திண்டுக்கல். ஜூலை.19-–
திண்டுக்கல் அரசு போக்குவரத்து கழக தொழிலாளர் முன்னேற்ற சங்க நிர்வாகிகள் ஆலோசனைக் கூட்டம் நடைபெற்றது. கூட்டத்திற்கு, பொதுச்செயலாளர் பொன்.செந்தில் தலைமை வகித்தார். பிரச்சார செயலாளர் முத்து ராமன், மத்திய சங்க செயலாளர்கள் ஜெகன் பாலு, முருகப்பெருமாள் முன்னிலை வகித்தனர்.
இதில், தமிழ்நாடு அரசு போக்குவரத்துக் கழகம் திண்டுக்கல் மண்டலத்தில், திண்டுக்கல், தேனி மாவட்டம் 2 மாவட்டங்கள் உள்ளது. சுமார் 700க்கும் மேற்பட்ட பஸ்கள்இயங்கு கிறது.
திண்டுக்கல்லில் இருந்து குமுளி, பழனி, மதுரை, கரூர், சேலம், ஈரோடு, திருச்சி உட்பட பல மாவட்டங்களுக்கு பஸ்கள் இயக்கப்படுகிறது.
இந்நிலையில், திண்டுக்கல் மண்டலத்தில் போதுமான அளவில் டிரைவர்கள், கண்டக்டர் இல்லாததால், நீண்ட நாட்களாக ஒரே ரூட்டில் தொடர்ந்து டிரைவரும் நடத்துனரும் பலர் பணிபுரிந்து வருகின்றனர். இந்த நிலையில் அதிகாரிகள் சுழற்சி முறையில் பணி என்ற பெயரில் ஓட்டுநர் நடத்துனரை சில நாட்களாக பணி மாற்றம் செய்து வருகின்றனர்.
இது ஓட்டுநர் நடத்துனர் இடையே மன உளைச்சலை ஏற்படுத்தியுள்ளது. ஓய்வு பெறுவதற்கு சில மாதங்கள் உள்ள நிலையில் பல தொழிலாளர்கள் உள்ளனர். நகரப் பஸ்களில் பணி புரிந்து வரும் டிரைவர், கண்டக்டர்களை நீண்ட தூரம் செல்லும் மொபசல் பஸ்களில் பணிபுரிய நிர்பந்தப்படுத்து கின்றனர்.
வயது மூப்பின் காரணமாக பல்வேறு நோய்களை கொண்டுள்ள சிலர், எங்களால் எப்படி இரவு பகலாக செல்லும் நீண்ட தூர பஸ்களை பாதுகாப்பாக இயக்க முடியும். சுழற்சிமுறை பேஜ் என்று சொல்லிடிரைவர் கண்டக்டர்களுக்கு ஆறு மாதத்துக்கு ஒரு பஸ் வீதம் பணிபுரிய வேண்டும் என்று கட்டாயப்படுத்துகிறார்கள்.
அதிகாரிகள் செய்யும் இந்த நடவடிக்கையால், டிரைவர் கண்டக்டர்கள் நிர்வாகத்தின் மீது அதிருப்தியில் உள்ளனர். எனவே போக்குவரத்து நிர்வாகம் கடந்த காலங்களில் செயல்பட்ட முறையிலேயே செயல்பட வேண்டும். சுழற்சி முறை பேஜ் முறையை கைவிட வேண்டும். பழைய முறையி லேயே தொடர வேண்டும். அப்போது தான் போக்குவரத்து தொழிலாளர்கள் கவனமாக மன உளைச்சல் இல்லாமல் பணியாற்ற முடியும். என தெரிவித்தனர். மேலும் இந்த மன உளைச்சலில் கடந்த 10 தினங்க ளுக்குள் இரண்டு போக்குவரத்து ஊழியர்கள் மரணம் அடைந்துள்ளனர் என்பது குறிப்பிடத்தக்கது.
இதுகுறித்து அரசு போக்குவரத்துக் கழக தொழிலாளர் முன்னேற்றக் சங்க பொதுச் செயலாளர் பொன்.செந்தில் தெரிவித்ததாவது:
உயர் நீதிமன்றம் மதுரை கிளையில் வழங்கப்பட்ட உத்தரவுப்படி பணி மூப்பு அடிப்படையில் சுழற்சி முறை பணி வழங்காமல், மதுரை கோட்ட மேலாண் இயக்குனர் மற்றும் திண்டுக்கல் மண்டல பொது மேலாளர் தன்னிச்சையாக முடிவெடுத்து, கிலோ மீட்டர் அடிப்படையில் சுழற்சி பணி உருவாக்கி, அதில் தான் பணி புரிய வேண்டும் என்று கட்டாயப்படுத்துகின்றனர். இதில் மலை வழித் தடங்களில் இதுவரை பணிபுரியாத மூத்த ஓட்டுனர் மற்றும் நடத்துனர்களை நியமித்து கட்டாயப்படுத்துகின்றனர். இதனால் பெரும் விபத்துக்கள் ஏற்பட வாய்ப்புள்ளது. நகரப் பஸ்களில் பணிபுரிந்த டிரைவர்களை நெடுந்தூர பஸ்களில் பணிபுரிய நிர்பந்தப்
படுத்துகின்றனர். இதனால் டிரைவர்கள் மன உளைச்சலுக்கு ஆளாகின்றனர். இது குறித்து தொழிற்சங்கங்கள் நீதிமன்ற ஆணைப்படி பணி வழங்க வேண்டும் என்று கூறியும், அதனை பொருட்படுத்தாமல் மதுரை கோட்ட மேலாண் இயக்குனர் மற்றும் திண்டுக்கல் மண்டல பொது மேலாளர், தங்கள் நினைத்ததை சாதித்தே ஆக வேண்டும் என்று, கிலோமீட்டர் அடிப்படையில் தான் பணி புரிய வேண்டும் என்று கூறி வருகின்றனர். இதனால் மன உளைச்சலுக்கு ஆளாகி பல தொழிலாளர்கள் மருத்துவ விடுப்பில் செல்கின்றனர். ஆகையால் அரசு உடனடியாக தலையிட்டு பணி மூப்பு அடிப்படையில் சுழற்சி முறை பணி வழங்க வேண்டும், எனத் தெரிவித்தார்.