புது­டெல்லி, ஜூலை 19–

ஜந்­தர் மந்­த­ரில் 20 நாட்­க­ளாக உண்­ணா­வி­ர­தம் இருந்து வந்த சமூக ஆர்­வ­லர் சோனம் வாங்­சுக்கை காவல்­து­றை­யி­னர் வலுக்­கட்­டா­ய­மாக மருத்­து­வ­ம­னைக்கு அழைத்­துச் சென்­ற­னர்.

நீட் தேர்வு வினாத்­தாள் கசி­வுக்­குப் பொறுப்­பேற்று ஒன்­றிய கல்வி அமைச்­சர் தர்­மேந்­திர பிர­தான் பதவி வில­கக் கோரி டெல்லி ஜந்­தர் மந்­த­ரில் கரப்­பான் பூச்சி ஜனதா கட்­சி­யி­னர் கடந்த ஜூன் மாதம் தொடர் போராட்­டத்தைதொடங்­கி­னர். இப்­போ­ராட்­டத்­தில் பங்­கேற்ற சமூக ஆர்­வ­லர் சோனம் வாங்­சுக், கடந்த 20 நாட்­க­ளுக்­கும் மேலா­கத் தொடர் உண்­ணா­வி­ர­தப் போராட்­டத்­தில் ஈடு­பட்­டி­ருந்­தார். அவ­ரது உடல்­நிலை மோச­ம­டைந்­ததை அடுத்து, அவ­ரது உயி­ரைக் காக்க தின­சரி மருத்­து­வப் பரி­சோ­தனை மற்­றும் தேவை­யான மருத்­து­வச் சிகிச்­சை­களை மேற்­கொள்ள டெல்லி உயர் நீதி­மன்­றம் ஜூலை 16-ஆம் தேதி உத்­த­ர­விட்­டது. 20 நாட்­க­ளுக்­கும் மேலான உண்­ணா­வி­ர­தத்­தால் சோனம்வாங்­சுக் தனது உடல் எடை­யில் சுமார் 9 கிலோ­விற்­கும் அதி­க­மாக இழந்து, அவ­ரது உள் உறுப்­பு­கள் பாதிக்­கப்­ப­டும் அபா­யம் ஏற்­பட்­டுள்­ள­தாக மருத்­து­வர்­கள் எச்­ச­ரித்­தி­ருந்­த­னர்.

இந்­நி­லை­யில், நேற்று அதி­கா­லை­யில் ஜந்­தர் மந்­தர் போராட்­டக் களத்­திற்கு வந்த டெல்லி போலீ­சார், நீதி­மன்ற உத்­த­ரவு மற்­றும் அவ­ரது மோச­மான உடல்­நி­லை­யைக் சுட்­டிக்­காட்டி, அங்­கி­ருந்­த­வர்­க­ளின் பலத்த எதிர்ப்­பு­க­ளுக்கு இடையே அவரை வலுக்­கட்­டா­ய­மாக மருத்­து­வ­ம­னைக்கு அழைத்­துச் சென்­ற­னர்.

அப்­போது, எனது உடல் நிலை 20 சத­வீ­தம் பாதிக்­கப்­பட்­டுள்­ளது என்­றும், தன்­னைப் பற்றி கவ­லைப்­ப­டா­மல் 20 ஆம் தேதி நாடா­ளு­ மன்ற முற்­று­கைப் போராட்­டத்­தில் அனை­வ­ரும் கலந்­து­கொள்ள வேண்­டும் என்­றும் சோனம் வாங்­சுக் வேண்­டு­கோள் விடுத்­தார். இத­னி­டையே சோனம் வாங்­சுக் மீது தாக்­கு­தல் நடத்த முயற்சி நடந்­த­தாக கரப்­பான் பூச்சி ஜனதா கட்சி அமைப்­பா­ளர் அபி­ஷித் திப்கே குற்­றம்­சாட்டி உள்­ளார். மேலும், சோனம் வாங்­சுக் மருத்­து­வ­ம­னைக்கு வலுக்­கட்­டா­ய­மா­கக் கொண்டு செல்­லப்­பட்­ட­தைத் தொடர்ந்து தான் கால­வ­ரை­ய­றை­யற்ற உண்­ணா­வி­ர­தப் போராட்­டத்தை தொடங்­கு­வ­தா­க­வும் அவர் அறி­வித்­துள்­ளார்.