#Title

ஆண்டிபட்டி பேரூராட்சியில் தூய்மை பணியாளர் நியமனத்தில் த.வெ.க பிரமுகர் ரூ.5 லட்சம் லஞ்சம்? பேரூராட்சி நிர்வாகத்தின் மீது புகார்!

தேனி, ஜூலை 16 –

தேனி மாவட்டம் ஆண்டிபட்டிபேரூராட்சியில்தவெக ஆட்சியில் தற்காலிக தூய்மை பணியாளர்கள் நியமனத்தில் தவெக ஆட்சியில் லட்சக்கணக்கில் லஞ்சம் வாங்கப்பட்டுள்ளதாக ஆண்டிபட்டி பேரூராட்சி நிர்வாகத்தின் மீது எழுந்துள்ள புகார் அப்பகுதியில் பெரும் பரபரப்பை ஏற்படுத்தியுள்ளது.

ஆண்டிபட்டி பேரூராட்சிக்குஉட்பட்ட பகுதிகளில் 50 ஆயிரத்திற்கும் மேற்பட்ட பொதுமக்கள் வசித்து வருகின்றனர். இப்பகுதி மக்களின் சுகாதாரப் பணிகளை மேற்கொள்வதற்காக, கடந்த சில நாட்களுக்குமுன்பு பேரூராட்சி நிர்வாகத்தின் சார்பில் 10 தற்காலிக தூய்மை பணியாளர்கள் நியமிக்கப்பட்ட தாகத் தெரிகிறது.

இந்த பணி நியமன த்திற்கு ஒவ்வொரு நபரிடமும் தலா 50 ஆயிரம் ரூபாய் முதல் 80 ஆயிரம் ரூபாய் வரை பணம் பெறப்பட்டதாகக் கூறப்படு கிறது.

ஆண்டிபட்டி பேரூராட்சி தலைவரின் கணவர், அண்மையில் தமிழக வெற்றிக் கழகத்தில் (தவெக) இணைந்து அக்கட்சியின் நிர்வாகியாக செயல்பட்டு வருகிறார்.

அவர், பேரூராட்சியில் உள்ள அனைத்து வார்டு கவுன்சிலர்களுக்கும் பணம் கொடுக்க வேண்டும் எனக் கூறி, வேலைக்குச் சேர்ந்தவர்களிடம் தனித்தனியாகப் பணம் வசூல் செய்ததாகப் புகார் எழுந்துள்ளது. இதன் மூலம் சுமார் 5 லட்சம் ரூபாய் வரை லஞ்சம் கைமாறியிருப்பதாகத் தெரிகிறது.

ஆட்சியருக்கு பொதுமக்கள் கோரிக்கை!

வேலைவாய்ப்பு தேடி வரும் ஏழை, எளிய மக்களிடம் இவ்வாறு லட்சக்கணக்கில் பணம் பறிக்கப்பட்டுள்ள சம்பவம் ஆண்டிபட்டி பகுதி மக்களிடையே கடும் அதிருப்தியையும், அதிர்ச்சியையும் ஏற்படுத்தியுள்ளது.

இந்த விவகாரத்தில் தேனி மாவட்ட ஆட்சியர் உடனடியாகத் தலையிட்டு தீவிர விசாரணை நடத்த வேண்டும் என்றும், முறைகேட்டில் ஈடுபட்டவர்கள் மீது உரிய சட்டப்பூர்வ நடவடிக்கை எடுக்க வேண்டும் என்றும் பொதுமக்கள் மற்றும் சமூக ஆர்வலர்கள் கோரிக்கை விடுத்து ள்ளனர்.

இவ்விவகாரம் தொடர்பாகப் பேரூராட்சி துப்புரவு ஆய்வாளர் இடம் கேட்டதற்கு எங்களுக்கு தெரியாது தலைவரிடம் கேட்டுக் கொள்ளுங்கள் என்று பதில் கவுன்சிலர்கள் தரப்பிலோ இதுவரை எந்தவித அதிகாரப்பூர்வ விளக்கமும் அளிக்கப்படவில்லை என்பது குறிப்பிடத்தக்கது.