சென்னை, ஜூலை 21 –

தென்­மேற்கு பரு­வ­மழை பல­வீ­ன­மாக உள்­ள­தால், தமிழ்­நாட்­டின் நீர்­மின் நிலை­யங்­க­ளில் மின்­சார உற்­பத்தி 50 சத­வீ­தம் வரை சரிந்­துள்­ளது. இதன் கார­ண­மாக தமி­ழ­கத்­தில் நிலவி வரும் அறி­விக்­கப்­ப­டாத மின்­வெட்டு, மேலும் அதி­க­ரிக்­கும் அபா­யம் ஏற்­பட்­டுள்­ளது.

தமிழ்­நாட்­டில் உள்ள நீர் மின் நிலை­யங்­கள் மாநி­லத்­தின் மின்­சா­ரத் தேவையை பூர்த்தி செய்­வ­தில் முக்­கிய பங்­க­ளிப்பைவழங்கி வரு­கின்­றன. தமிழ்­நாடு மின் உற்­பத்தி மற்­றும் பகிர்­மான கழ­கத்­தின் நேரடி கட்­டுப்­பாட்­டின் கீழ் நீல­கிரி, கோவை, உள்­ளிட்ட மலைப் பகு­தி­க­ளில் 2 ஆயி­ரத்து 300 மெகா­வாட்­டிற்­கும் அதி­க­மான திறன் கொண்ட 40-க்கும் மேற்­பட்ட நீர் மின் நிலை­யங்­கள் இயங்கி வரு­கின்­றன.

தமி­ழக நீர்­மின் நிலை­யங்­க­ளில் கடந்த ஆண்டு ஏப்­ரல் 1 முதல் ஜூலை 17வரை­யி­லான கால­கட்­டத்­தில்ஆயி­ரத்து 509 மில்­லியன் யூனிட் நீர்­மின்­சா­ரம் உற்­பத்தி செய்­யப்­பட்­டி­ருந்­தது. ஆனால், நடப்­பாண்­டில் அதே கால­கட்­டத்­தில் வெறும் 751 மில்­லி­யன் யூனிட் மட்­டுமே உற்­பத்தி செய்­யப்­பட்­டுள்­ளது.

இத­னால், தமிழ்­நாட்­டில் கடும் மின் தட்­டுப்­பாடு ஏற்­பட்­டுள்­ளது.

இதனை சமா­ளிக்க முடி­யா­மல் திணறி வரும் தவெக அரசு, கடந்த சில மாதங்­க­ளாக ஒரு யூனிட்­டிற்கு 16 முதல் 20 ரூபாய் வரை­யி­லான விலை­யில் தனி­யார் நிறு­வ­னங்­க­ளி ­டம் இருந்து மின்­சா­ரத்தை வாங்கி வரு­வ­தா­க­வும் தக­வல் வெளி­யாகி உள்­ளது.

இருப்­பி­னும், தமி­ழ­கத்­தில் அறி­விக்­கப்­ப­டாத மின்­வெட்டு நிலவி வரு ­கி­றது.

இந்­நி­லை­யில், நீர்­மின் உற்­பத்தி 50 சத­வீ­தம் வரை சரிந்­துள்­ள­தால், அறி­விக்­கப்­ப­டாத மின்­வெட்டு மேலும் அதி­க­ரிக்­கும் அபா­யம் ஏற்­பட்­டுள்­ளது.