தென்காசி, ஜுலை 19–
தென்காசி மாவட்டம் பாவூர்சத்திரத்தில் நடைபெற்று வரும் ரயில்வே மேம்பாலம் பணி மற்றும் இலஞ்சியில் நடைபெற்று வரும் ரயில்வே மேம்பால பணி,ஆகிய 2 மேம்பால பணிகளை தென்காசி நாடாளுமன்ற உறுப்பினர் மரு.ராணி ஸ்ரீகுமார் திடீர் ஆய்வு பணி மேற்கொண்டார்.இந்நிகழ்வில் தென்காசி தெற்கு மாவட்ட பொறுப்பாளர் வே.ஜெயபாலன் பங்கேற்றார்.
தென்காசி மாவட்டம் தென்காசியிலிருந்து திருநெல்வேலி செல்லும் நான்கு வழிச்சாலையில் பாவூர்சத்திரம் பகுதியில் நடைபெற்று வரும் ரயில்வே மேம்பாலப்பணி மற்றும் தென்காசி முதல் இலஞ்சி செல்லும் தேசிய நெடுஞ்சாலையில் நடைபெற்று வரும் ரயில்வேமேம்பாலப்பணியையும் தென்காசி நாடாளுமன்ற உறுப்பினர் மரு.ராணி ஸ்ரீகுமார் ஆய்வு பணி மேற்கொண்டார். தொடர்ந்துநெடுஞ்சாலைத்துறையின் உதவி கோட்டப் பொறியாளர்கள் சத்தியபதி, கஸ்தூரிராணி மற்றும் ரயில்வே சீனியர் பிரிவு பொறியாளர் பிரேம்குமார் ஆகியோர்களுடன் ஆலோசனை நடத்தி இப்பாலப்பணிகளால் பொதுமக்கள் தொடர்ந்து சிரமங்களை சந்தித்து வருவதாகவும், ஆகவே மேம்பாலப் பணியை துரித்தப்படுத்த அதிகாரிகளிடம் கேட்டுக்கொண்டார்.
மேலும் இப்பாலப்பணிகளில் ஏதும் தாமதம் ஏற்பட்டால் உடனடியாக எனக்கு தகவல் கொடுக்கவும்,அதனை தான் சம்மந்தப்பட்ட துறை அதிகாரிகளிடம் பேசி உடனடியாக சரி செய்து தருவதாகவும்,எக்காரணம் கொண்டும் மேம்பாலம் அமைக்கும் பணியை தாமதமாகா மல்விரைந்து முடித்து வரும் ஜனவரி மாதம் முதல் வாரத்தில் 2 மேம்பாலங்களும் பொதுமக்கள் பயன்பாட்டிற்கு கொண்டு வர வேண்டும். என கேட்டுக் கொண்டார்.
இந்த ஆய்வு பணிகளில் ஒன்றிய செயலாளர் சீனித்துரை, ரமேஷ், அழகு சுந்தரம், கீழப்பாவூர் ஊராட்சி ஒன்றியக் குழுத் தலைவர் காவேரி சீனித்துரை, தென்காசி நகர செயலாளர் சாதிர், பேரூர் செயலாளர் முத்தையா, மாவட்ட அணிகளின் துணை அமைப்பாளர்கள் ரகீம், சாபீக்அலி, சுப்பிரமணியன், செல்வவிநாயகம், சுந்தரராஜன், ஆனந்தராஜ், முத்துசுப்
பிரணியன், ராமராஜ், தேவிசிவக்குமார், கணேசன், பவுல் உள்பட கழக நிர்வாகிகள் பலர் கலந்து கொண்டனர்.