தென்காசி, ஜூலை 15–
தென்காசி மாவட்டம் சுரண்டையில்,எஸ். தங்கப்பழம் இயற்கை
மற்றும் யோகா மருத்துவக் கல்லூரி சார்பில் நடைபெற்ற மாபெரும் இலவச இயற்கை மற்றும் யோகா மருத்துவ முகாமை,தென்காசி தெற்கு மாவட்டப் பொறுப்பாளர் வே.ஜெயபாலன் துவக்கி வைத்தார்.
சுரண்டை – பாவூர்சத்திரம் சாலையில், சுரண்டை நகராட்சி அலுவலகம் அருகிலுள்ள பிள்ளைமார் மண்டபத்தில் நடைபெற்ற இந்த மருத்துவ முகாமில், பொதுமக்களுக்கு இயற்கை மருத்துவ ஆலோசனைகள், உணவுமுறை வழிகாட்டுதல், யோகா மற்றும் மூச்சுப் பயிற்சி, பிசியோதெரபி, அக்குபஞ்சர் சிகிச்சை உள்ளிட்ட சேவைகள் வழங்கப்பட்டன.மேலும், இரத்தப் பரிசோதனை,இரத்த அழுத்தம், உடல் எடை மற்றும் ஆக்சிஜன் அளவு உள்ளிட்ட பல்வேறு உடல்நலப் பரிசோதனைகளும் இலவசமாக மேற்கொள்ளப்பட்டது.
நிகழ்வில் நகர துணைச் செயலாளர் பூல்பாண்டியன், மாவட்ட ஆதிதிராவிடர் நலக்குழுத் தலைவர் சங்கரநயினார், மாவட்ட மகளிர் தொண்டரணி துணை அமைப்பாளர் சபரி நிஷா,
நகரப் பொறுப்புக்குழு உறுப்பினர் பிரம்மா மாரியப்பன், மாவட்ட அயலக அணி துணைஅமைப்பாளர் முத்து சுப்பிரமணியன்,ஜோதிடர் தங்க இசக்கி, வார்டு செயலாளர்கள் கண்ணன், டெய்லர் முருகன் உள்பட கழக நிர்வாகிகள் மற்றும் பொதுமக்கள் பலர் கலந்து கொண்டனர்.