#Title

உச்சநீதிமன்ற நீதிபதிகள் எண்ணிக்கை உயர்வு! மசோதா மழைக்கால கூட்டத் தொடரில் தாக்கல்!

புதுடெல்லி, ஜூலை 18 –

உச்சநீதிமன்ற நீதிபதி களின் எண்ணிக்கையை 34-இல் இருந்து 38- ஆக அதிகரித்து பிறப்பிக்கப் பட்ட அவசர சட்டத்துக்கு மாற்றான மசோதாவை, எதிர்வரும் மழைக்கால கூட்டத் தொடரில் ஒன்றிய அரசு கொண்டுவரவுள்ளது.

உச்சநீதிமன்ற நீதிபதி களின் எண்ணிக்கையை 34-இல் இருந்து 38-ஆக அதிகரித்து பிறப்பிக்கப்பட்ட அவசர சட்டத்துக்கு மாற்றான மசோதாவை, எதிர்வரும் மழைக்கால கூட்டத் தொடரில் ஒன்றிய அரசு கொண்டுவரவுள்ளது.

ஜூலை 20-ஆம் தேதி தொடங்கவுள்ள மழைக்கால கூட்டத் தொடர், ஆகஸ்ட் 13-ஆம் தேதி வரை நடைபெறும் என எதிர்பார்க்கப்படுகிறது.

உச்சநீதிமன்ற சட்டம் (நீதிபதிகள் எண்ணிக்கை) 1956-இல் இயற்றப்பட்டபோது, தலைமை நீதிபதி தவிர்த்து பிற நீதிபதிகளின் மொத்த எண்ணிக்கை 10 என்ற அளவில் நிர்ணயி க்கப்பட்டது. 1960-இல் சட்டத் திருத்தம் மூலம் இந்த எண்ணிக்கை 13-ஆகவும், 1977- இல் அடுத்த சட்டத் திருத்தம் மூலம் 17-ஆகவும் உயர்த்தப்பட்டது.

1986-இல் மீண்டும் திருத்தச் சட்டம் மேற்கொள்ளப்பட்டு, உச்சநீதிமன்ற நீதிபதிகள் எண்ணிக்கை 17-லிருந்து 25-ஆக உயர்த்தப்பட்டது. 2009-இல் இந்த எண்ணிக்கை 30- ஆகவும், 2019-இல் தலைமை நீதிபதி உள்பட நீதிபதிகளின் எண்ணிக்கை 34-ஆகவும் உயர்த்தப்பட்டது.

இந்நிலையில், உச்சநீதிமன்ற நீதிபதிகளின் எண்ணிக்கையை 34-இல் இருந்து 38-ஆக உயர்த்தும் வகையில் சட்டத் திருத்த மசோதா கொண்டுவர மத்திய அமைச்சரவை கடந்த மே மாதம் ஒப்புதல் வழங்கியது.

ஆனால், உடனடியாக அவசர சட்டம் கொண்டுவரப்பட்டு, நீதிபதிகளின் எண்ணிக்கை 38-ஆக உயர்த்தப்பட்டது. அவசர சட்டம் பிறப்பி க்கப்பட்ட பிறகு உச்சநீதிமன்றத்தில் 5 நீதிபதிகள் நியமனம் மேற்கொள்ளப் பட்டது.

எந்தவொரு அவசர சட்டமும் ஆறு மாத காலம் செல்லுபடியாகும் நிலையில், நாடாளுமன்ற கூட்டத் தொடர் தொடங்கிவிட்டால், 6 வாரங்க ளுக்குள் அது தொடர்பான சட்ட மசோதாவை நிறைவேற்ற வேண்டும். இல்லையெனில், அவசர சட்டம் காலாவதியாகிவிடும். அதன்படி, எதிர்வரும் மழைக்கால கூட்டத் தொடரில், அவசர சட்டத்துக்கு மாற்றான மசோதாவை ஒன்றிய அரசு கொண்டுவர உள்ளது.

எதிர்க்கட்சிகளின் தீர்மானம் ஏற்பு: நாடாளுமன்ற அமர்வு நடை பெறாத போது, தனது நிர்வாக அதிகாரத்தைப் பயன்படுத்தி ஒன்றிய அரசு அவசர சட்டத்தைப் பிறப் பித்து, அதன் பின்னர் சட்ட மசோதாவை கொண்டுவரும்போது, எதிர்க்கட்சிகள் எதிர்ப்பு தெரிவித்து தீர்மானம் சமர்ப்பிப்பது நடைமுறையாகும்.

இது, சட்ட மசோதா மீது எதிர்க்கட்சிகள் விவாதிக்க வாய்ப்பளிக்கும். அதன்படி, அவசர சட்டத்துக்கு எதிரான எதிர்க்கட்சிகளின் தீர்மானம் ஏற்றுக் கொள்ளப்பட்டதாக, மக்களவையின் செய்திக் குறிப்பில் தெரிவிக்கப்பட்டுள்ளது.