சென்னை,ஜூலை.18–
அ.தி.மு.க. முன்னாள் அமைச்சர்கள் சி.விஜயபாஸ்கர், எம்.ஆர்.விஜயபாஸ்கர் ஆகியோர் தங்கள் சட்டமன்ற உறுப்பினர் பதவியை ராஜினாமா செய்து சமீபத்தில் த.வெ.கவில் இணைந்தனர். இந்நிலையில், அவர்களது ராஜினாமாவை ஏற்று சபாநாயகர் பிறப்பித்த உத்தரவை ரத்து செய்யக்கோரி அ.தி.மு.க. கொறடா அக்ரி கிருஷ்ணமூர்த்தி சார்பில் சென்னை உயர் நீதிமன்றத்தில் மனுதாக்கல் செய்யப்பட்டது.
கொறடா உத்தரவை மீறி த.வெ.க. அரசுக்கு ஆதரவாக சட்டப்பேரவையில் இருவரும் வாக்களித்திருந்த நிலையில், அவர்களை தகுதிநீக்கம் செய்ய அதிமுக முறையிட்டிருந்த நிலையில், அவர்களது ராஜினாமாவை சபாநாயகர் ஏற்றது விதிகளுக்கு புறம்பானது என மனுவில் வலியுறுத்தப்பட்டிருந்தது.
எனவே, இந்த மனு மீது இறுதி முடிவு எடுக்கப்படும் வரை விராலிமலை மற்றும் கரூர் தொகுதிகள் காலியானதாக அறிவிக்கப்பட்ட விவகாரத்தில் மேற்கொண்டு நடவடிக்கை எடுக்க இடைக்கால தடை விதிக்க வேண்டுமெனவும் கோரப்பட்டிருந்தது. இந்த மனுதலைமை நீதிபதி சுஷ்ருத் அரவிந்த் தர்மாதிகாரி மற்றும் நீதிபதி அருள்முருகன் அமர்வில் விசாரணைக்கு வந்த நிலையில், சட்டப்பேரவைச் செயலாளர், மற்றும் இரண்டு விஜயபாஸ்கர்களும் பதிலளிக்க உத்தரவிட்டனர்.
மேலும், ஏற்கனவே நான்கு எம் எல்.ஏக்கள் ராஜினாவை ஏற்றதை எதிர்த்த வழக்குகளுடன், இந்த இரு வழக்குகளையும் சேர்த்து விசாரணைக்கு பட்டியலிட நீதிபதிகள் உத்தரவிட்டுள்ளனர்.