சென்னை, ஜூலை 15 –

தி.மு.க. அரசு தொடங்­கிய அக­ழாய்­வுப் பணி­க­ளைப் புதிய அர­சும் தொடர வேண்­டும் என்­றும் இந்­தி­யத் துணைக்­கண்­டத்­தின் வர­லாற்­றி­னைத் தெற்­கி­லி­ருந்து தொடங்கி எழு­து­வோம் என்­றும் கழ­கத் தலை­வர் மு.க.ஸ்டாலின் அவர்­கள், தமது சமூக வலை­த­ளப் பதி­வில் தெரி­வித்­துள்­ளார்.

தென்­காசி மாவட்­டம் மலை­ய­டிப்­பட்டி கிரா­மத்­தில் தமி­ழக அரசின் தொல்­லி­யல் துறை மேற்­கொண்ட கள ஆய்வு மற்­றும் அக­ழாய்­வில், சுமார் 2,500 ஆண்­டு­கள்பழ­மை­யான சங்க காலத்­தைச் சேர்ந்த சதுர வடிவ செங்­கல் படிக் கிணறு கண்­டு­பி­டிக்­கப்­பட்­டுள்­ளது. இது தமி­ழக தொல்­லி­யல் வர­லாற்­றில் ஒருமுக்­கிய மைல்­கல்­லா­கக் கரு­தப்­ப­டு­கி­றது. இதன் கள ஆய்வை தொடர்ந்துமேற்­கொள்ள வேண்டும் என தற்­போது பொறுப்­பேற்­றுள்ள அரசை கழகத் தலைவர் மு.க.ஸ்டாலின் அவர்கள் வலி­யு­றுத்­தி­யுள்­ளார்.

கழ­கத் தலை­வர் மு.க.ஸ்டாலின் அவர்­கள் தமது சமூக வலை­த­ளப் பதி­வில் தெரி­வித்­தி­ருப்­ப­தா­வது:-–

தொடர்ந்து வெளிப்­ப­டும் தமி­ழர் தொன்­மை­யின் தடங்­க­ளைப் பாது­காப்­போம்! தடங்­கல் எது­வ­ரி­னும், வர­லாற்று உண்­மையை நிறு­வு­வோம்!

திரா­விட மாடல் அரசு தொடங்­கிய அக­ழாய்­வுப் பணி­க­ளைப் புதிய அர­சும் தொடர்ந்து மேற்­கொண்டு, தமி­ழர் வர­லாற்­றுத் தடங்­களை உல­க­றி­யச் செய்ய வேண்­டும்.

இரும்­பின் தொன்மை!

தமி­ழ­ரின் வர­லாற்­றை­யும் நமது பண்­பாட்­டை­யும் குறைத்­துக் கூறி­யும், சிதைத்து எழு­தி­யும் வரு­வ­தோடு, வர­லாற்­றைத் திரி­பு­வா­தங்­க­ளால் திசை­திருப்­பும் சூழ்ச்­சி­க­ளும் அரங்­கே­றும் காலத்­தில், தமிழ்த்­தொன்மை உண்­மைச் சான்­று­க­ளோடு வெளிப்­பட்­டுக் கொண்­டி­ருக்­கி­றது. அது­தான் கீழடி, பொருநை, இரும்­பின் தொன்மை!

மண்­ணுக்­குள்­ளும் ஆழ்­க­ட­லுக்­குள்­ளும் மறைந்­தி­ருக்­கும் இன்­னும் பல கீழ­டி­களை மேலே கொண்டு வரு­வோம். இந்­தி­யத் துணைக்­கண்­டத்­தின் வர­லாற்­றி­னைத் தெற்­கி­லி­ருந்து தொடங்கி எழு­து­வோம்! வர­லாற்­றில் பெரு­மி­தம் கொள்­வ­தோடு, புதிய வர­லாற்­றைப் படைத்­தி­ட­வும் பலம் பெறு­வோம்!

இவ்­வாறு அவர் பதி­விட்­டுள்­ளார்.