திருவள்ளூர்,
ஜூலை 17 –
கல்வியே சமூக முன்னேற்றத்தின் திறவுகோல் என்ற தி.மு.க.வின் உயரிய கொள்கையை நடைமுறைப்படுத்தும் வகையில், கழகத் தலைவர் அவர்களின் ஆலோசனையின்படி செயல்பட்டு வரும் தி.மு.க. இளைஞரணி அறக்கட்டளை, பொருளாதாரத்தில் பின்தங்கிய மாணவர்களின் உயர்கல்விக் கனவுகளை நனவாக்க தொடர்ந்து கல்வி
உதவிகளை வழங்கி வருகிறது.
அதன் தொடர்ச்சியாக, திருவள்ளூர் மேற்கு மாவட்டம், திருத்தணி ஒன்றியம், முருங்கப்பட்டு பகுதியைச் சேர்ந்த மாணவர் சந்தோஷுக்கு கல்விச் செலவிற்காக ரூ.25 ஆயிரம் மதிப்பிலான காசோலை வழங்கப்பட்டது.
கழக இளைஞரணி செயலாளரும், எதிர்க்கட்சித் தலைவருமான அவர்கள் வழங்கிய இந்த கல்வி உதவித் தொகைக்கான காசோலையை, திருவள்ளூர் மேற்கு மாவட்ட கழகச் செயலாளர் திருத்தணி எஸ்.சந்திரன், மாவட்ட இளைஞரணி அமைப்பாளர் ம.கிரண் முன்னிலையில் மாணவரிடம் வழங்கினர்.
இந்நிகழ்ச்சியில் திருத்தணி ஒன்றியக் கழகச் செயலாளர் ஏ.எல்.விஜயகுமார், ஒன்றிய, கிளை மற்றும் இளைஞரணி நிர்வாகிகள், கழகத் தொண்டர்கள் உள்ளிட்டோர் கலந்து கொண்டு மாணவருக்கு வாழ்த்துகளைத் தெரிவித்தனர்.
கல்வி உதவியைப் பெற்ற மாணவர் சந்தோஷ் கூறுகையில், “இக்கட்டான பொருளாதார சூழ்நிலையிலும் எனது கல்வி பாதிக்கப்படாமல் தொடர வேண்டும் என்ற அக்கறையுடன் உதவிக்கரம் நீட்டிய தி.மு.க. இளைஞரணி அறக்கட்டளைக்கும், கழகத் தலைவர் அவர்களுக்கும், கழக இளைஞரணி செயலாளரும் எதிர்க்கட்சித் தலைவருமான அவர்களுக்கும் எனது மனமார்ந்த நன்றியைத் தெரிவித்துக் கொள்கிறேன். இந்த உதவியை வாழ்நாள் முழுவதும் மறக்கமாட்டேன்”
என்றார்.