அரியலூர் மாவட்டம், தா.பழூர் மத்திய ஒன்றியம், இருகையூர் ஊராட்சி கோட்டியால் மற்றும் கூழாட்டுகுப்பம் கிராமத்திலிருந்து மாற்றுக் கட்சியினர் தமிழ்நாடு அரசு போக்குவரத்து மற்றும் மின்சாரத்துறை முன்னாள் அமைச்சர், அரியலூர் மாவட்டக் கழகச் செயலாளர், குன்னம் சட்டமன்ற உறுப்பினர் எஸ்.எஸ்.சிவசங்கர் முன்னிலையில் தங்களை திராவிட முன்னேற்றக் கழகத்தில் இணைத்துக் கொண்டனர். கழகத்தில் இணைந்த அனைவருக்கும் கழக இருவண்ண ஆடை அணிவித்து அனைவரையும் வரவேற்றார். இந்நிகழ்வில் தா.பழூர் மத்திய ஒன்றிய கழக பொறுப்பாளர்கள் இரா. அண்ணாதுரை, பொன்.செல்வம், ஏஜிஎஸ்.முருகன், ஒன்றிய துணை செயலாளர் நடராஜன், கார்த்தி மற்றும் மாவட்ட, ஒன்றிய கழக நிர்வாகிகள், கழகத் தோழர்கள் பலரும் கலந்துகொண்டனர்.