1980-
ஆம் ஆண்டு ஜூலை மாதம் இருபதாம் தேதி மதுரை ஜான்சி ராணி பூங்காவில் தி.மு.க. இளைஞர் அணியின் துவக்க விழாவை முத்தமிழறிஞர் கலைஞர் தொடக்கி வைத்தார். இந்திய அரசியல் வரலாற்றிலேயே ஒரு அரசியல் கட்சி அதன்; இளைஞர் அணியை அன்றுதான் முதன் முதலில் தோற்றுவித்தது.
1831-ம் ஆண்டு ஜூலை மாதத்தில் ஒருநாள் பிரான்ஸ்நாட்டில் இளைஞர்கள் சிலர்; ஓர் அமைப்பை உருவாக்கினார்கள். மிகச் சிறந்த சிந்தனையாளர், எழுத்தாளர் ஜோசப் மாஜினியின் தலைமையில் அவரது மாணவன் ஜோசப் கரிபால்டி உள்ளிட்ட இளைஞர்கள் கூடி புரட்சி அமைப்பை உருவாக்கினார்கள். அமைப்புக் கூட்டம் நடந்த அறையில் ‘இளைய இத்தாலி “
(Young Italy)
என்ற பதாகை மின்னியது.
அதுபோல சமத்துவ, சகோதரத்துவ, ஜனநாயக, சமூக நீதி காக்கும் கழகத்தின் இளைஞர் அணி தொடங்கப்பட்ட போது மேடையில் ‘தி.மு.க. இளைஞர் அணி” என்ற பதாகை மின்னியது.
தன்னுடைய 14-ம் வயதில் கோபாலபுரத்தில் 1967-ம் ஆண்டு ‘இளைஞர் தி.மு.க.” வைத் தொடங்கி இளம் வயதினரை கழகத்தின்பால் ஈர்த்த நமது கழகத் தலைவர் 1980-ல் இளைஞர் அணிக்குத் தலைமைப் பொறுப்பேற்றார்.
நம் தாய்நாட்டு இளைஞர்களே! வாருங்கள் நம் கொடியைப் பட்டொளி வீசிப் பறக்கச் செய்து நம் இனப்படையை வழிநடத்த வாருங்கள்! என்று அன்றைக்கு கரிபால்டி அழைத்தார்.
இன்பத் தமிழ்நாட்டு இளைஞர்களை இயக்கத்தில் சேர நம் தலைவர் அழைத்தார்.
ஆரம்பத்தில் கழகத் தலைவர், திருச்சி சிவா, பரிதி இளம்வழுதி, தாரை மணியன், வாலாஜா அசேன் ஆகிய ஐந்து பேர் கொண்ட அமைப்புக் குழு உருவாக்கப்பட்டது. பின்னர் முகவை பஞ்சவர்ணம், நெல்லை ஜெயம் ஜீலியஸ் ஆகியோரோடு ஏழு பேர் கொண்ட குழுவாக இயங்கியது. அந்தக் குழு
மாவட்டம் தோறும் சென்று இளைஞர் அணிக்கு உணர்வுள்ள இளைஞர் பட்டாளத்தை தேர்வு செய்தது.
தமிழக இளைஞர்களைக் கவர்ந்திழுத்து மாபெரும் கொள்கைக் கூட்டமாக இளைஞர் அணியினை கழகத் தலைவர்
உருவாக்கினார்.
2019 ஜ{லை மாதம் 4ஆம் தேதி உதயநிதி ஸ்டாலின் அவர்கள் இனைஞர் அணிச் செயலாளராகப் பொறுப்பேற்றுக் கொண்டதிலிருந்து இளைஞர் அணியின் எழுச்சி மிகுந்த இரண்டாவது அத்தியாயம் தொடங்கியது. இளைய சமுதாயத்தின் எழுச்சி முழக்கத்தில் கழகக் கொடி கம்பீரமாகப் பறக்கத் தொடங்கியது.
இனம் காக்கும் கழகத்தின் துணை ராணுவம்;;
அண்ணா அறிவாலயத்தின் ஆயுதக் கிடங்கு!
தி.மு.க. இளைஞர் அணி வெல்லட்டும்!