காஞ்சிபுரம், ஜூலை. 19–
இருவார சுற்றுப்பயணத்தைமுடித்துக் கொண்டு லண்டனில் இருந்து இன்று (19-ஆம் தேதி) காலை 7.00 மணியளவில் சென்னை திரும்பும் முன்னாள் முதல் அமைச்சர் - கழகத் தலைவர் தளபதி மு.க.ஸ்டாலின் அவர்களுக்கு காஞ்சிபுரம் வடக்கு மாவட்டக் கழகத்தினர் அனைவரும் சென்னை விமான நிலையத்தில் அலைகடலென திரண்டு வந்து உற்சாக வரவேற்பு அளித்திட வேண்டும் என்று மாவட்டச் செயலாளர் - முன்னாள் அமைச்சர் தா.மோ.அன்பரசன் அன்பு வேண்டுகோள் விடுத்துள்ளார்.
இது குறித்து அவர் வெளியிட்டுள்ள அறிக்கை வருமாறு:-
முன்னாள் முதல் அமைச்சர் - கழகத் தலைவர் மு.க. ஸ்டாலின் அவர்கள் கடந்த 4-ஆம் தேதி காலை இருவார கால சுற்றுப்பயண மாக இலண்டன் புறப் பட்டுச் சென்றார்.அவருடைய மனைவி துர்கா ஸ்டாலின் அவர்களும் அவருடன் சென்றார்.
இருவார கால இலண்டன் பயணத்தை முடித்துக்கொண்டு கழகத் தலைவர் முன்னாள் முதல்வர் மு.க.ஸ்டாலின் அவர்கள் குடும்பத்துடன் இன்று
(19-ஆம் தேதி) காலை 7.00 மணியளவில் தாயகம் திரும்புகிறார்.
சென்னை மீனம்பாக் கத்தில் உள்ள சர்வ தேச விமான நிலையத்தை இன்று காலை வந்தடையும் கழகத் தலைவர் அவர்களுக்கு காஞ்சிபுரம் வடக்கு மாவட்ட தி.மு.க. சார்பில் மேள - தாளம்,பாண்டு வாத்தியம் முழங்க,கழகத்தினர் வாழ்த்தொலியுடன் மிகவும் எழுச்சியான முறையில் வரவேற்பு அளிக்கப்பட உள்ளது.
சென்னை மீனம்பாக்கத் தில் உள்ள சர்வதேச விமான நிலைய முனையத்தை விட்டு வெளியே வரும்நாம் நாளும் உயிராய் போற்றி வணங்கும் நம்முடைய உயிரினும் மேலான அன்புத்தலைவர் அவர்களுக்கு காஞ்சி வடக்கு மாவட்ட தி.மு.க. சார்பில் அளிக்கப்பட உள்ள பிரம்மாண்டமான வரவேற்பில்
காஞ்சிபுரம் வடக்கு மாவட்டம் முழுவதிலும் இருந்து கழகத்தினர் அனைவரும் தமது கரங்களில் கழகக் கொடியையும், வரவேற்பு பதாகைகளையும் ஏந்தி ஆயிரக்கணக்கில் அலைகடலென திரண்டு வந்து விண்ணைப் பிளக்கும் வகையில் வாழ்த்து முழக்கங்களை எழுப்பி மிகப் பிரம்மாண்டமான வரவேற்பு அளிக்க வேண்டும் என்று இருகரம் கூப்பி அன்புடன் அழைக்கிறேன்.
இந்த மாபெரும் வரவேற்பில் நாம் பங்கேற்பது “நமது கடமை”,”நமது உரிமை” என்ற அந்த இலட்சிய உணர்வோடு கழகத்தினர் அனைவரும் நாளை காலை 7.00 மணிக்கெல்லாம் அணி திரண்டு வந்து மகிழ்ச்சியுடன் வரவேற்பு அளிக்க வேண்டும் என்று அன்புடன் கேட்டுக்கொள்கிறேன்.
இவ்வாறு முன்னாள் அமைச்சர் தா.மோ.அன்பரசன் அறிக்கையில் கூறியுள்ளார்.