தூத்துக்குடி, ஜூலை 21–
முதலமைச்சர் விஜய் குறித்து விமர்சித்த விளாத்திகுளம்தி.மு.க.எம்.எல்.ஏமார்க்கண்டேயனை காவல்துறையினர் கைது செய்ததால் பதற்றம் ஏற்பட்டுள்ளது. த.வெ.க. அரசின் அராஜகத்தைகண்டித்துதி.மு.க. வினர் மறியல் போராட்டத்தில் ஈடுபட்டனர்.
கோவில்பட்டியில் கடந்த சனிக்கிழமை நடைபெற்ற பொதுக்கூட்டத்தில், முதலமைச்சர் விஜய் மற்றும் அவரது கட்சி குறித்து மார்க்கண்டேயன் விமர்சித்துபேசினார். இந்நிலையில், விஜய் குறித்து அவதூறாக பேசியதாகக் கூறி, தூத்துக்குடி காவல்துறையினர் நேற்று அதிகாலை தி.மு.க. எம்.எல்.ஏ.மார்க்கண்டேயனை கைது செய்தனர். அப்போது அங்கு திரண்ட தி.மு.க. வினர்,காவல்துறையினரின்அராஜகத்தைக் கண்டித்து முழக்கங்களை எழுப்பினர். பின்னர், காவல்துறையினரின் வாகனத்தை மறித்து, திமுகவினர் சாலை மறியல் போராட்டத்திலும் ஈடுபட்டனர்.
தற்போது, தூத்துக்குடிமாவட்ட காவல்துறை கண்காணிப்பாளர்அலுவலகத்தில், தி.மு.க. எம்.எல்.ஏ மார்க்கண்டேயன் அடைத்து வைக்கப்பட்டுள்ளதாக தகவல் வெளியாகி உள்ளது. சினிமா ஆக்க்ஷன் பாணியில் போலீஸ்ராஜ்ஜியம் நடத்திக் கொண்டிருக்கும் விஜய்க்கு பல்வேறு தரப்பினரும் கடும் கண்டனம் தெரிவித்துள்ளனர். ஏற்கனவே, முன்னாள் அமைச்சர் அனிதாராதாகிருஷ்ணனை, த.வெ.க. அரசு கைது செய்து அராஜகத்தில் ஈடுபட்டது.
ஸ்ரீவைகுண்டம் தவெக எம்எல்ஏ மீதான கூட்டுப் பாலியல் வன்கொடுமை வழக்கில் நடவடிக்கை எடுக்காத த.வெ.க. அரசு, வழக்கறிஞர்கள் நியமனத்திலும் பல நூறு கோடி ஊழல் செய்துள்ளதும் அம்பலமாகி உள்ளது. பழனியில் 100 கோடி ரூபாய் மதிப்பிலான கோயில் நிலம் முறைகேடாக பத்திரப்பதிவு செய்யப்பட்டு மிகப்பெரிய ஊழல் அம்பலமான நிலையில், இது வரை நடவடிக்கை இல்லை.
ஆனால், முதலமைச் சர் குறித்து திமுகவினர் விமர்சனம் செய்தாலே கைது என பழிவாங்கும் நடவடிக்கையில் தவெக அரசு ஈடுபட்டு வருகிறது. தமிழ்நாடெங்கும் சீர்கெட்டுப் போயிருக்கும் சட்டம் - ஒழுங்கை மீட்டெடுக்க காட்டாத வேகத்தை, எதிர்க்கட்சி எம்எல்ஏக்களை கைது செய்வதில் சோஃபா மாடல் அரசு ஆர்வம் காட்டி வருவதாக விமர்சனம் எழுந்துள்ளது.