கோவை, ஜூலை 21–
கடந்த கால திராவிட மாடல் ஆட்சியில் முத்துவேல் கருணாநிதி ஸ்டாலின்அவர்கள் கோயம்புத்தூரில் ஒரு நூலகம் அமைக்க வேண்டும் என்று முடிவுசெய்து அந்த நூலகத்திற்கு பெரியார்அறிவு உலகம் என்ற பெயரை சூட்டி அவரின் திருக்கரத்தால் 6.11.2024 அன்று இந்தப் பணியை துவக்கி வைத்தார்கள்.
ரூபாய் 245 கோடி மதிப்பீட்டில் இந்த நூலாகத்தின் கட்டிடமும் 50 கோடி ரூபாய் மதிப்பீட்டில் புத்தகங்களும் 5 கோடி ரூபாய் மதிப்பீட்டில் கணினி உள்ளிட்டவைகளை சேர்த்து 300 கோடி ரூபாய் மதிப்பீட்டில் 1,98,000 சதுர அடி பரப்பளவில் தரை தளம் உட்பட ஏழு தளங்களுடன் கட்டிடம் கட்டப்பட்டு உள்ளது.
இந்த தந்தை பெரியார் நூலகம் மற்றும் அறிவியல் மையத்தில், தரைத்தளத்தில் ஆடிட்டோரியம் மற்றும் அறிவியல் மையம் அமைக்கப்பட்டு உள்ளது. முதல் தளத்தில் அறிவியல் மையம், இரண்டாம் தளத்தில் குழந்தை
களுக்கான நூலகம் மற்றும் போட்டி தேர்வுகளுக்கான நூலகம், மூன்றாம் தளத்தில் மாற்றுத்திறனாளி களுக்கான நூலகம் மற்றும் தலைமை நூலகர் அலுவலகம். 4-ம் தளத்தில் தமிழ் புத்தகப்பிரிவு மற்றும் சொந்த புத்தகம் படிக்கும் பிரிவு, ஐந்தாம் தளத்தில் தமிழ்புத்தகப்பிரிவு மற்றும் இன்குபேஷன் சென்டர், 6-ம் தளத்தில் பருவ இதழ்கள்மற்றும் இன்குபேஷன் சென்டர், 7வது தளத்தில் அறிவியல் மையம், ஆங்கில புத்தகப்பிரிவு மற்றும் டிஜிட்டல் நூலகம் ஆகியவை அமைக்கப்பட உள்ளன. 4 மின் தூக்கிகள், 10 கேஎல்டி கழிவுநீர் சுத்திகரிப்பு நிலையம், பேனல் அறை. குடிநீர் மற்றும் கழிவறை வசதி உள்ளிட்ட பல்வேறு வசதிகள் ஏற்படுத்தப்பட்டு இருக்கிறது.
மேலும், புத்தகங்கள் மற்றும் இ-புத்தகங்கள் என சுமார் ரூ.50 கோடிக்கும். கணினி, இதர உபகரணங்கள் மற்றும் தொழில்நுட்ப உள்கட்டமைப்பு வசதிகள் ரூ.5 கோடிக்கும் செய்யப்பட உள்ளது. இந்த பெரியார் நூலகம் கட்டிடமானது கடந்த ஜனவரி மாதத்தில் திறக்க நடவடிக்கை எடுக்கப்பட்டது.
பின்னர், கட்டுமான பணிகள் முடியாத நிலையில், பணிகளை விரைந்து முடிக்க உத்தரவிடப்பட்டது. இதற்கிடையில், ஆட்சி மாற்றம் ஏற்பட்ட நிலையில், நூலகம் கட்டுமான பணிகளில் தொய்வு ஏற்பட்டது. கடந்த மே மாத இறுதியில் அமைச்சர் ஆய்வு மேற்கொண்டு விரைவில் பெரியார் நூலகம் திறக்கப்படும் என தெரிவித்தார்.
இந்நிலையில், கட்டிடத்தின் கட்டுமான பணிகள் முடிந்த நிலையில், எலட்ரிக் தொடர்பான சில பணிகள் மட்டுமே இருப்பதாக கூறப்படுகிறது. தவிர, நூலகத்திற்கு என சுமார் 80 ஆயிரம் புத்தகங்கள் வந்துள்ளது. இவையும் தயார்நிலையில் இருக்கிறது. ஆனால், பெரியார் அறிவுலகம் கட்டிடம் திறப்பதற்கான எவ்வித அறிவிப்பும் தற்போது வரை வரவில்லை. இதனால், அதிகாரிகள்கட்டிட கட்டுமான பணிகளை ஆமைவேகத்தில் மேற்கொண்டு வருகின்றனர். ஒரு வாரத்தில் முடிக்க வேண்டிய பணிகளை முடிக்காமல், அரசின் அறிவிப்பிற்காக காத்திருக்கின்றனர்.
இந்நிலையில், தமிழ் நாடு தேர்வாணையம் சார்பில் நடத்தப்படும் போட்டித்தேர்வுகள் வரும் ஆகஸ்ட் மாதம் முதல் தொடர்ந்து நடக்க உள்ள நிலையில், பெரியார் அறிவுலகம் கட்டிடத்தை விரைந்துதிறக்க வேண்டும் என
இளைஞர்கள் மற்றும் போட்டித்தேர்வுக்குத் தயாராகி வரும் தேர்வர்கள் கோரிக்கைவிடுத்துள்ளனர்.
இதுகுறித்து அதிகாரிகள் கூறுகையில், “கட்டுமானபணிகள் முடிந்து விட்டது. மிக சிறிய அளவிலான பணிகள் மட்டுமேமேற்கொள்ள வேண்டியுள்ளது.மின்சாதனங்கள் தொடர்பான பணிகள் செய்யப்பட்டு வருகிறது. நூலகத்திற்குதேவையான புத்தகங்கள் வந்துள்ளது. ஆனால், நூலகம் திறப்புக்கான தேதி அறிவிக்கவில்லை. முதல்வரின் தேதிக்காக காத்திருக்கிறோம். அவர்கள் தேதி அறிவித்தால் உடனே திறக்க தயாராக இருக்கிறோம்” என்றனர்.