சேலம், ஜூலை 17 –
ஆதித் தமிழர் கட்சியின் நிறுவனத் தலைவர் கு.ஜக்கையன் வெளியிட்டுள்ள அறிக்கை வருமாறு:
சேலம் மாவட்டம் கெங்கவல்லி ஒதியத்தூர் தலித் மக்கள் குடியிருப்புகள் உள்ள இடத்தில் புரட்சி யாளர் அம்பேத்கர் சிலையை மாவட்ட ஆட்சியரின் அனுமதியோடு திறந்து வைக்கப்பட்டது. ஆனால் காவல்துறை அதிகாரிகள் யாருடைய தூண்டுதலின் பேரில் சிலையை உடனே தகரம் கொண்டு அடைத்து வைத்தனர்.
சிலையை ஏன் மூடு கிறீர்கள் உடனே திறக்க வேண்டும் என்று கேட்டுக் கொண்ட அந்த கிராமத்தில் உள்ள தலித் மக்களை காவல்துறை கொடுரமான முறையில் தாக்குதல் நடத்தியுள்ளது இதனை ஆதித்தமிழர் கட்சி மிகவும் வன்மையாக கண்டிக்கிறோம்.
இந்தியா முழுவதும் அதிகமான சிலைகள் உள்ளன ஏனென்றால் ஒடுக்கப்பட்ட பிற்படுத்தப்பட்ட பட்டியல் பழங்குடியினர் இன மக்களின் ஒட்டுமொத்த மனிதர்களுக்குமான உரிமைகளை நிலைநாட்டிய தலைவர் அம்பேத் கரின் சிலை தமிழ்நாட்டில் நிறைய உள்ளன ஆனால் இங்கு அம்பேத்கர் கால் மேல் கால் போட்டு அமர்ந்து இருக்கிறது என்று தடுத்துள்ளனர்.
இந்திய அரசியல் சட்டத்தை ஏழுதிய அரசியல் ஆசான் டாக்டர் அம்பேத்கர் அவர்களை கொள்கை தலைவராக ஏற்றுக் கொண்டதாக சொல்லும் தமிழக வெற்றி கழகத்தின் தலைவர் தமிழ்நாடு முதல்வர் ஜோசப் விஜய் அவர்கள் இதற்காவது வாயை திறந்து பேசவேண்டும். மேலும் தனது கட்டுப்பாட்டுக்குள் இருக்கும் காவல்துறையை ஏன் அவர் கண்டிக்கவில்லை?.
உடனடியாக அம்பேத்கர் சிலையை திறக்க வேண்டும். இல்லையேல் சணநாயக சக்திகளை இணைத்து கொண்டு ஆதித்தமிழர் கட்சி போராட்டத்தை முன்னெடுக்கும் ஏன்பதை ஆதித்தமிழர் கட்சி தலைமை குழு சார்பில் தெரிவித்து கொள்கிறேன்.
இவ்வாறு அவர் தெரிவித்துள்ளார்.