டெல்லி.ஜூலை 16–

சிபி­எஸ்இ 9, 10ஆம் வகுப்­பு­க­ளில் தேர்ச்சி பெற மூன்­றாம் மொழி­யின் உள் மதிப்­பீட்­டுத் தேர்­வில் தேர்ச்சி கட்­டா­ய­மாக்­கப்­பட்­டுள்­ளது. 2027–28 கல்­வி­யாண்டு முதல் 10ஆம் வகுப்பு செல்­ப­வர்­கள் பொதுத்­தேர்­வில் மூன்­றாம் மொழித் தேர்வு எழுத தேவை­யில்லை.

நாடு முழு­வ­தும் சிபி­எஸ்இ பள்­ளி­க­ளில் பயி­லும் மாண­வர்­க­ளுக்கு, 3வது மொழிப் பாடத்தை

எடுத்­துப் படித்­தா­லும் இந்த ஆண்டு பொதுத் தேர்வு நடை­பெ­றாது என அறி­விக்­கப்­பட்­டுள்­ளது. ஆர்3 என்று கூறப்­ப­டும் 3வது மொழிப் பாடத்­துக்கு, பள்­ளி­கள் நடத்­தும் உள்­நி­லைத் தேர்­வு­கள் மூல­மாக மட்­டுமே மேற்­கொள்­ளப்­ப­டும் என்று சிபி­எஸ்இ அறி­வித்­துள்­ளது.

மூன்­றா­வது மொழிப் பாடத்­திட்­டத்­துக்­கான தேர்­வு­கள், பள்ளி அள­வி­லான உள்மதிப்­பீட்டு முறை­யில் மட்­டுமே பதிவு செய்­யப்­ப­டும். 3வது மொழிப்­பா­டத்­தில் தேர்ச்சி பெறாத மாண­வர்­க­ளும் 10ம் வகுப்­புக்கு முன்­னேற்­றம் செய்­யப்­ப­டு­வார்­கள்.

ஆனால், அதே மாண­வர்­கள் 10ஆம் வகுப்பு படிக்­கும்­போது மூன்­றா­வது மொழிப் பாடத்­தி­லும் தேர்ச்சி பெற வேண்­டி­யது அவ­சி­ய­மா­கும்.

மேலும் சிறப்­புக் குழந்­தை­கள், மாற்­றுத்­தி­ற­னா­ளி­க­ளுக்கு 3வதுமொழிப் பாடத்­தைக் கற்­ப­தி­லி­ருந்து விலக்கு அளிக்­கப்­ப­டு­கி­றது. வெளி­நா­டு­க­ளில் படிக்­கும் மாண­வர்­கள் இந்­திய மொழி ஒன்றை 3வது மொழி­யாக எடுத்­துப் படிப்­ப­தில் விலக்கு அளிக்­கப்­ப­டும் என்­றும் கூறப்­பட்­டுள்­ளது.

மேலும்10–ஆம் வகுப்பு மாண­வர்­க­ளைப் பொறுத்­த­வரை, சிபி­எஸ்­இ­யின் தேர்ச்சி பெற்­றோர் என்ற சான்­றி­தழ் பெறு­வ­தற்கு, தேர்­வில் தேர்ச்சி பெறு­வது கட்­டா­யம். 10–ஆம் வகுப்­பில் 3வது மொழித் தேர்­வில் தோல்­வி­ய­டை­யும் மாண­வர்­க­ளுக்கு, தேர்வு முடி­வு­கள் அறி­விக்­கப்­ப­டு­வ­தற்கு முன்­ன­தாக மறு­ம­திப்­பீட்­டிற்­கான (re–assessment) வாய்ப்பு வழங்­கப்­ப­டும் என்­றும் குறிப்­பிட்­டுள்­ளது.