சென்னை, ஜூலை 17–
புழல் சிறையில் பாலாஜி மரணமடைந்ததற்குகாவல்துறையினரே காரணம் என குற்றஞ்சாட்டி, அவரது உறவினர்கள் ஊர் மக்கள், சேலையூர் காவல் நிலையத்தை முற்றுகை யிட்டு போராட்டத்தில் ஈடுபட்டனர்.
சென்னையை அடுத்த சேலையூர் பகுதியை சேர்ந்த பாலாஜி என்ற கைதி புழல் சிறையில் மர்மமான முறையில்உயிரிழந்துள்ளார். கடந்த 3 தினங்களுக்கு நாகர்கோவிலில் சபரிவர்மன் சிறையில் அடித்துக் கொல்லப்பட்ட நிலையில், புழல் சிறையில் பாலாஜி உயிரிழந்தது அதிர்ச்சியை ஏற்படுத்தியுள்ளது.
கடந்த ஞாயிற்றுக்கிழமை பெட்டி கடையில் குட்கா விற்பனை செய்ததாகபாலாஜியை சேலையூர் காவல்துறையினர் கைது செய்துள்ளனர். அதன்பிறகுபுழல் சிறையில் அடைக்கப்பட்ட அவர் திடீரென உயிரிழந்துவிட்டதாக காவல்துறையினர் தெரிவித்துள்ளனர். இதனால், நேற்றே ஸ்டான்லி மருத்துவமனையில் அவரது உடலை வாங்க மறுத்து உறவினர்கள் போராட்டம் நடத்தினர்.
பாலாஜியின் மரணத்திற்கு காவல்துறைதான் காரணம் என குற்றஞ் சாட்டி வரும் உறவினர்கள், ஊர் மக்கள் சேலையூர் சேலையூர் காவல் நிலையத்தை முற்றுகை யிட்டுபோராட்டத்தில் ஈடுபட்டனர். 150க்கும் மேற்பட்டோர் ஒரே நேரத்தில் குவிந்து போராட்டத்தில் ஈடுபட்டதால் பரபரப்பு ஏற்பட்டது.
த.வெ.க. ஆட்சியில் ஒரு புறம் குற்றச்சம்ப வங்கள் அதிகரித்து வரும் நிலையில், மறுபுறம் லாக்அப் மரணங்கள்தலைத்தூக்கி வருவது மக்கள் மத்தியில் அதிருப்தியை மேலும் அதிகமாக்கியுள்ளது.