புதுடெல்லி, ஜூலை.21-
தேசிய தேர்வு முகமை நடத்தும் நீட் தேர்வு உள்பட பல தேர்வுகளில் ஏற் பட்ட குளறுபடிகளுக்குப் பொறுப்பேற்று ஒன்றிய கல்வி அமைச்சர் தர்மேந் திர பிரதான் ராஜினாமா செய்ய வலியுறுத்தி டெல்லி ஜந்தர் மந்தரில் கரப்பான் பூச்சி ஜனதா(சிஜேபி) கட்சியினர் போராட்டம் நடத்தி வருகின்றனர். இந்தப் போராட்டத்தில் பங்கேற்றுள்ள சுற்றுச்சூ ழல் ஆர்வலர் சோனம் வாங்சுக் கடந்த ஜூன் 28ம் தேதி முதல் உண்ணா விரதப் போராட்டத்தை தொடர்ந்து வரும் நிலை யில், நேற்று முன்தினம் அவர் வலுக்கட்டாயமாக அங்கிருந்து வெளியேற்றப் பட்டு மருத்துவமனையில் அனுமதிக்கப்பட்டுள்ளார்.
இந்த நிலையில் நாடாளுமன்றம் நோக்கி நேற்று காலை அமைதிப் பேரணி நடத்தவுள்ளதாக கரப்பான்பூச்சி ஜனதா கட்சி (சிஜேபி) முன்ன தாக அறிவித்திருந்தது. அதன் அடிப்படையில் நேற்று காலை நாடா ளுமன்றத்தை நோக்கி அமைதி பேரணி நடத்த கரப்பான் பூச்சி ஜனதா கட்சியை சார்ந்தவர்கள் புறப்பட்டனர். மேலும் இந்தப் போராட்டத்தில் ஏராளமான மாணவர்கள், பெற்றோர்கள் என 5 ஆயிரத்திற்கும் மேற்பட்டோர் கலந்து கொண்டனர். இதையடுத்து பேரணியாக செல்ல முயன்றவர்களை ஜந்தர் மந்தர் போலீசார் தடுத்து நிறுத்தினர். இதனால் அப்பகுதி முழுவ தும் பரபரப்பான சூழல் நிலவுகிறது. குறிப்பாக பேரணியில் இருந்து கலைந்து போகும்படி போலீசார் றியதால் கரப்பான்பூச்சி ஜனதா கட்சியை சார்ந்தவர்களுக்கும், போலீசாருக்கும் தள்ளுமுள்ளு ஏற்பட் டது. இதனால் பேரணி செல்ல முயன்றவர்கள் மீது போலீசார் தடியடி நடத்தினர். இதில் பலக்கு காயம் ஏற்பட்டது. இதைத் தொடர்ந்து போராட்டக் காரர்கள் போலீசாரின் தடுப்புகளையும் மீறி நாடாளுமன்றத்தை நோக்கி மெல்ல மெல்ல முன்னேறி - வருகின்றனர். இதையடுத்து கரப்பான் பூச்சி ஜனதா கட்சியின்தலைவர் அபீஜித் தீப்கே,”நாங்கள் அமைதியான முறையில், நாடாளுமன்றம் நோக்கி பேரணி செல்ல திட்ட மிட்டுள்ளோம். ஆனால், எங்களுக்கு எதிராக என்ன நடவடிக்கை எடுக்க காவல்துறை திட்டமிட் டுள்ளது என்று தெரியவில்லை. ஜந்தர் மந்தர் அருகே கற்கள் நிரப்பப் பட்ட லாரி ஒன்று நிறுத் திவைக்கப்பட்டிருப்பது பல்வேறு சந்தேகங்களை எங்களுக்கு எழுப்புகிறது” என்றார்.
நாடாளுமன்ற மழைக் கால கூட்டத்தொடர் தொடங்கிய நிலையில் இந்த பேரணி விவகாரம், நாடாளுமன்ற கூட்டத்தின் முதல் நாளில் எழுப்பப்பட உள்ளது. குறிப்பாக சிஜேபியின் இந்த போராட்டத்தால் தலைநகர் டெல்லி முழுவதும் பரபரப்பான சூழல் ஏற்பட்டுள்ளது.
போலீசார் குவிப்பு
கரப்பான்பூச்சி ஜனதா கட்சியினரின் நாடாளு மன்றத்தை நோக்கி செல் லும் பேரணியை தடுக்கும் விதமாக, நாடாளுமன்றம். சென்ட்ரல் செக்கெரட் டேட், பட்டேல் சவுக், ராஜூவ் சவுக், ஜன்பத் ஆகிய பகுதிகள் முழுவ தும் டெல்லி போலீசாரின் முழு கட்டுப்பாட்டுக்குள் வந்துள்ளது. ஒவ்வொரு இடங்களிலும்500க்கும் மேற்பட்ட போலீசார் பாதுகாப்புக்காக நிறுத்தி வைக்கப்பட்டுள்ளனர். அதேப்போன்று அந்த பகுதிகளில் போக்குவரத்தும் முழுமையாக துண்டிக் கப்பட்டுள்ளது. இதனால் காலை நேரத்தில் அலுவ லக பணிக்கு செல்லும் ஆயிரக்கணக்கானோர் மிகுந்த சிரமத்திற்கு உள் ளாகி உள்ளனர்.
மெட்ரோ ரயில் நிலையம் மூடல்
கரப்பான்பூச்சி ஜனதா கட்சியின் பேரணிக்கு அதிகப்படியானோர் கூடாத வகையில் சாலை கள் இரும்பு தடுப்பு வேலிகள் கொண்டு மூடப்பட் டுள்ளது. இருப்பினும் பாதுகாப்பு காரணங்களை அடிப்படையாக கொண்டு சென்ட்ரல் செக்கெரட்டேட், பட்டேல் சவுக், ஜன்பத் ஆகிய மூன்று மெட்ரோ ரயில் நிலையங்களிலும் காலை முதலே ரயில் நிற் கவில்லை. மேலும் ரயில் நிலைய ங்களும் தற்காலிக மாக மூடப்பட்டுள்ளது. இதுதொடர்பான அதிகாரப்பூர்வமான அறிவிப்பு டெல்லி மெட்ரோ ரயில் நிர்வாகத்தின் தரப்பில் இருந்து வெளியிடப்பட்டுள்ளது.
இணையதளம் துண்டிப்பு
கரப்பான்பூச்சி ஜனதா கட்சி நாடாளுமன்றத்தை நோக்கி நடத்தும் பேர ணிக்கு சாரை சாரையாக மக்கள் திரண்டுள்ளனர். இருப்பினும் அதிகப்படியான கூட்டத்தை கூட்ட வேண்டும் என்பதற்காக, பங்கேற்றவர்கள் அனைவரும் செல்போன் மூலம் பல ரையும் பேரணியில் கலந்து கொள்ள அழைத்து வருகின்றனர். இதனால் பிற் பகலுக்கு மேல் தற்போது இருக்கும் கூட்டத்தை விட ஜந்தர் மந்தரில் மக்கள் கூடு வார்கள் என எதிர்பார்க் கப்படுகிறது. இருப்பினும் அதனை கட்டுப்படுத்தும் விதமாக இணையதள தொடர்பு முழுமையாக துண்டிக்கப்பட்டுள்ளது. மேலும் செல்போன்கள் செயல்படாதவாறு ஜாமர் கருவி பொருத்தப்பட்டு உள்ளது.