தென்காசி, ஜூலை 17
தென்காசி மாவட்டம் சங்கரன்கோவில் வட்டம் மலையடிப்பட்டியில் கழக ஆட்சியில் தொடங்கப்பட்டு தொடர்ந்து நடைபெற்று வரும் தொல்லியல் அகழாய்வுப் பணிகளை தென்காசி நாடாளுமன்ற உறுப்பினர் மரு.ராணி ஸ்ரீகுமார் நேரில் பார்வையிட்டு, அங்கு கண்டறியப்பட்டுள்ள தொல்பொருட்கள் மற்றும் வரலாற்றுச் சான்றுகள் குறித்து தொல்லியல் ஆய்வாளர்களிடம் கேட்டறிந்தார்.
கடந்த தி.மு.க .ஆட்சியில் சிறப்பாக நடைபெற்ற அகழ்வாராய்ச்சி பணிகளின் மூலம் தமிழர்களின் பெருமையை உலகம் அறிந்துகொண்டது குறிப்பாக காவேரிபூம்பட்டினம்,அழகன்குளம், பட்டறைபெரும்பத்தூர் மற்றும் கீழடி அதன்வரிசையில் தற்போது தென்காசி மலையடிப்பட்டி கிராமத்தில் கழக ஆட்சியில் தொடங்கி தற்போது சிறப்பாக அகழ்வாராய்ச்சி நடைபெற்று வருகிறது. எனவும் நுண்கற்காலம் முதல் வரலாற்றுக்காலம் வரை மக்கள் வாழ்ந்ததற்கான ஆதாரம் கிடைத்துள்ளது. குறிப்பாக பகடைக்காய், ஆட்டக்காய்கள், பாசிமணிகள் காதணிகள் செம்புக்காசிகள் கருப்புசிவப்பு பானைகள் முதுமக்கள் தாழிகள் மற்றும் தங்கத்துகள்கள் மேலும் சங்க காலத்தை சார்ந்த படிக்கட்டு கிணறு உள்ளதை அகழ்வாராய்ச்சியில் கண்டறியப்பட்டு ள்ளது இது மிகவும் முக்கியமான அகழ்வாராய்ச்சி பணியாகும்.
இப்பணி தொடர்ந்து நடைபெற வேண்டுமெனவும் இந்த அகழ்வாராய்ச்சியில் கிடைத்த பொருட்களை பார்க்கும்போது தமிழர்களின் பெருமையும் தொன்மையும் வரலாற்றுச் சிறப்பையும் உலகிற்கு எடுக்காட்டும் அகழ்வாராய்ச்சியாக மலையடிப்பட்டி அமையும் எனவும் கீழடிபோல் மலையடிப்பட்டி அகழ்வாய்வை நினைவு சின்னமாக அரசு அறிவிக்க வேண்டுமென தென்காசி பாராளுமன்ற உறுப்பினர் மரு.ராணி ஸ்ரீகுமார் கேட்டுக் கொண்டார்.
இந்நிகழ்வில் தொல்லியல்துறை அலுவலர் காளீஷ்வரன்,வழக்கறிஞர் சதீஷ்,ஊராட்சி மன்ற தலைவர் வீரையா, கிளைச்செயலாளர் மாவட்ட மகளிரணி பொன்னுத்தாய் உள்பட கழக நிர்வாகிகள், பொதுமக்கள் கலந்து கொண்டனர்.