கன்னியாகுமரி,
ஜூலை 15 –
கன்னியாகுமரி கிழக்கு மாவட்டம், தோவாளை வடக்கு ஒன்றியம், ஞாலம் ஊராட்சி தி.மு.க. நிர்வாகிகள் ஆலோசனைக் கூட்டமானது அந்தரபுரம், சமூக நலக்கூடத்தில் வைத்து கன்னியாகுமரி கிழக்கு மாவட்ட துணைச் செயலாளர் ஏ.ஆர்.பூதலிங்க ம்பிள்ளை தலைமையில், தோவாளை வடக்கு ஒன்றிய செயலாளர் மோ. பிராங்கிளின் முன்னிலை யில் நடைபெற்றது.
கூட்டத்தில் சிறப்பு விருந்தினராக கன்னியாகுமரி கிழக்கு மாவட்ட செயலாளர் வழக்கறிஞர் ரெ.மகேஷ் கலந்து கொண்டு கழக வளர்ச்சி பணிகள் தொடர்பான ஆலோசனைகள் வழங்கி சிறப்புரை யாற்றினார்.
கூட்டத்தில் கன்னியாகுமரி கிழக்கு மாவட்ட பொருளாளர் ஐ.கேட்சன், முன்னாள் ஞாலம் ஊராட்சி மன்றத் தலைவர் மு.சதீஷ், ஒன்றிய பொருளாளர் T.கண்ணன் உட்பட ஒன்றிய நிர்வாகிகள், கிளை கழக செயலாளர்கள், கழக சார்பு அணிகளின் நிர்வாகிகள், BLA-2, BLC, BDA மற்றும் கழக நிர்வாகிகள் பலர் கலந்து கொண்டனர். கூட்டத்தில் கீழ்கண்ட தீர்மானங்கள் நிறைவேற்றப்பட்டது.
ஞாலம் ஊராட்சி மக்கள் பயன்படும் வகையில் இயங்கி வந்த 4R - ஊரக்கோணம் மற்றும் 4C - அருமநல்லூர் D சர்வீஸ் பேருந்தானது கடந்த இரு மாதங் களாக இயக்கப்படாமல் நிறுத்தப்பட்டுள் ளது.
இதனால் பள்ளி, கல்லூரி மாணவர்கள் மற்றும் வேலைக்கு செல்லும் பொதுமக்களும் மிகுந்த சிரமத்திற்கு உள்ளா
கின்றனர்.
எனவே இந்த இரு பேருந்துகளையும் மீண்டும் இயக்க வேண்டி நாகர்கோவில் அரசு போக்குவரத்து பொது மேலாளர் அவர்களை இக்கூட்டம் கேட்டுக்கொள்கிறது.
ஞாலம் ஊராட்சி நைனார் பொத்தை பகுதியில் ஆற்று பாலம் கட்டி தரவும் மற்றும் கல்லறை தோட்டம் செல்வதற்காக சாலை வசதி ஏற்படுத்த தேவையான நடவடிக்கை மேற்கொள்ள ஊராட்சி நிர்வாகம் மற்றும் வட்டார வளர்ச்சி அலுவலரை இக்கூட்டம் கேட்டுக்கொள்கிறது.
ஞாலம் ஊராட்சி விவசாயிகளின் கோரிக்கையான பள்ளி கொண்டான் கால்வாயினை உடனே தூர்வார வேண்டி மாவட்ட நீர்வளத்துறை அதிகாரிகளை இக்கூட்டம் கேட்டுக்கொள்கிறது.
கடந்த தமிழ்நாடு சட்டமன்றத் தேர்தலில் கழக வேட்பாளருக்காக உழைத்த கழக நிர்வாகி களுக்கும், மதச்சார்பற்ற முற்போக்கு கூட்டணி கட்சியினருக்கும் மற்றும் வாக்களித்த அனைத்து வாக்காள பெருமக்களுக்கும் மாவட்ட தி.மு.க மற்றும் தோவாளை வடக்கு ஒன்றிய தி.மு.க சார்பாக நன்றி தெரிவிக்கப்பட்டது.