சிவகங்கை, ஜுலை 16–
சிவகங்கை மாவட்டம் காளையார் கோவில் தாலுகா மல்லலில் ஆதிதிராவிடர் மேல்நிலைப் பள்ளி உள்ளது .
இப்பள்ளியில் நிரஞ்சான் கிராமத்தைச் சேர்ந்த சஞ்சய் பிரசாத் என்பவன் 12 ஆம் வகுப்பு படித்து வருகிறான் . நேற்று காலை பள்ளிக்கூடத்திற்கு சஞ்சய் பிரசாத் வந்துள்ளான் . வகுப்பறையில் அவனுக்கும் சக மாணவர்களுக்கு மிடையே ஏற்பட்ட பிரச்சனையில் மாணவர்களுக்கிடையே தகராறு மோதல் ஏற்பட்டது .இதில் சஞ்சய்
பிரசாத் உடலில் பலத்த காயங்களுடன் பள்ளியில் மயங்கி விழுந்தான்.
உயிருக்கு ஆபத்தான நிலையில் அங்கிருந்து ஆம்புலன்ஸ் மூலம் சிவகங்கை தலைமை அரசு மருத்துவமனை கல்லூரியில் மாணவர் சஞ்சய் பிரசாத் சிகிச்சைக்காக சேர்க்கப் பட்டான். மாணவர் சஞ்சய் பிரசாத் உடம்பில். நான்கு இடங்களில் கத்திக்குத்து ஏற்பட்டுள்ளது.
உயிருக்கு ஆபத்தான நிலையில் மருத்துவர்கள் சிகிச்சை அளித்து வருகிறார்கள். மாணவர்களிடையே ஏற்பட்ட மோதலால்
பள்ளிக்கு விடுமுறை விடப்பட்டது.
இது குறித்து போலீசார் வழக்கு பதிவு செய்து விசாரணை நடத்தி வருகிறார்கள். இச்சம்பவம் அப்பகுதியில் மிகுந்த பரபரப்பினை ஏற்படுத்தியுள்ளது. மாணவர்களுக்கிடையே திடிரென்று ஏற்பட்ட மோதலுக்கான காரணம் குறித்து போலீஸார் விசாரணை நடத்தி வருகிறார்கள்.