#Title

கூடங்குளம் அணுமின் நிலைய தரவுகள் கசிவால் அதிர்ச்சி! பொதுமக்களின் பாதுகாப்பை த.வெ.க. அரசு உறுதி செய்ய வேண்டும்! முன்னாள் அமைச்சர் தங்கம் தென்னரசு வலியுறுத்தல்!

சென்னை, ஜூலை 18–

தமிழகத்தின் கூடங்குளம் அணுமின் நிலையத்தின் முக்கிய வரைபடங்கள், ஆவணங்கள், ‘டார்க் வெப்’ வலையமைப்பில் கசிந்து இருப்பதாக வெளியாகி இருக்கும் தகவல் அதிர்ச்சியை ஏற்படுத்தியுள்ளது. இதை தொடர்ந்து கண்காணித்து பொதுமக்களின் பாதுகாப்பை உறுதி செய்ய உரிய நடவடிக்கைகளை எடுக்க வேண்டும் என்று முன்னாள் அமைச்சர் தங்கம் தென்னரசு தமிழ்நாடு அரசை வலியுறுத்தி உள்ளார்.

திருநெல்வேலி மாவட்டம், கூடங்குளத்தில் உள்ள அணு மின் நிலையத்தில் 3 மற்றும் 4வது அணு உலைகளுக்கான உள்கட்டமைப்பு பணிகள் நடந்து வருகின்றன. இந்த பணிகளை அனில் அம்பானியின், ‘ரிலையன்ஸ் இன்ப் ராஸ்ட்ரக்சர்’ நிறுவனம் மேற்கொண்டு வருகிறது.

இந்நிலையில், ரிலையன்ஸ் குழும சர்வரில் இருந்து கூடங்குளம் அணு மின் நிலையத்தின் முக்கிய வரைபடங்கள், ஆவணங்கள் திருடப்பட்டு, டார்க் வெப் எனப்படும், மறை முகமாக இயங்கும் வலையமைப்பில் கசியவிடப் பட்டுள்ளனஎன்கிற அதிர்ச்சி தகவல் வெளியாகியுள்ளது.

மைய ‘யோட்டா’ என்ற தரவு சேவை வழங்கு நரின் சர்வரில் சேமிக் கப்பட்ட தரவுகளை, ‘வேர்ல்ட் லீக்ஸ்’ என்ற ‘ரான்சம்வேர் ஹேக்கர்’ குழு பகுதியளவு திருடி, இணையதளத்தில் கசிய விட்டிருப்பதாக, ‘ரிலையன்ஸ் இன்ப்ராஸ்ட்ரக்சர்’ நிறுவனம் ஒப்புக் கொண்டுள்ளது.

ஹேக்கர்கள் வெளியிட்டதாக கூறப்படும் 8.58 லட்சம் கோப்புகளில், 19,000 கோப்புகள் மிகவும் முக்கியமானதாக கருதப்படுகின்றன.

‘தரவுகள் கசிந்திருப்பது அணு மின் நிலையத்தின் பாதுகாப்புக்கு பெரும் அச்சுறுதலாக இருக்கும்’ என, அணு பாதுகாப்பு நிபுணர்கள் எச்சரித்துள்ளனர்.

ஆவணங்கள் எதிரிகள்கைகளுக்கு சென்றால், அணுமின் நிலையத்தின் துணை அமைப்புகள் மற்றும் பாதுகாப்பு விஷயத்தில் உள்ள பலவீனங்களை கண்டறிய முயற்சிப்பர் என அவர்கள் தெரிவிக்கின்றனர்.

இருப்பினும், வெளிப்புற ஹேக்கர் குழு தரவு கசிந்து இருப்பதாகவும் பின்னர் அதன் நம்பகத்தன்மை குறித்து விசாரித்து வருவ தாகவும் விளக்கம் அளித்துள்ளது.

இதற்கிடையே முன்னாள் அமைச்சரும் விருதுநகர் வடக்கு மாவட்ட தி.மு.க. செயலாளருமான தங்கம் தென்னரசு, பொதுமக்களின் பாதுகாப்பை தமிழ்நாடு அரசு உறுதி செய்ய நடவடிக்கை எடுக்க வேண்டும் என்று கேட்டுக் கொண்டுள்ளார்.

இது தொடர்பாக தங்கம் தென்னரசு வெளியிட்ட சமூக வலைதளப் பதிவு வருமாறு:–

கூடங்குளம் அணுமின் நிலையம் தொடர்பான ஆவணங்கள் இணையத்தில் கசிந்துள்ளதாக வெளியான தகவல்கள், அந்த நிலையத்தின் மூலோபாய முக்கியத்துவத்தை கருத்தில் கொண்டு பொதுமக்களிடையே கவலையை ஏற்படுத்தியுள்ளன.

இதுகுறித்து கவலைப்படத் தேவையில்லை என்று ஒன்றிய அரசு தெரிவித்திருந்தாலும், சம்பந்தப்பட்ட அதிகாரிகள் உறுதிப்படுத்தப்பட்ட மற்றும் நம்பகமான தகவல்களைத் தொடர்ந்து பொது மக்களுக்கு வழங்குவது மிகவும் அவசியம்.

மேலும், தமிழ்நாடு அரசும் சம்பந்தப்பட்ட ஒன்றிய அமைப்புகளுடன் நெருங்கிய ஒருங்கிணைப்பைப் பேணிச் செயல்பட்டு, நிலைமையை தொடர்ந்து கண்காணித்து, பொதுமக்களின் பாதுகாப்பைஉறுதி செய்யத் தேவையான அனைத்து நடவடிக்கை களையும் மேற்கொள்ள வேண்டும்.

இவ்வாறு அவர் பதி விட்டுள்ளார்.