புதுடெல்லி, ஜூலை20 –

நாடாளுமன்ற மழைக்காலக் கூட்டத்தொடர் நாளை தொடங்கி, ஆகஸ்ட் 13-ம் தேதி வரை நடை பெறவுள்ளது. நாடாளுமன்றத்தின் இரு அவைகளும் மொத்தம் 19 அமர்வுகளாக இந்தக் கூட்டத்தொடர் நடைபெற உள்ளது.

நீட் தேர்வு குளறுபடிகள், பெட்ரோல், டீசல் விலை உயர்வு மற்றும் அத்தியாவசியப் பொருட் களின் விலைவாசி உயர்வு, மாநிலங்களின் உரிமைகள் பறிக் கப்படுவது, நிதிப் பகிர்வு மற்றும் தமிழகத்திற்கு எதிரான மேகதாது அணை விவகாரம் போன்றவற்றை தி.மு.க. உள்ளிட்ட எதிர்க்கட்சிகள் எழுப்பத் திட்டமிட்டுள்ளன.

இதனையொட்டி, தி.மு.க. தலைவர் மு.க.ஸ்டாலின் அவர்கள் தலைமையில், தி.மு.க. நாடாளு மன்ற உறுப்பினர்கள் கூட்டம் காணொலிக் காட்சி வாயிலாக நடைபெற்றது.

மேகதாது அணை விவகாரத் தில் தமிழ்நாட்டு விவசாயிகளின் உரிமைகளை நிலைநாட்டிட நடுவர் மன்றம் அமைத்திட வலியு றுத்தி இக்கூட்டத்தில் தீர்மானம்நிறைவேற்றப்பட்டது. தமிழ்நாட்டின்நலன்களைப் பாதுகாக்கின்ற வகையிலும் – மாநில உரிமை களைக்காக்கின்ற வகையிலும், தமிழ்நாட்டுமக்களின் உணர்வாக தி.மு.க. எம்.பி.க்களின் குரல் நாடாளுமன்றத்தின் இரு அவை களிலும் ஒலித்திடும் என்றும் மற்றொரு தீர்மானமும் இக்கூட்டத் தில் நிறைவேற்றப்பட்டது.

இந்நிலையில், மேகதாது அணைபிரச்சினையை நாடாளுமன்றத்தில் விவாதிக்க வேண்டும் என தி.மு.க. சார்பில் நோட்டீஸ் அளிக்கப்பட்டுள் ளது. தி.மு.க. மக்களவை குழுத்தலைவர் டி.ஆர்.பாலு இந்த நோட்டீசை அளித்துள்ளார்.