மாவட்­டக்­க­ழக செய­லா­ளர் பூண்டி.கே.கலை­வா­ணன் எம்.எல்.ஏ.,மாநில விவ­சாய அணி செய­லா­ளர் ஏ.கே.எஸ்.விஜ­யன், மாநில விவ­சாய தொழி­லா­ளர் அணி தலை­வர் உ.மதி­வா­ணன், நகர செய­லா­ளர் வாரை.எஸ்.பிர­காஷ், ஒன்­றிய செய­லா­ளர் புலி­வ­லம் ஏ. தேவா மற்­றும் மாநில, மாவட்ட, ஒன்­றிய,நகர, பேரூர் செய­லா­ளர்­கள் பிரி­வால் வாடும் அவ­ரது கும்­பத்­தி­ன­ருக்கு தங்­க­ளது இரங்­கலை தெரி­வித்து வரு­கின்­ற­னர்.

மறைந்த கு.தெ.முத்து அவர்­க­ளின் இறுதி ஊர்­வ­லம் நேற்று 14.07.2026. செவ்­வாய் மாலை 3.00 மணிக்கு திரு­வா­ரூர் அய்­ய­னார் கோயில்­தெரு அவ­ரது இல்­லத்­தில் இருந்து புறப்­பட்டு நல்லடக்கம் செய்யப் பட்டது.

சென்னை, ஜூலை 15–

கழகத் தலைவர் மு.க.ஸ்டாலின் அவர்களின் இரங்கல் செய்தி வருமாறு:–

தலைவர் கலைஞர் அவர்களின் ஆருயிர் நண்பரும் திருவாரூர் நகர் மன்ற முன்னாள் தலைவருமான கு.தென்னன் அவர்களின் மகன் கு.தெ.முத்து அவர்கள் மறைந்த செய்தியறிந்து மிகுந்த வேதனை யடைந்தேன்.

சிறந்த பேச்சாளரான கு.தெ.முத்து அவர்கள் திருவாரூர் நகர இளைஞரணி அமைப்பாளர், திருவாரூர் நகர தி.மு.க. செயலாளர், மாநில தி.மு.க. பொதுக்குழு உறுப்பினர் எனக் கழகத்தில் பல்வேறு பொறுப்புகளில் பணியாற்றியுள்ளார். 1996-2001-இல் திருவாரூர் நகர் மன்ற துணைத் தலைவராக மக்கள் பணியிலும் திறம்பட செயல்பட்டிருக்கிறார்.

தன் தந்தையைப் போலவே கழகத்தின் மீதும் எங்கள் குடும்பத்தின் மீதும் அளவுகடந்த பற்று கொண்டவராக முத்து அவர்கள் திகழ்ந்தார். கழகம் அறிவித்த போராட்டங்களில் கலந்துகொண்டு பல முறை சிறை சென்றுள்ளார்.

அன்னாரை இழந்து தவிக்கும் குடும்பத்தினருக்கும் திருவாரூர் மாவட்டக் கழக உடன்பிறப்புகளுக்கும் எனது ஆழ்ந்த இரங்கலையும் ஆறுதலையும் தெரிவித்துக் கொள்கின்றேன்.

இவ்வாறு கழகத் தலைவர் மு.க.ஸ்டாலின் அவர்கள் தமது இரங்கல் செய்தியில் குறிப்பிட்டுள்ளார்.