நெல்லை, ஜூலை 16 –
கனிம வள வழக்கில் தொடர்புடைய உங்கள் நண்பர் ஜனார்த்தன ரெட்டிக்காக தமிழ்நாட்டின் ஆறுகளில் மணல் எடுக்க உத்தரவிட்டுள்ளீர்களா? கன்னியாகுமரி மாவட்ட கடற்கரை அணு கனிம மணல் எடுக்க ஓராண்டு நீட்டித்து உத்தரவிட்டது போல்,தமிழக ஆற்று மணலையும் கொள்ளையடிக்க முயற்சிப்பதா? என முன்னாள் சட்டப்பேரவை தலைவர் மு.அப்பாவு கேள்வி எழுப்பியுள்ளார்.
இது தொடர்பாக முன்னாள் பேரவை தலைவர் மு.அப்பாவு தனது எக்ஸ் வலைதள பதிவில் கூறியிருப்பதாவது.
தமிழ்நாட்டின் முக்கிய ஆறுகலான பாலாறு, காவேரி,வைகை,தாமிரபரணி ஆறுகளில் மணல் எடுப்பதால் நிலத்தடி நீர் பாதிக்கப்பட்டு குடிநீர், விவசாயம் போன்ற அடிப்படை தேவைகளுக்கு தண்ணீர் பஞ்சம் ஏற்பட்டு தமிழ்நாடே பாலைவனமாக மாறிவிடும் என்பதால் 2017 ஆம் ஆண்டு மார்ச் மாதம் 2 ம் தேதி சென்னை உயர்நீதிமன்றத்தில் ஆற்று மணலுக்கு பதிலாக கட்டுமான பணிகளுக்கு குவாரி மணல் (M sand) பயன்படுத்த வேண்டுமென்றும், தமிழ்நாட்டு ஆறுகளில் முழுமையாக ஆற்று மணல் எடுப்பதற்கு தடை விதிக்க வேண்டுமென்றும் நான் தொடர்ந்து பொதுநல வழக்கை விசாரித்த சென்னை உயர்நீதிமன்ற தலைமை நீதியரசர் அவர்கள் 2017 ஆம் ஆண்டு மார்ச் 20 ஆம் தேதி பிறப்பித்த உத்தரவில் அன்றைய தமிழக தலைமைச் செயலாளர், நீர்வளத்துறை, பொதுப்பணித்துறை மற்றும் சம்மந்தப்பட்ட அரசு செயலாளர்கள் கொள்கை முடிவுவெடுக்க வேண்டும் என்ற உத்தரவின் அடிப்படையில் தொடர்ந்து 2026 வரை ஆட்சியில் இருந்த அரசுகளும்,எடுத்த தொடர் நடவடிக்கையின் பயனாக தற்போது ஆற்று மணல் எடுப்பது நிறுத்தப்பட்டுள்ளது.CM sir
உங்கள் நண்பர் கனிமவள வழக்கில் தொடர்புடைய ஜனார்த்தன ரெட்டி (Gali Janarthana Retty ) அவர்களுக்காக தமிழ்நாட்டின் ஆறுகளில் மணல் எடுக்க உத்தரவிட்டுள்ளீர்களா? ஏற்கனவே கன்னியாகுமரி மாவட்ட கடற்கரை அணு கனிம மணல் எடுக்க ஓராண்டு நீட்டித்து உத்தரவிட்டது போல்,தமிழக ஆற்று மணலையும் கொள்ளையடிக்க முயற்ச்சிப் பதா? ஏற்கனவே தமிழக விவசாயிகள் வாங்கிய கடனை தள்ளுபடி செய்வதாக அறிவித்து ஏமாற்றியது நினைவிருக்கிறதா? காவிரி தண்ணீரையும் தமிழகத்துக்கு பெற்றுக் கொடுக்க எந்த முயற்சி யிலும் ஈடுபடாத தாங்கள் ஆற்று மணலையும் அள்ளி விவசாயிகளை தற்கொலைக்கு தள்ள துணிந்து விட்டீர்களா?
இவ்வாறு முன்னாள் பேரவை தலைவர் மு.அப்பாவு தனது எக்ஸ் வலைதள பதிவில் கூறியுள்ளார்.