சேலம், ஜூலை 16–
இந்திய குடியரசுக் கட்சியின் தலைவரும், சட்டமன்ற முன்னாள் உறுப்பினருமான முனைவர் செ.கு. தமிழரசன் வெளியிட்ட அறிக்கை வருமாறு:
சேலம் மாவட்டம் கெங்கவல்லி கூட்டுப்பாதையில் கடந்த ஐந்து ஆண்டு
களுக்கு முன்பு பாபா சாகேப் அம்பேத்கருடைய முழு உருவச் சிலையை நிறுவ அந்த பகுதி மக்கள் முயன்றனர். அதற்கு முன்பாகவே அந்தப் பகுதியில் கட்சிகளின் கொடிக் கம்பங்கள், பெருந்தலைவர் காமராஜர் சிலை, நிறுவப்பட்டுள்ளன. அவற்றின் அருகே பாபாசாகேப் அம்பேத்கர் சிலையையும் நிறுவ ஒடுக்கப்பட்ட சமுதாயத்தினர் முயன்றனர்.
கால் மேல் கால் போட்டு அமர்ந்த பொலிவோடு இந்த சிலை அமைந்திருந்தது. அந்தப் பகுதி மக்கள் எதிர்த்தனர். கலவ ரத்தில் ஈடுபட்டுச் சமூக மோதலை உருவாக்க முனைந்தனர். இதனல் சிலையைச் சுற்றிலும் தகரங்கள் அடிக்கப்பட்டு மூடப்பட்டது
சில நாட்களுக்கு முன் உள்ளூர் திருவிழாவை யொட்டி சில பேனர்கள் அந்த தகரத்தின் மீது வைக்கப்பட்டன. இவை அவிழ்க்கப்பட்ட போது, தகரமும் பிரிந்ததா? அந்த பேனர்கள் எடுக்கப்பட்ட நிலையில் வேறுசிலர் அந்த தகரத்தை எடுத்தார்களா என்பது விசார ணைக்குரியது.
மக்கள் கண்களில்
சிலை தென்படும் நிலையில், ‘‘உடனே அந்த சிலையை எடுத்துவிட வேண்டும்’’ என்று வழக்கம் போல ஆதிக்கச் சக்திகள் கொதித்தன.
‘‘சிலையை அகற்றக்கூடாது’’ என்று அம்பேத்கரிய ஆர்வலர்கள் தடுத்தனர். இதனையொட்டி கலவரம் மூண்ட பிறகு, காவல்துறை தலையிட்டு, வழக்கம் போல சிலையை மூடி விட்டது. ஒடுக்கப்பட்ட மக்களிலிருந்து 15 பேரை போலிசார் கைது செய்து இருக்கிறார்கள். அதில் பல்வேறு வழக்குகளை போட்டிருக்கின்றனர்.
இது வன்மையாகக் கண்டிக்கத்தக்கது சுமூகத் தீர்வு மேற்கொள்வதற்கு புதிதாக அமைந்திருக்கிற அரசு முற்படாமல், அந்தப் பகுதியில் மேலும் கலவரம் கிளம்பும் நடவடிக்கையாக 15க்கும் மேற்பட்ட தலித்துகள் கைது செய்யப்பட்டுள்னர். அவர்கள் பெயரில் கடுமையான பிரிவுகளில் வழக்குப்போட்டிருப்பது மிக மிக வருத்தத்துடன் கண்டிக்கதக்கது. இந்த போக்கு அதிர்ச்சியை ஏற்படுத்துகிறது. இந்த ஆட்சி அமைத்து இரண்டு மாத காலத்திலேயே, இந்த தொடக்கம் தமிழகத்தின் சமூக நல்லிணக்கத்துக்கு சமூக சமத்துவத்திற்கும் எதிரான நடவடிக்கையாக இருக்கிறது. தமிழக வாழ்வுரிமைக் கட்சியைச் சேர்ந்த பொறுப்பில் இருக்கிற ஒருவர் கூட இதில் கைது செய்யப்பட்டிருக்கிறார்.
தம்முடைய தமிழக வெற்றிக்கழக கட்சியின் கொள்கைத் தலைவர்களில் ஒருவராக பாபா சாஹேப் அம்பேத்கரை நம்முடைய தமிழக முதலமைச்சர் விஜய் ஏற்றுக் கொண்டிருக்கிறார். அவருக்கு இந்த தகவல் தெரிவிக்கப்படவில்லையா இந்த செய்தி அவரக்குப் போய்ச் சேர வில்லையா இந்த செய்தியை அவர் அறியாதவராக இருக்கிறார். ஏன் இதில் வழக்கம் போல மவுனம் காட்டுகிறார். அமெரிக்க அதிபராக இருந்த ஆபிரகாம் லிங்கன் அடித்தட்டு கருப்பர் இன மக்களை அடிமைத்தனத்திலிருந்து மீட்டெடுத்தார். அந்த மக்களின் ஏகோபித்த தலை வரான ஆபிரகாம் லிங்கனுக்கு வாஷிங்டனில் அமைந்திருக்கிற லிங்கன் நகரில் அவர் கால் மீது கால் போட்டு அமர்ந்திருப்பதை போலஒரு கம்பீரமான சிலை உண்டு.
இன்றைய முதலமைச்சர் விஜய் அவர்கள் கட்டாயம் பார்த்திருக்கக் கூடும்.
அவர் அரசியல் ரீதியாக அறியாவிட்டாலும் அவர் சுற்றுப் பயணமாக போனபோது பார்த்திருக்க முடியும். தமிழ்நாட்டில் அம்பேத்கர் நகர் இல்லாத ஒரு நகரமே இன்றைக்கு கிடையாது .
இவை எல்லாம் மக்கள் உணர்வுகளாலேயே மக்களின் முனைப்பினாலேயே உருவானவை. அம்பேத்கரின் ஒரு சிலையைக் கூட பாதுகாப்பதற்கு முடிய வில்லை என்பது வேதனையாக இருக்கிறது
இது நியாயம்தானா?
முதலமைச்சர் விஜய் அவர்கள் உடனடியாக இதில் தலையீடு செய்ய வேண்டும். கைது செய்யப்பட்டு இருக்கின்ற தாழ்த்தப்பட்ட மக்கள் அனைவரையும் அனைத்து வழக்கு களில் இருந்தும் விடுவித்து அவர்களை விடுதலை செய்ய வேண்டும். பாபாசாகேப் அம்பேத்கர் சிலையை தகரச் சிறையி
லிருந்து மீட்டெடுத்து பொதுமக்கள் பார்வைக்கு வைக்க வேண்டும். சாதிய மோதல்களுக்கு முடிவு கட்ட முதல்வர் விஜய் உடனடியாக நடவடிக்கை எடுக்க வேண்டும்.
இவ்வாறுஅவர் அறிக்கையில் தெரிவித்துள்ளார்.