புது­டெல்லி, ஜூலை 21–

ஒன்­றிய அர­சின் சமக்ரா சிக்ஷா திட்­டத்­தின் கீழ் தமிழ்­நாட்­டிற்கு வழங்­கப்­பட வேண்­டிய ரூ.3,284 கோடி நிதியை ஒன்­றிய அரசு நிறுத்தி வைத்­துள்­ள­தற்­கான கார­ணங்­கள் என்ன? என்­றும் நிதி­வி­டு­விப்பு தாம­தத்­தால் ஆசி­ரி­யர்­கள் மாண­வர்­க­ளுக்கு ஏற்­ப­டும் பாதிப்பை ஒன்­றிய கல்வி அமைச்­ச­கம் கருத்­தில் கொண்­டுள்­ளதா என்­றும் நாடா­ளு­மன்­றத்­தில் ஒன்­றிய கல்­வித் துறை அமைச்­சர் திரு.தர்­மேந்­திர பிர­தான் அவர்­க­ளி­டம் கழக நாடா­ளு­மன்­றக் குழுத் துணைத் தலை­வ­ரும் மத்­திய சென்னை நாடா­ளு­மன்ற உறுப்­பி­ன­ரு­மான தயா­நிதி மாறன் பல கேள்­வி­களை எழுப்­பி­யுள்­ளார்.

அதன் விவ­ரங்­கள் பின்­வ­ரு­மாறு:

சமக்ரா சிக்ஷா திட்­டத்­தின் கீழ் தமிழ்­நாட்­டிற்கு வழங்­கப்­பட வேண்­டிய ரூ.3,284 கோடி நிதியை ஒன்­றிய அரசு நிறுத்தி வைத்­துள்­ளதா? நிறுத்தி வைத்­தி­ருந்­தால் அதற்­கான கார­ணங்­கள் என்ன?

சமக்ரா சிக்ஷா நிதி விடு­விப்பு என்­பது தேசி­யக் கல்­விக் கொள்கை (NEP) 2020 அல்­லது ஒன்­றிய அர­சின் மும்­மொ­ழிக் கொள்கை திட்­டத்­தைச் செயல்­ப­டுத்­து­வ­து­டன் இணைக்­கப்­பட்­டுள்­ளதா? மேலும், ஒன்­றிய அர­சால் நிதி­யு­தவி அளிக்­கப்­ப­டும் ஒரு திட்­டத்­தின் மீது இத்­த­கைய நிபந்­த­னை­களை விதிப்­ப­தற்­கான சட்­டப்­பூர்­வ­மான அடிப்­படை உள்­ளதா?

நிதி விடு­விப்பு தாம­தத்­தால் தமிழ்­நாட்­டில் ஆசி­ரி­யர்­க­ளின் ஊதி­யம், பள்ளி உள்­கட்­ட­மைப்பு வசதி, மாண­வர் நலத் திட்­டங்­கள் மற்­றும் கற்­றல் விளை­வு­கள் ஆகி­ய­வற்­றின் மீது ஏற்­ப­டும் பாதிப்­பை­யும், தாக்­கத்­தை­யும் அமைச்­ச­கம், மதிப்­பீடு செய்­துள்­ளதா? அவ்­வா­றெ­னில்,அதன் விவ­ரங்­கள் என்ன?

இதே போன்ற நிபந்­த­னை­கள், மற்ற மாநி­லங்­கள் மீதும் விதிக்­கப்­பட்­டி­ருந்­தால், மாநில வாரி­யாக அதன் விவ­ரங்­கள் என்ன?

லட்­சக்­க­ணக்­கான மாண­வர்­க­ளின் கல்வி நல­னைக் கருத்­தில் கொண்டு, மாநில அர­சு­ட­னான கொள்கை ரீதி­யான கருத்து வேறு­பா­டு­களை பார்க்­கா­மல், நிலு­வை­யில் உள்ள நிதியை, ஒன்­றிய அரசு எவ்­வித நிபந்­த­னை­யு­ மின்றி உட­ன­டி­யாக விடு­விக்­குமா? அவ்­வா­றெ­னில் ஒன்­றிய அரசு மேற்­கொண்ட நட­வ­டிக்­கை­கள் என்ன?

இவ்­வாறு தயா­நி­தி­மா­றன் கேள்வி எழுப்­பி­னர்.