#Title

கண் அறுவை சிகிச்சை செய்து கொண்டு இல்லத்தில் ஓய்வில் இருக்கும் தலைமைக் கழகப் பேச்சாளர் தூத்துக்குடி சரத் பாலா அவர்களை அவரது இல்லத்திற்கு நேரில் சென்று கழக துணைப் பொதுச் செயலாளர் – நாடாளுமன்ற மாநிலங்களவை குழு தலைவர் திருச்சி சிவா அவர்கள் உடல் நலம் குறித்து விசாரித்தார். தமிழ் நிலப்பரப்பின் தொன்மையை உலகுக்கு எடுத்துரைக்கும் தொல்லியல் ஆய்வுகள் தொடர வேண்டும்! முன்னாள் அமைச்சர் தங்கம் தென்னரசு வலியுறுத்தல்!

தென்காசி, ஜூலை 15–

தென்காசி மாவட்டம், மலையடிப்பட்டியில் நடைபெற்று வரும் முக்கிய தொல்லியல் அகழாய்வுப் பணிகளை முன்னாள் தொல்லியல்துறை அமைச்சரும், திருச்சுழி சட்டமன்ற உறுப்பினருமான தங்கம் தென்னரசு நேற்று நேரில் பார்வையிட்டார். இந்த ஆய்வின்போது, அகழாய்வுத் தளத்தில் கண்டெடுக்கப்பட்ட பல்வேறு தொல்பொருட்கள் மற்றும் வரலாற்றுச் சான்றுகள் குறித்து தொல்லியல் ஆய்வாளர்களிடம் விரிவாகக் கேட்டறிந்த அவர், சுமார் ஈராயிரம் ஆண்டுகள் பழமையான சங்ககாலத்தைச் சேர்ந்த செங்கற்களால் கட்டப்பட்ட படிக்கட்டுடன் கூடிய கிணற்றையும் பார்வையிட்டார்.

முன்னதாக தி.மு.க. ஆட்சிக்காலத்தில் அறிவிக்கப்பட்டு, கடந்த மூன்று மாதங்களாக தமிழ்நாடு தொல்லியல் துறையால் மேற்கொள்ளப்பட்டு வரும் இந்த அகழாய்வில், வாழ்விடப் பகுதி மற்றும் ஈமப் பகுதி ஆகிய இரண்டு முக்கியப் பகுதிகள் அடையாளம் காணப்பட்டுள்ளன.

இந்த அகழாய்வில், கீழடி உள்ளிட்ட சங்ககாலத் தளங்களுக்கு ஒப்பான செங்கல் கட்டுமான சுவடுகள், கண்ணாடி மணிகள், கருப்பு-சிவப்பு நிறப் பானை ஓடுகள், காதணிகள், விளையாட்டுக் காய்கள் உள்ளிட்ட ஏராளமான தொல் பொருட்கள் கண்டெடுக்கப்பட்டுள்ளன. மேலும், நுண்கற்காலம் முதல் வரலாற்றுக் காலம் வரை தொடர்ச்சியான மனித வாழ்விடத்திற்கான ஆதாரங்கள் கிடைத்திருப் பது இந்த அகழாய் வின் சிறப்பம்சமாகும்.

இந்நிலையில், இது குறித்து எக்ஸ் சமூக வலைத்தளத்தில் பதிவிட்டுள்ள தங்கம் முன்னாள் அமைச்சர் தங்கம் தென்னரசு, தென்காசி மாவட்டம், மலையடிப்பட்டியில் திமுக ஆட்சியில் தொடங்கப்பட்டு தொடர்ந்து நடைபெற்று வரும் தொல்லியல் அகழாய்வுப் பணிகளை நேற்று நேரில் பார்வையிட்டு, அங்கு கண்டறியப்பட்டுள்ள தொல்பொருட்கள் மற்றும் வரலாற்றுச் சான்றுகள் குறித்து தொல்லியல் ஆய்வாளர்களிடம் கேட்டறிந்தார்.

மக்கள் வாழிவிடப் பகுதியில் அமைந்திருந்த ஈராயிரம் ஆண்டுகள் பழமையான செங்கல் படிக்கட்டுக் கிணறு, கீழடியின் கண்டுபிடிப்புகளுக்கு ஒத்த கட்டுமானச் சுவடுகள், கருப்பு-சிவப்பு பானை ஓடுகள், கண்ணாடி மணிகள் உள்ளிட்ட பல்வேறு தொல்பொருட்களின் கண்டுபிடிப்பு, இப்பகுதியின் தொன்மையையும் வரலாற்றுச் சிறப்பையும் வெளிப்படுத்துகிறது.

வரலாற்றில் பல்வேறு காலங்களில் மக்கள் வாழ்ந்ததற்கான சான்றுகளைக் கொண்டுள்ள தென்காசி மாவட்டம் மலையடிப்பட்டி அகழாய்வு, கீழடி மற்றும் ஆதிச்சநல்லூரைப் போல தமிழ்நாட்டின் தொன்மையான வரலாற்றுக்கு புதிய வெளிச்சம் பாய்ச்சும் முக்கியத்துவம் வாய்ந்த அகழாய்வாக அமையும் என்ற நம்பிக்கை உள்ளது.

தமிழ் நிலப்பரப்பின் தொன்மையையும், தமிழர் நாகரிகத்தின் வரலாற்றையும் அறிவியல் சான்றுகளுடன் உலகிற்கு எடுத்துரைக்கும் இதுபோன்ற தொல்லி யல் ஆய்வுகள் தொடர்ந்து நடைபெற வேண்டும் என்று வலியுறுத்தியுள்ளார்.