சமூகச் செயற்பாட்டாளர் சோனம் வாங்சுக் உண்ணா நிலைப் போராட்டத்தை ஒன்றிய ஏகாதிபத்திய அரசு பிரித்தானிய ஆட்சிக் காலத்தில் பின்பற்றப்பட்ட ஒடுக்குமுறையைப் பயன்படுத்தி உண்ணாநிலை களத்தில் அவரை கட்டாயப்படுத்தி மருத்துவமனையில் அனுமதித்து இருக்கிறது.

இந்த உண்ணா நிலை களத்தைக்

கடந்த இரண்டு வாரங்களாகத்

தமிழ்ச் செய்தி ஊடகங்கள்

இருட்டடிப்புச் செய்தன.

கடந்த சில நாட்களில் கடைசிப் பக்கச் செய்தியாக வெளி யிட்டுத் தங்களின் ஜனநாயக இருப்பைக் காட்டிக்கொண்டன.

ஆனால் ஆங்கில இந்து நாளிதழ் ஜனநாயகத்தின் மனச் சான்றாகத் திகழ்ந்தது.

சோனம் செய்திகளை

முதன்மைப்படுத்தியது.

ஊடகத்தின் கடமையைச் செவ்வனே செய்தது.

கீழே உள்ள இரண்டு படங்களும் காலம் தோறும் நினைத்துப் போற்றக்கூடிய மிகச் சிறந்த கருத்தோவி யங்கள்.

மனச் சான்று இல்லாமல் முழு அளவில்

ஆளும் கட்சிகளின் ஊது குழலாகவே

மாறிவிட்ட செய்தி ஊடகங்களின்

கொஞ்சம் மீதியிருக்கும் மனச் சான்றினை இந்த ஓவியங்கள் ஓரளவுக்கு உறுத்தியிருக்கலாம்.

இன்று ஜூலை ஆங்கில 18 இந்து நாளிதழின் முதல் பக்கத்தில்

எடுத்துக்கொண்ட கொள்கைக்காக

இன்னுயிரைத் தர விரும்பும்

சோனத்தின் சில வரிகள் நாட்டை

ஆள்வோரின் கவனத்திற்குச் சென்று இருக்க வேண்டும்.

இதனால் தான் சோனம் கட்டாயப்படுத்தி

மருத்துவமனையில் அனுமதிக்கப்பட்டுள்ளார்.

சோனம் கூறியது என்ன?

“ஆம், நான் இன்னும் உயிரோடு இருக்கிறேன்.

20 விழுக்காடு எனது உடல் சரிந்து விட்டது.

உடலில் கொழுப்புக்கள் கரைந்து தசைகளும் காணாமல் போய்விட்டன.

இதன் பிறகு எனது உடல் உறுப்புகள் போய்விடும்.

இறுதியில் எனது மூளை செயலிழந்து விடும்.

அதற்குரிய நேரம் இன்னும் வரவில்லை.”

(Yes, I am still alive.Twenty percent of my body is gone. After fats , muscles are gone. After that, organs will go.Finally, the brain. The time has not come yet.)

திருவள்ளுவர் 2000 ஆண்டுகளுக்கு முன்பு உண்ணாநிலை பற்றிக் குறிப்பிட்டுள்ளார்.

“உண்ணாது நோற்பார் பெரியர்

பிறர் சொல்லும்

இன்னாச் சொல் தோற்பாகின் பின்”

– குறள் 160

பிறர் சொல்லும் கொடிய சொற்களைப்

பொறுத்துக் கொண்டு இருப்பவர்களுக்கு

அடுத்த நிலையில் தான்,

உணவு உட்கொள்ளாமல் நோன்பு இருக்கும்

பெரியவர்கள் கூட வைத்து

எண்ணப்படுவார்கள். (நாவலர் உரை)

கொண்ட கொள்கைக்காக ஒன்றிய அரசு பின்பற்றும் கொடியச் செயலைப்

பொறுத்துக் கொண்டு, தூற்றல்களைப் பொருட்படுத்தா மல் உண்ணாநிலையை மேற்கொண்டிருக்கும்

சோனம், வள்ளுவர் குறிப்பிட்ட இரண்டு

செயல்களிலும் இன்று முன்னவராக

உள்ளார் என்பதுதானே உண்மை.

ஒன்றிய அரசிடம் குவிந்து இருக்கும் அளவுக்கு மீறிய அதிகாரம் ஜனநாயகத்தைச் சீர்குலைத்துப் பல பெரியவர்களின் உயிரைப் பறித்து இருக்கிறதல்லவா!

ஆந்திரா பிரிவினையை வலியுறுத்தி

உண்ணாநிலை மேற்கொண்ட பொட்டி சீறிராமலு,

தமிழ் நாடு என்று பெயரிட வேண்டும் என்று உண்ணாநிலை மேற்கொண்ட திரு.சங்கரலிங்கம் ஆகியோர்

இறந்த பின்பு தானே,

மொழி வழி மாநிலங்கள்1956 ஆம் ஆண்டிலும்,

1967 ஆம் ஆண்டில் அறிஞர் அண்ணா தமிழ்நாடு என்று பெயரிட்ட வரலாற்று நிகழ்வும் நடந்தேறின.

ஒன்றிய பா.ஜ.க. சர்வாதிகார ஆட்சியும்

மக்களால் தூக்கி எறியப்படும்.

நீட் தேர்வும் தூக்கி வீசப்படும்.

இளைஞர்கள் களம் வெல்லும்.

மக்கள் ஜனநாயகம் ஓங்கி ஒலிக்கும்!