புதுடெல்லி, ஜூலை 19–
தமிழ்நாட்டில் இடைத்தேர்தல் இப்போதைக்கு கிடையாது என்று தலைமை தேர்தல் ஆணையர் திட்டவட்டமாக தெரிவித்துள்ளார்.
இந்திய தேர்தல் ஆணையத்தின் சார்பில் இரண்டு நாள் மாநாடு டெல்லியில் நடைபெற்றது. முதல் நாள் கூட்டத்தில் பல்வேறு முக்கிய ஆலோசனைகள், அதாவது தேர்தல் நடைபெறும் விதிமுறைகள் உட்பட அனைத்து தொடர்பாகவும் ஆலோசனை நடத்தப்பட்டது.
தமிழ்நாட்டில் காலியாக இருக்கும் தொகுதிகளுக்கு எப்போது இடைத்தேர்தல் நடத்தப்படும் என்று செய்தி யாளர்கள் தரப்பில் இந்திய தலைமை தேர்தல் ஆணையர் ஞானேஷ் குமாரிடம் கேள்வி எழுப்பப்பட்டது.
அதற்கு பதில் அளித்த இந்திய தலைமை தேர்தல் ஆணையர், தமிழ்நாட்டில்காலியாக இருக்கும் தொகுதிகளுக்கு இடைத்தேர்தல் நடத்துவது தொடர்பாக தற்போது எந்தவித
ஆலோசனையும் மேற்கொள்ள வில்லை என்று தெரிவித்தார். தமிழ்நாட்டில் காலியாக இருக்கும் தொகுதிகள் தொடர்பாக தேர்தல் வழக்குகள் அனைத்தும் நீதிமன்றத்தில் நிலுவையில் உள்ளதால், அதனை கருத்தில் கொள்ள வேண்டிய சூழ்நிலை இருப்பதாகவும் தலைமைத் தேர்தல் ஆணையர் கூறினார்.