சென்னை, ஜூலை 16–
தி.மு.க. மாற்றுத் திறனா ளிகள் அணிச் செயலாளர் தீபக்நாதன் விடுத்துள்ள அறிக்கை வருமாறு:
தமிழ்நாட்டில் நடிகர் ஜோசப் விஜய் தலைமையிலான தவெக அரசு பொறுப்பேற்றதில் இருந்து சட்டம் ஒழுங்கு சீர்கெட்டு போதைப் பொருள் குற்றங்கள், பெண்கள் சிறுமி களுக்கு எதிரான பாலியல் குற்றங்கள், ஆணவக் கொலைகள், ரவுடிகளின் அட்டகாசங்கள், தொடர் கொலை கொள்ளைகள், மாற்றுத்திறனாளர்களுக்கு எதிரான குற்றங்கள் பல்வேறு சமூக விரோத செயல்கள் என மாநிலம் முழுவதும் குற்றங்கள் தலைவிரித்து ஆடுவதை கண்டு மக்கள் செய்வதறியாது நிற்கிறார் கள்.
அந்த வரிசையில் தற்பொழுது போலீஸ் லாக்கப் மரணங்கள் நிகழத் தொட ங்கி இருப்பது பெரும் அச்சத்தை ஏற்படுத்தி உள்ளது. ஏற்கனவே அவதூறு வழக்கு என்ற பெயரில் மாற்றுத்திறனாளி ஒருவரை காவல் துறையினர் கைது செய்து கையாண்ட விதம் பெரும் பேசு பொருளாக மாறி இருக்கும் நிலையில் இன்று நாகர்கோவிலைச் சேர்ந்த மாற்றுத்திறனாளி இளைஞரான சபரிவர்மன் காவல்துறையால் கைது செய்யப்பட்ட நிலையில் நீதிமன்றக் காவலில் மரணம் அடைந்து இருப்பது பெரும் அதிர்ச்சியை சந்தேகத்தை ஏற்படுத்துயுள்ளது..!
கைதானபோது நல்ல ஆரோக்கியத்துடன் இருந்த சபரிவர்மன், விசாரணை முடிந்து சிறையில் அடைக்கப்பட்ட போது, உடல்நலக்குறைவால் இறந்துவிட்டார் என்று காவல்துறைதரப்பில் சொல்லப்படுகிறது. மாற்றுத்திறனாளிகளுக்கு எதிரான வன்முறைகள் ஏற்படுகின்ற பொழுது அவர்களை பாதுகாக்க வேண்டிய இடத்தில் இருக்கும் காவல்துறை இப்படி நடந்து கொண்டிருப்பது உள்ளபடியே பெரும் கவலையை அச்சத்தை ஏற்படுத்துகிறது.
மாற்றுத்திறனாளிகள் உரிமைச் சட்டம் மிகத் தெளிவாக மாற்றுத்திறனாளிகளை பாதுகாக்க வேண்டிய கடமை காவல்துறைக்கு இருப்பதாக தெளி வாக வரையறுத்து இருந்தும் இப்படி அலட்சியமாக உயிர் போகின்ற அளவிற்கு ஒரு மாற்றுத்திறனாளியை நடத்தியிருக்கும் விதம் இந்த ஆட்சியினுடைய மிக அவலமான நீட்சியை காட்டுகிறது.
மேலும், மரணமடைந்த சபரிவர்மனின் உடல் முழுவதும் காயங்கள் இருந்ததாகவும், அவரை மாற்றுத்திறனாளி என்றும் பாராமல் காவல்துறையினர் அடித்தே கொலை செய்துள்ளதாகவும் சபரிவர்மனின் குடும்பத்தார் போராட்டத்தில் ஈடுபட்டு வருகின்றனர்.
கிள்ளு கீரையை போல ஒரு மாற்றுத்திறனாளரை இந்த ஆட்சியாளர்கள் நடத்துகிற போக்கு மிக ஆபத்தான போக்காகும். இது நிச்சயம் மனித உரிமை மீறல் ஒருபோதும் இதை ஏற்றுக் கொள்ள முடியாது மீண்டும் ஒரு சாத்தான்குளம் வழக்கை ஒரு மாற்றுத்திறனாளிக்கு எதிராக கொண்டு வந்திருப்பது தமிழகத்தில் இந்த அரசில் காவல்துறை எவ்வளவு சீரழிந்து இருக்கிறது என்பதை தெளிவாக காட்டுகிறது.
இந்த மாற்றத்திற்கு தானா வாக்களித்தோம்..? இதுதானா மாற்றம்..? என்று பொதுமக்கள் அஞ்சுகின்ற அளவிற்கு இந்த ஆட்சி வெறும் இரண்டு மாதத்தில் தமிழகத்தை அவல நிலைக்கு இட்டு சென்றிருக்கிறது. ஒரு இருட்டு சமூகத்திற்கு நம்மை அழைத்துச் செல்கிறதோ என்கின்ற அச்சம் எழும்புகின்ற அளவிற்கும், ஒரு மாற்றுத்திறனாளி என்றும் பாராமல் காவல்துறை தாக்கிருப்பது மிகுந்த வேதனைக்கு எங்களை ஆளாக்கியுள்ளது.
இந்த நிகழ்வை திராவிட முன்னேற்றக் கழக மாற்றுத்திறனாளர் அணி மிகுந்த கவலையோடு கவனித்து வருவதுடன் இந்த காவல் நிலையம் மரணத்திற்கு மிகக் கடுமையான கண்டனங்களை தெரிவித்துக்கொள்கிறது.
இந்த விவகாரத்தில் தமிழ்நாடு அரசு உரிய நடவடிக்கை எடுத்து பலியான அந்த மாற்றுத்திறனாளியின் குடும்பத்திற்கு உரிய இழப்பீடு வழங்கவும் மேலும் மாற்றுத்திறனாளிகளுக்கு எதிராக இனி இது போன்ற ஒரு சம்பவம் நடைபெறாமல் இருக்க தகுந்த நடவடிக்கை தேவை என்பதை வலியுறுத்துகிறது. இதற்கு தீர்வு எட்டப்படாவிட்டால் திராவிட முன்னேற்றக் கழக மாற்றுத்திறனாளர் அணி மாநிலம் தழுவிய போராட்டத்தை முன்னெடுக்கும் என்பதை தமிழ்நாடு முதலமைச்சர்
C.ஜோசப் விஜய் அவர்களுக்கு இந்த அறிக்கையின் வாயிலாக தெரிவித்துக் கொள்கிறோம்.
இவ்வாறு தி.மு.க. மாற்றுத் திறனாளிகள் அணிச் செயலாளர் தீபக்நாதன் தெரிவித்துள்ளார்.
undefined