ஓசூர், ஜூலை 17 –
மேகதாது அணை கட்ட முயற்சி செய்வதற்கும், தண்ணீர் திறக்காத தற்கும் எதிர்ப்பு தெரிவித்து கர்நாடகா நோக்கி பேரணி சென்ற தமிழக விவசாயிகள் கைது செய்யப்பட்டனர்.
இதேபோல், கன்னட அமைப்பினர் எல்லை அடைப்பு போராட்டத்தில் ஈடுபட்டனர். இதனால் ஓசூரில் அரசு பஸ்கள் நிறுத்தப்பட்டதால் பயணிகள் அவதிக்கு ஆளாகினர். கிருஷ்ணகிரிமாவட்டம் ஓசூரில் உழவர் பெருந்தலைவர் நாராயண சாமியின் தமிழக விவசாயிகள் சங்கம் சார்பில், தமிழகத்திற்கு சேர வேண்டிய தண்ணீரை, கர்நாடகா அரசு திறக்காததை கண்டித்தும், கர்நாடகா அணைகளிலிருந்து தண்ணீரை நாங்களே திறப்போம் என வலியுறுத்தியும்மாநில தலைவர் வேலுசாமிதலைமையில் போராட்டம் மற்றும் நடைபயணம் நேற்று நடைபெற்றது. பேரணியில், இளம் விவசாயிகள் சங்கம், விவசாயிகள் முன்னேற்ற கழகம் ஆகிய சங்கங்களைச் சேர்ந்த நிர்வாகிகள் கலந்து கொண்டனர்.
தேசிய தென்னிந்தியநதிகள் இணைப்பு விவசாயி கள் சங்க நிறுவனர் அய்யாக்கண்ணு, பேரணியை தொடங்கி வைத்தார். ஓசூர்-பெங்களூரு சாலையில் உள்ள மூக்காண்டப் பள்ளி தோப்பம்மா கோயிலிலிருந்து, கர்நாடகாவை நோக்கி கடப்பாரையுடன் பேரணியாக சென்றனர். அப்போது, இ.எஸ்.ஐ. மருத்துவமனை அருகே, நூற்றுக்கும் மேற்பட்ட போலீசார் தடுப்பு வேலி அமைத்து, அவர்களை தடுத்து நிறுத்தினர்.
இதனால் ஆத்திர மடைந்த விவசாயிகள்,சர்வீஸ் சாலையில் அமர்ந்து தமிழகத்திற்கு உண்டான தண்ணீரை திறக்க வலியுறுத்தியும், மேகதாதுவில் அணை கட்ட முடிவு செய்துள்ள கர்நாடகா அரசை கண்டித்தும் கோஷமிட்டனர்.
இதனையடுத்து, மாநில தலைவர் வேலுசாமி, அய்யாகண்ணு உள்ளிட்ட 120க்கும் மேற்பட்டோரை போலீசார் கைது செய்து, போலீஸ் வாகனத்தில் ஏற்றிச் சென்று தனியார் மண்டபத்தில் அடைத்தனர்.
பின்னர், அய்யாகண்ணு செய்தியாளர்களிடம் கூறியதாவது: –
உச்சநீதிமன்ற உத்தரவுப்படி, கர்நாடகா அரசு தண்ணீர் திறந்து விட்டால், தமிழகத்தின் 28 மாவட்டங்களின் குடிநீர் தட்டுப்பாடு நீங்கும். விவசாயிகளும் குறுவை, சம்பா, கோடை சாகுபடியைச் செய்ய முடியும். கர்நாடகா அரசு தண்ணீர் தராததால், டெல்டா பகுதியை வறட்சியாக்கி, அங்கிருந்து மீத்தேன், பெட்ரோல், டீசல் எடுக்க ஒன்றிய அரசு வஞ்சிக்கிறது. இங்கிருக்கும் தமிழக அரசோ, தண்ணீர் வராத நேரத்தில் மணல் விற்கப் பார்க்கிறது.
ஏற்கனவே முசிறி முதல் வாத்தலை வரை மணல் அள்ளியதால்,
50 ஆயிரம்தென்னை மரங்களும், காவிரி-கொள்ளிடம் கரைகளில் இருந்த லட்சக்கணக்கான பனை மரங்களும் காய்ந்து இயற்கையே அழிந்து விட்டது. மீண்டும் அத்தகைய சூழலை உருவாக்கக் கூடாது. உச்சநீதிமன்றத் தீர்ப்பை மதிக்காத கர்நாடக அரசுக்கு எதிராக, நாங்கள் நீதிமன்றத்தில் வழக்கு தொடரவுள்ளோம். விவசாயிகளுக்கு ஏற்பட்டுள்ள பாதிப்புகளுக்கு ரூ.1 லட்சம் கோடி நஷ்டஈடு வழங்க வேண்டும். அதில் ஒரு விவ
சாயிக்கு ரூ.50 ஆயிரம் வழங்க வேண்டும் என மனுத் தாக்கல் செய்யவுள்ளோம்.
மேலும், கோதாவரி - காவிரி இணைப்பின் மூலம், ஆயிரம் டிஎம்சி தண்ணீர் தருவதாகக் கூறிய வாக்குறுதியையும் ஒன்றிய அரசு நிறை வேற்றவில்லை.
அமெரிக்காவில் ஒப்பந்தம் செய்து, இறக்குமதி செய்யப்படும் மரபணு மாற்றப்பட்ட உணவுகளால், இளம் தலைமுறையினருக்குப் பல்வேறு பாதிப்புகள் ஏற்படுகின்றன. இதை கண்டித்து எங்கள் போராட்டம் டெல்லியிலும், சென்னையிலும் தொடரும்.
இவ்வாறு அவர் தெரிவித்தார்.
தமிழ்நாடு அரசு
மெத்தனம்!
தமிழக விவசாயிகள் சங்க மாநிலத் தலைவர் வேலுசாமி கூறுகையில், ‘உச்சநீதிமன்றத் தீர்ப்பின் படி, கர்நாடகா தண்ணீர் தர மறுக்கிறது.
இதுகுறித்து தமிழக அரசிடம் முறையிட் டால், மெத்தனமாக இருக்கிறது. விவசாயி களின் கோரிக்கையைத் தற்போதையஅரசு முற்றிலும் மறந்துவிட்டது. அதற்குக் கண்டனம் தெரிவிக்கும் வகையில், எல்லையைத் தாண்டிச் சென்று அணைகளின் மதகுகளை உடைத்தாவது தண்ணீரைத் திறக்க வேண்டும் என்ற நோக்கில் நாங்கள் வந்தோம்.
ஆனால், தமிழக அரசு தன் காவல்துறையை ஏவல்துறையாகப் பயன்படுத்தி, விவசாயிகளின் குரல்வளையை நசுக்குகிறது. விவசாயிகளை ஏளனமாக நினைக்கும் இந்த அரசு, ஓட்டுக் கேட்டு வரும் போது விவசாயிகள் அவர்களை விரட்டியடிப் பார்கள். காவிரியிலிருந்து கொள்ளை லாபத்திற்காக, மணல் அள்ளும் குவாரிகளைத் திறக்கஅரசு முயன்றால், விவசாயிகள் சங்கம் அதற்குபூட்டு போடும் மூடுவிழாவை நடத்தும் என எச்சரிக்கிறோம்’ என்றார்.