சென்னை, ஜூலை 18 –

திருச்சி ஒருங்­கி­ணைந்த குற்­றப்­பி­ரிவு போலீ­ஸா­ருக்கு, சென்னை திரு­வ ல்­லிக்­கே­ணி­யில் உள்ள ஒரு தனி­யார் விடு­தி­யில் கள்­ள­நோட்­டு­கள்­ கை­மாற இருப்­ப­தாக ரக­சிய தக­வல் கிடைத்­தது.

இதை­ய­டுத்து, திருச்சி ஒருங்­கி­ணைந்த குற்­றப் பிரிவு போலீ­ஸார், சென்னை ஒருங்­கி­ணைந்த குற்­றப்­பி­ரிவு போலீ­ஸார் இணைந்து நேற்­று­முன்­தி­னம் சோதனை நடத்­தி­னர்.

அப்­போது, விடுதி அறை­யில் பதுக்கி வைக்­கப்­பட்­டி­ருந்த ரூ.11.90 லட்­சம் மதிப்­பி­லான கள்­ள­நோட்­டு­கள் பறி­மு­தல் செய்­யப்­பட்­டன. தொடர்ந்து நடத்­தப்­பட்ட விசா­ர­ணையில், கள்­ள­ நோட்­டு­களை பதுக்கி வைத்­தி­ருந்­த­தா­கக் கூறப்­ப­டும் சென்­னை­யில் டிரா­வல்ஸ் நிறு­வ­னம் நடத்தி வரும் சபீக் ரஹ்­மான் (37) என்­ப­வ­ரது வீட்­டில் போலீ­ஸார் சோதனை நடத்­தி­னர்.

அப்­போது, ரூ.11.21 லட்­சம் அசல் இந்­திய ரூபாய் நோட்­டு­கள் மற்­றும் சுமார் ரூ.34 லட்­சம் மதிப்­புள்ள 25 ஆயி­ரம் யூரோ அசல் நோட்­டு­கள் பறி­மு­தல் செய்­யப்­பட்­டன. பின்­னர், சபீக் ரஹ்­மான் கைது செய்­யப்­பட்­டார்.

அவ­ரி­டம் நடத்­தப்­பட்ட விசா­ர­ணை­யில், இந்த கள்­ள­நோட்­டு­கள் தஞ்சை மாவட்­டம், வெட்­டிக்­காடு பகு­தி­யைச் சேர்ந்த விவ­சாயி ரவிச்­சந்­தி­ரன் (40) மூலம் கிடைத்­தது தெரி­ய­வந்­தது. இதை­ய­டுத்து, தனிப்­படை போலீ­ஸார் ரவிச்­சந்­தி­ரனை கைது செய்­த­னர்.

அவ­ரது வீட்­டில் நடத்­தப்­பட்ட சோத­னை­யில் ரூ.22.80 லட்­சம் அசல் பணம், 4 பாஸ்­போர்ட்­டு­கள் மற்­றும் ரூ.9 ஆயி­ரம் மதிப்­பி­லான கள்­ள­நோட்­டு­கள் பறி­மு­தல் செய்­யப்­பட்­டன.

பின்­னர், அவ­ரி­டம் நடத்­தப்­பட்ட விசா­ர­ணை­யில், ரவிச்­சந்­தி­ரன் கடந்த சில ஆண்­டு­க­ளாக மலே­சி­யா­வில் பணி­யாற்­றிய போது, அங்­குள்ள கால்­டாக்சி ஓட்­டு­நர்­கள் மூலம் செயல்­பட்ட கள்­ள­நோட்டு கும்­ப­லு­டன் தொடர்பு ஏற்­ப­டுத்தி உள்­ளார்.

பின்­னர், கமி­ஷன் அடிப்­ப­டை­யில் கள்­ள­நோட்­டு­களை இந்­தி­யா­வுக்கு கடத்தி விநி­யோ­கிக்­கும் பணி­யில் ஈடு­பட்டு வந்­த­தா­க­வும் கூறப்­ப­டு­கி­றது. சென்­னைக்கு வந்­த­போது டிரா­வல்ஸ் உரி­மை­யா­ளர் சபீக் ரஹ்­மா­னு­டன் பழக்­கம் ஏற்­பட்டு, இரு­வ­ரும் இணைந்து கள்­ள­நோட்­டு­களை மாற்­றும் பணி­யில் ஈடு­பட்டு வந்­த­தாக விசா­ர­ணை­யில் தெரிய வந்­தது.

சமீ­பத்­தில் மலே­சி­யா­வில் செயல்­ப­டும் கும்­பல், கள்ள நோட்­டு­களை ஒரு பெண் மூலம் சென்­னைக்கு அனுப்பி வைத்­த­தா­க­வும், அந்த பெண் சபீக் ரஹ்­மா­னி­டம் ரூ.1.10 கோடி மதிப்­பி­லான கள்­ள­நோட்­டு­களை ஒப்­ப­டைத்­து­விட்டு சென்­ற­தா­க­வும் விசா­ர­ணை­யில் தெரிய வந்­துள்­ளது.

அந்த பெண் யார் என்­பது குறித்து போலீ­ஸார் விசா­ரித்து வரு­கின்­ற­னர்.இந்த வழக்­கில், சர்­வ­தேச கள்­ள­நோட்டு கும்­ப­லின் தொடர்பு இருப்­ப­தாக சந்­தே­கம் உள்­ள­தால், சிபி­சி­ஐடி போலீ­ஸா­ரும் விசா­ர­ணையை தொடங்கி உள்­ள­னர்.