#Title

திருவள்ளூர் மாவட்டம் திருநின்றவூர் அருகே உணவகத்தில் சிறுவர்கள், மாற்றுத்திறனாளி மீதும் கைநீட்டிய த.வெ.க. நிர்வாகிகள்! கொடூர தாக்குதல் நடத்தியவர்கள் மீது ஏன் இன்னும் வழக்குப் பதிவு இல்லை?

திருவள்ளூர், ஜூலை 21:-

திருவள்ளூர் மாவட்டம், திருநின்றவூர் அருகே நெமிலிச்சேரியில் ஹோட்டலில் உணவு அருந்திக் கொண்டிருந்த மூன்று சிறுவர்கள் மீது தமிழக வெற்றிக் கழக (த.வெ.க.) நிர்வாகிகள் சரமாரியாக தாக்குதல் நடத்தியதாக வெளியாகியுள்ள குற்றச்சாட்டு பெரும் அதிர்ச்சி யையும் பரபரப்பையும் ஏற்படுத்தியுள்ளது. இந்தச் சம்பவத்தின் சிசிடிவி காட்சிகள் வெளியாகியுள்ள நிலையிலும், காவல்துறையின் நடவடிக்கை தாமதமாக இருப்பதாக கூறப்படுவது பல்வேறு கேள்விகளை எழுப்பியுள்ளது.

கிடைத்த தகவலின்படி, த.வெ.க. பூவை கிழக்கு ஒன்றிய செயற்குழு உறுப்பினர் ரவிக்குமார், 3-வது வார்டு பொருளாளர் யாபேஸ், 2-வது வார்டு கிளைச் செயலாளர் வினோத் குமார் உள்ளிட்டோர் இணைந்து, ஹோட்டலில் அமர்ந்து உணவு சாப்பிட்டுக் கொண்டிருந்த மூன்று சிறுவர்களை யும், அவர்களுடன் இருந்த புஷ்பராஜ் என்பவரையும் தாக்கியதாக கூறப்படுகிறது. தாக்குதலில் புஷ்பராஜுக்கு காது பகுதியில் காயம் ஏற்பட்டதாகவும் தெரிவிக்கப்படுகிறது.

இதில் மேலும் அதிர்ச்சியளிக்கும் வகையில், சம்பவத்திற்குப் பிறகு நள்ளிரவில் புஷ்பராஜின் வீட்டிற்கே சென்று, அவர் மாற்றுத்திறனாளி என்பதையும் பொரு ட்படுத்தாமல் இரும்புக் கம்பியால் தாக்கியதாகவும் குற்றச்சாட்டு எழுந்துள்ளது. பலத்த காயமடைந்த அவர் திருவள்ளூர் அரசு மருத்துவமனையில் சிகிச்சை பெற்று வருவதாக தகவல் வெளியாகியுள்ளது.

இந்தக் கொடூரத் தாக்குதல் சம்பவம் முழுவதும் சிசிடிவி காட்சிகளில் பதிவாகியுள்ளதாக கூறப்படும் நிலையில், பாதிக்கப்பட்ட தரப்பினர் திருநின்றவூர் காவல் நிலையத்தில் புகார் அளித்தும், 24 மணி நேரத்திற்கும் மேலாக வழக்குப் பதிவு செய்யப்படவில்லை என குற்றம்சாட்டுகின்றனர். அதற்கு பதிலாக ஆவடி காவல் ஆணையரகத்தின் கீழ் அதிகாரிகள் “பேச்சுவார்த்தை” நடத்தி வருவதாக தகவல்கள் வெளியாகியுள்ளன.

சட்டம் அனைவருக்கும் சமமா? அல்லது ஆளுங்கட்சியினருக்கு மட்டும் தனி சலுகையா? என்ற கேள்வி பொதுமக்கள் மத்தியில் எழுந்துள்ளது. சிசிடிவி ஆதாரம் இருந்தும் வழக்குப் பதிவு செய்ய தாமதம் ஏன்? தாக்குதலில் சிறுவர்களும், மாற்றுத்திறனாளியும் பாதிக்கப்பட்டிருக்கும் நிலையில் காவல்துறையின் மெத்தனப் போக்கு யாரைக் காப்பாற்றுகிறது என்ற சந்தேகமும் வலுத்துள்ளது.

சமூக ஆர்வலர்கள் குற்றச்சாட்டு: த.வெ.க. நிர்வாகிகள் மீது குற்றச்சாட்டுகள் எழுந்தால், காவல்துறை உடனடி நடவடிக்கை எடுக்காமல் காலம் தாழ்த்துவதாகவும், சட்டத்தின் ஆட்சி பாதிக்கப்படுவதாகவும் பொதுமக்கள் குற்றம்சாட்டு கின்றன.

பாதிக்கப்பட்டவர்கள் அளித்துள்ள புகாரின் அடிப்படையில் உடனடியாக வழக்குப் பதிவு செய்து, சிசிடிவி ஆதாரங்களை ஆய்வு செய்து, குற்றச்சாட்டுக்கு உள்ளானவர்கள் மீது சட்டப்படி கடுமையான நடவடிக்கை எடுக்க வேண்டும் என்பதே பொதுமக்களின் வலியுறுத்தலாக உள்ளது.