மாதவரம், ஜூலை 20–
தமிழ்நாடு முன்னாள் முதலமைச்சர் தளபதி மு. க. ஸ்டாலின் அவர்களின் ஆணைப்படி வார்டு எண்கள் 16 மற்றும் 19 இல் பொதுமக்கள் மழைக்காலத்தில் சந்திக்கும் பேரிடர்களை களைய ரூபாய் 3.50 கோடி செலவில் கட்டப் படவிருந்த மழைக்கால நிவாரண மையத்திற்கான ஒப்பந்தத்தை ரத்து செய்ததை நிறுத்தி வைத்து மீண்டும் பணிகளை துவக்க கோரி பெருநகர சென்னை மாநகராட்சி மண்டல அலுவலரிடம் திமுகவினர் மனு அளித்தனர்.
பெருநகர சென்னை மாநகராட்சி மாதவரம் சட்டமன்ற தொகுதிக்குட்பட்ட 16 மற்றும் 19வது வார்டுகளில் மாண்புமிகு தமிழ்நாடு முன்னாள் முதலமைச்சர் தளபதி மு. க. ஸ்டாலின் அவர்களின் அறிவார்ந்த ஆலோசனையின் பேரில் 16 வது வார்டுக்கு உட்பட்ட கன்னியம்மன் பேட்டை, கன்னியம்மன் பேட்டை 2, சத்திரமேடு, கடப்பாக்கம், காமராஜபுரம், ஆண்டார்குப்பம், துவாரகா நகர், குளக்கரை, மணலி புதுநகர், எலந்தனூர், சடையங்குப்பம், பர்மா நகர், இருளர் காலனி ஆகிய பகுதிகளிலும் 19வது வட்டத்திற்குட்பட்ட அனைத்து பகுதிகளிலும் மழைக்காலங்களில் பேரிடர்கள் ஏற்படும் நேரத்தில் மழை நீர் சூழ்ந்து பாதிக்கப்படும் மக்களை தங்க வைப்பதற்காகவும் அவர்களுக்கு என்று உணவு தயாரிப்பதற்காகவும் தனியாக மழை கால நிவாரண மையங்கள் அமைக்க ரூபாய் 3.50 கோடி செலவில் கட்டுமான பணிகள் துவங்கப்பட திராவிட மாடல் அரசில் ஒப்பந்தம் விடப்பட்டது.
பணிகள் துவங்குகின்ற நேரத்தில் ஆட்சி மாற்றம் ஏற்பட்ட காரணத்தினால் பொதுமக்களின் நலனில் சிறிது மக்கள இல்லாமல் இப்பொழுது நடைபெறுகின்ற இந்த அரசு மேற்படி மழைக்கால நிவாரண மையத்திற்கான ஒப்பந்தங்களை ரத்து செய்துள்ளதாக அறிகிறோம். நாமும் விசாரித்த வகையில் திராவிட மாடல் ஆட்சி காலத்தில் தொடங்கப்பட்ட திட்டம் என்பதால் அதை ரத்து செய்தது உண்மை என்று தெரிகிறது.
வார்டு 16 மற்றும் 19 பகுதிகளில் அடங்கிய கிராமங்களில் வசிக்கக்கூடிய மக்கள் ஏழ்மை நிலையிலும் தினசரி வேலை செய்து பிழைப்பு நடத்தக்கூடிய நடுத்தர குடும்பத்தைச் சார்ந்தவர்கள். மழை வெள்ள காலங்களில் எப்பொழுதெல்லாம் இந்த பகுதி மக்கள் பாதிக்கப்படுகிறார்களோ அப்பொழுதெல்லாம் முன்னாள் முதலமைச்ச ராக இருந்த அன்பு அண்ணன் தளபதி அவர்கள் நேரடியாக வருகை தந்து இந்த பகுதி மக்களை சந்தித்து ஆறுதல் தெரிவித்து அடிப்படை வசதிகளை செய்து கொடுத்தார். மாண்புமிகு தமிழ்நாடு துணை முதலமைச்சர் ஆக இருந்த எதிர்க்கட்சித் தலைவர் உதயநிதி ஸ்டாலின் அவர்களும் மேற்படி பதினாறாவது வார்டுக்கு உட்பட்ட பகுதிகளில் நேரடியாக வருகை தந்து பேரிடர் காலங்களில் நிவாரண உதவிகளை வழங்கினார். அதன் அடிப்படையில் தான் மழைக்காலங்களில் பாதிக்கப்படும்போது அவர்களுக்கென உணவு தயாரிக்க குழந்தைகள் மற்றும் பொதுமக்கள் மகளிர்கள் தங்குவதற்காக நிவாரணம் ஐயா கட்டிடங்கள் கட்ட உத்தரவிட்டிருந்தார்.
ஆட்சி மாற்றம் ஏற்பட்ட உடன் இப்பணிகளை துவங்காமல் ஒப்பந்தத்தை உடனடியாக ரத்து செய்ததை அறிந்து நாங்கள் அதிர்ச்சியுற்றோம். பொது மக்களின் நலனில் அக்கறையோடு துவங்கப்பட்ட இந்த திட்டம் முடக்கப்படுவதை திராவிட முன்னேற்ற கழகம் சார்பில் நாங்கள் வன்மையாக கண்டிப்பதோடு இந்த பணிகள் உடனடியாக துவங்க தாங்கள் ஆவண செய்ய வேண்டும் என்றும் இப்பணிகள் தொடர்ந்து நடைபெற்று மழைக்கால நிவாரண மையங்கள் அமைக்கப்படும் பட்சத்தில் பொதுமக்களின் கோரிக்கைகளும் அவர்களின் தேவைகளும் மழைக்காலத்தில் பூர்த்தி ஆகும் என்பதையும் வலியுறுத்தி மாதவரம் வடக்கு பகுதி செயலாளர் புழல் எம் நாராயணன் பெருநகர சென்னை மாநகராட்சி மண்டலம் 2 அலுவலர் திரு பத்மநாபன் அவர்களை நேரில் சந்தித்து நிறுத்தப்பட்ட ஒப்பந்தத்தினை மீண்டும் ஒப்பந்தம் கோரி மழைக்கால நிவாரண மையங்கள் அமைக்க வேண்டும் என்று கோரிக்கை மனுவை அளித்தார். 19–வது வட்டச் செயலாளர் மாத்தூர் கா. தாமரைச்செல்வன், 16வது வட்டச் செயலாளர் இ. கண்ணப்பன், சடையங்குப்பம் முன்னால் கிராம செயலாளர் நைனியப்பன் உடன் இருந்தார். மேற்படி மனுவின் மீது நடவடிக்கை எடுத்து உடனடியாக பணிகள் துவங்க பரிசீலிப்பதாக மண்டல அலுவலர் உறுதி அளித்தார்.